الموضوع: بطاقة الرقم القومى - وعمل التأمينات فى مصر
بطاقة الرقم القومى - وعمل التأمينات فى مصر
بسم الله الرحمن الرحيم
فى البداية اجب اشكر المنتدى العظيم ده الى استضفنى فيه وتعلمت منه الكثير جدا ومازلت اتعلم وارتوى منه
ولكن انا بعمل فى الموارد البشرية فى شركة ادوية مصرية وكمان ماسك التأمينات الاجتماعية
وكنت فى موقف غريب شوية انى انا بعمل البطاقة للمرة التانية لانها انتهت وزى ما انتم عارفين البطاقة بتجدد كل سبع سنين كان نفسى تبقى كل (عشر سنين زى الرخصة) المهم روحت التأمينات عشان اختم البطاقة الاستمارة طبعا ولكن لانى محامى وكنت ممكن اتعرض للفصل من النقابة فكتبت فى البطاقة زى ما بينص القانون انى مستشار قانونى وطبعا انا كان متأمن عليا اخصائى موارد بشرية فطبعا رفضوا يختموا البطاقة وقالولى لازم تجيب ورق من الشركة يثبت انك اترقيت وبقيت مستشار قانونى وتروح النقابة تجيب لينا ورقة من هناك تثبت ده طبعا توجهت الى النقابة واستخرجت شهادة من هناك معتمدة والشركة عملتلى ورقة علم واحاطة بالموضوع ورحت التأمينات طبعا الموظفين هناك مش على قلبهم مراوح بس ده تلج متلج كمان المهم روحت وجت الموظفة وادتلها الشهادة الى انا جبتها من النقابة وبعد كده الورقة المختومة من الشركة وقالتلى روح هاتلى طابعة من الكمبيوتر ورحت فعلا جبتلها طابعة من الكمبيوتر وبعدين شافة اصل الشهادة بتعتى واخدت نسخة منها وبعدين صورة كارنيه النقابة وبعد كده قالتلى الورقة بتاعت الشركة دى مين الى ماضى عليها قولتلها مديرتى فى الشغل وكمان دى مختومة من عندنا فى الشركة قالتلى لا لازم الى معاه صحة التوقيع من عندنا هو الى يوقع على الورقة دى وتجيب نموذج صحة التوقيع معاك كمان والكلام ده تقريبا كان الساعة 3 ونصف بعد الظهر وانا هناك تقريبا من الساعة 12 ظهرا المهم قلت مفيش مشاكل اجيب التوقيع من الشركة .
وبعد كده جاتلى فكرة انى عاوز اغير عنوان البطاقة اعمله على عنوان الشغل فهل ده ممكن ولو ممكن اعمله ازاى
صحيح ياجماعة دلوقتى التأمينات وانته رايح تقدم اى استمارة سواء كانت استمارة 1 او استمارة 6 او تعمل اى حاجة لازم يبقى معاك تفويض فى كل مرة حتو وانته بتختم ورق البطاقة لازم يبقى معاك تفويض من الشركة
رد: بطاقة الرقم القومى - وعمل التأمينات فى مصر
ياسيدى حضرتك صحاب البطاقة ومش محتاج تفويض فى كل مرة
بس تكون البطاقة مختومة من الشركة مووقعة من له حق توقيع التامينات الاجتماعية
رد: بطاقة الرقم القومى - وعمل التأمينات فى مصر
لا يا استاذ عبد العزيز لازم يكون فيه تفويض من الشركة برقم حضرتك التأمينى وكمان ورقم بطاقتك عشان تطبعلك طابعة الكمبيوتر والا هى اصلا مش هتطبع الورقة وبالتالى مش هتقدر تختم استمارة البطاقة
مع كامل تحياتى
رد: بطاقة الرقم القومى - وعمل التأمينات فى مصر
استاذى الفاضل التعامل مع التأمينات يجب أن يكون من خلال مندوب الشركة فقط ... فى غير ذلك من الحالات يجب ان يكون هناك خطاب من الشركة موقع ممن له حق التوقيع وفى حالة ان الموظف يشك فى التوقيع هو اللى مطالب بأستخراج نموذج التوقيعات من ارشيف نماذج التوقيعات لديهم فى التأمينات .
