الموضوع: ماهي المؤهلات المطلوبة للعمل في الموارد البشرية

السلام عليكم ورحمة الله وبركاته
انا طالبة بكلية الاثار اخر سنة
وان شاء الله بخطط اني اعمل في مجال ادارة الموارد البشرية
وكنت عاوزة اعرف ايه هي المؤهلات اللي مطلوبة مني عشان اشتغل في الموارد البشرية بعد ما اتخرج على طول
وانا اتصلت بمركز عشان اسأل على دبلومة بشرية وقالوا مش هشتغل بيها لازم خبرة في اي عمل اداري 3 سنين كسكرتيرة مثلا
هل ده صحيح؟

وممكن اعرف التدرج الوظيفي للعمل في الموارد البشرية يعني هبدأ ايه ومتوسط المرتب وهنتهي بايه؟

يا جماعة ردوا لو سمحتوا ضرووووووري ماتطنشونيش

أختي العزيزة لقد سألتي عن عظيم

المهارة الفنية

-أخذ كورس في الموارد البشرية أو مثلاً Mini MBA HR
- علي دراية كاملة في انفعلات والسلوك الإنساني .
- علي دراية كاملة بقانون العمل .
- علم إدارة التغيير


المهارات الشخصية

- فن الاتصال والتواصل
- الابتكار
- سرعة الانجاز
-



مهارات إدارية
- كيفية وضع الخطط الإستراتيجية مع ما يناسب رؤية ورسالة المنظمة
- تطبيق النظام والحكمة مابين القانون وروح القانون (المرونة )
-القيادة الناجحة ( وتبدأ بتفعيل روح الفريق )
- إتخاذ القرارات وحل المشكلات ( بإتخاذ حل والحلول البديلة )


وأوصيكي أختي هالة

... أن تكوني صبورة في هذا العلم لأنه بمثابة الطبيب النفسي للمنظمة ...

... كوني محايدة في آرائك أو قراراتك ولا تميلي لعاطفتك بالسالب أو الموجب .....

... أنت ما تمثلي للمورد البشري في المنظمة ... المنظمة نفسها ..فالحكمة تخدم العلم وهي هبه من الله أولا ثم العلم والتجارب ثانياً ....
........ راس الحكمة خوف الله ..........

... هذا المكان حساس فعلمي أن كل خطوة ستسألين عنها ....

متشكرة جدا جدا جدا يا استاذ علاء الزئبق انه حضرتك رديت وافدتني
طيب يعني عشان ابدأ هاخد دبلومة موارد بشرية وكورس في قانون العمل مثلا لكن ايه انفعالات السلوك الانساني وادارة التغيير؟ هما ليهم كورسات برده ولا دي حاجات بقرأ عنها بس
بعدين وانا اسفة مطولة على حضرتك
حضرتك كتبت من المهارات الادارية: كيفية وضع الخطط الإستراتيجية مع ما يناسب رؤية ورسالة المنظمة
طيب مهي دي حاجة بندرسها في الدبلومة لكن من ناحية التطبيق اعتقدد انها محتاجة خبرة عشان كدة مش هشتغل بقة ولا ايه هيقولولي ماعندكيش خبرة طب هجيب خبرة منين؟ هل صح لازم عمل اداري لمدة 3 سنين مثلا
و متشكرة جدا يا استاذي على المجهود

أختى الفاضلة
أرحب بك عضوة جديدة بالمنتدى وفي مجال العمل بالموارد البشرية
اعتقد أن الأخ علاء قدم الرد المناسب لكن أحببت أن أقدم لك الأمر في عدة خطوات محددة ومركزة :
أولا : دراسة دورة في علم الادارة (لمعرفة ما هى وظائف الادارة الخمسة ) وهي أمر هام جاد يغفل الكثيرين عنه لأنني لا أعتقد أن هناك من يتقن عمله الادارى ايا كان تخصصه دون معرفة مبادئ علم الادارة وأهمها وظائف الادارة الخمسة .
ثانياُ : دراسة دورة أو دبلومة متخصصة في ادارة الموارد البشرية على أيدي محترفين فهناك الكثير من الهواة في هذا المجال يكون الهدف من هذه الدورة معرفة ما هي ادارة الموارد البشرية وما هي انشطتها وعملياتها.....الخ واختلف مع أخي علاء في تحديد الدورات ب MINI MPA أو غيرها فهناك العديد من الدورات التدريبية القيمة والتي لا تكلف الكثير من المال مثل هذه الدورة التي اقترحها اخي علاء
وأنصح الجميع بالالتحاق بدبلومات ادارة الموارد البشرية التي تقدمها أكاديمية السادات للعلوم الادارية فهي دورات قيمة ومفيدة جدا
ثالثا: البدء في الالتحاق بوظيفة داخل ادارة الموارد البشرية بالشركات وايا كانت هذه الوظيفة ستكون مفيدة جدا لك في الالمام بالخبرات العملية في هذا المجال مثل قانون العمل والتأمينات وخلافه.
رابعاً: القراءة في مجالات تطوير الذات والمهارات النفسية والعقلية مثل البرمجة اللغوية العصبية .

وفقك الله وسدد خطاك

متشكرة جدا جدا استاذ احمد محمد اسماعيل
والله يا جماعة طمنتوني خالص
انا نفسي فعلا اخد الدبلومة في اكاديمية السادات بس لقيتها بعيد اوي عني فمش هينفع بس في مراكز كتير بتديها الدبلومة دي انا هسأل مين اللي بيديها واشوفهم محترفين ولا لا وبعدين اخدها
متشكرة جدا على النصايح اساتذتي الكرام: استاذ علاء واستاذ محمد
جزاكم الله عني خير الجزاء
بس ليه محدش قاللي عالتدرج الوظيفي؟