استاذى مشكلتك الحقيقية انك روحت التأمينات بعد الساعة 12 ظهراً ودا بيزعج حضراتهم جداً
رد: بطاقة الرقم القومى - وعمل التأمينات فى مصر
الاخ الفاضل /
1- حضرتك لو مندوب الشركة المفروض يكون معاك تفويض ويقدم عند الطلب وده بيحصل لو الموظف رخم او جديد ومش عارفك
2-
رد: بطاقة الرقم القومى - وعمل التأمينات فى مصر
بس الحكايه كلها على حسب علاقتك هناك بالموظفين لو كويسه كل حاجه هتمشى لو لا كل حاجه هتوقف واما بخصوص التفويض انا بظن انه يكون معاك عند الطلب.
يقال ان الرقم (7) يملك طاقة في حد ذاته
موضوع جميل، للتدبر والتفكر والتمعن.
وان كان يميل الى الإعجاز، ولكنه يستحق الوقوف عنده (مشاركات: 9)
https://www.hrdiscussion.com/imgcache/3646.imgcache (مشاركات: 0)
واقع التأمينات الاجتماعية في مصر
مظلة التأمينات الاجتماعية
الفئات المستفيدة من أموال التأمينات الاجتماعية
إعــــداد
الأستاذ/ أحمد عمر سعد الله
مدير عام التشريع التأميني
وزارة التأمينات (مشاركات: 6)
استخدم الموقع التالي:
https://www.cso.gov.eg/RequestCert.aspx
عند ملئ الاستمارة على هذا الموقع فإنك ستحصل على رقم لطلبك، ويمكنك باستخدام رقم طلبك أن تتصل بمصلحة الأحوال المدنية فى مصر لكى... (مشاركات: 0)
اتصل بهذاالرقم أخر الليل ..؟؟؟
اتصل على هذا الرقم ... وخاصة آخر الليل
الكثير منا يستعصيه أمر في هذه الدنيا والكثير منا يبحث عن وساطة إما لوظيفة
أو لاجتياز اختبار أو معاملة في إحدى الدوائر... (مشاركات: 2)
إذا كنت تريد الحصول على تقارير مالية بافضل طريقة نقدم لك جلسة إرشاد وتوجية Coaching على ايدى اهم خبراء المحاسبة الالكترونية لتدريبك بشكل مباشر على الحصول على التقارير المالية للحسابات الختامية للشركة وقياس اداء الشركة بشكل عملى ومحترف
تطبيقات الذكاء الاصطناعي في الإدارة الاستراتيجية تهدف إلى تعزيز عمليات صنع القرار وتحسين الأداء الاستراتيجي للمنظمات، واستخدام التقنيات والأدوات الذكية لتحسين عمليات صنع القرار وتحقيق الأهداف الاستراتيجية للمنظمات، تتضمن هذه التطبيقات استخدام الذكاء الاصطناعي في تحليل البيانات الكبيرة وتوقع المستقبل، وتحسين الأداء الاستراتيجي وتحديد الاتجاهات المستقبلية.
كورس تدريبي متخصص يهدف الى تأهيل عمال البوفيه Office Boy يتناول أساسيات ومبادئ النظافة وأعمال التنظيف و أداب واتيكيت الضيافة في المكتب و الاعمال المكتبية للأوفيس بوي و مبادئ الأمن والسلامة المهنية للأوفيس بوي
برنامج تدريبي يتناول سمات مقدم البرامج التلفزيونية ومهارات مقدم البرامج التلفزيونية مثل مهارة الالقاء ومهارات اللغة العربية ويشرح طبيعة دور مقدم نشرات الاخبار وقراءة التعليقات السياسية والتحليلات
إذا كانت هوايتك هي التصميم ولديك شغف خاص بشكل الأثاث، فلما لا تجعل هذا الشغف مهارة حقيقة ومن ثم عملك الخاص؟ من خلال كورس تصميم الأثاث الذي يؤهلك للعمل كمصمم أثاث محترف، ستتعلم في الكورس المباديء والمفاهيم النظرية لتصميم الأثاث، مع التدريب العملي على مشروع تصميم أثاث وواقعي لتكتسب الخبرة العملية أيضًا.