الموضوع: استفسار بخصوص الموارد البشرية

• السلام عليكم ورحمة الله وبركاتة

انا عضو جديد ومبتدء ولدى شوية استفسارات
اولا انا من مصر انا عارف اسئل عن الموارد البشرية واية المطلوب انى ابقى يعنى زى مابقول بعض الناس سمسار عاوز اعرف ازاى اسفر ناس وازاى اتواصل مع الكفيل بتاع التاشيرا
زى المكاتب وفى ناش شغالة سمسرة بتسفر وكدة
................
اية المطلوب يعنى فى دروس على النت ولا اروح اتعلم من مكتب لالحاق العمالة وكدة ولا ايةوانشاء الله لو ربنا كرمنى بما يرضى الله هفتح مكتب لتوطيف العمالة


واخر استفسار اية المطلوب فى فتح مكتب وسعر وكدة

ياريت ياهل الخير الى عندة الاجابة لا يبخل عنى

ومع اطيب التحيات بالتوفيق

فى رعاية الله

ارجوا نقل الموضوع الى القصم المختص اذا مخالف

صلى على النبى
اية يا اهل الخير واهل الخبرة فين الردود اين الاجابة
طيب صلى على النبى كمان مرة

صلى الله عليه وسلم

الفكرة دي محتاجة علاقات مع شركات خليجية قبل كل شيء.
يعني رأس مالك العلاقات
يعني لازم الشركات تبقى عارفاك كويس عشان تبعت لك تأشيراتها
والاهم كمان التراخيص لأن الشركات مش هتبعت لك تأشيرات الا اذا كنت مسجل ومرخص
لأن نظام التأشيرات في السعودية مثلا يحتم على الشركات تفويض مكاتب مسجلة ولها ترخيص واعتقد كل بلاد الخليج كدة
دة لو بتفكر تشتغل صح

لكن لو حبيت تبقى مجرد سمسار يبقى لازم تتواصل مع مكاتب التوظيف في مصر وتعرض عليهم توفير عمالة بمواصفات معينة مقابل مبلغ معين عن كل فرد والفكرة دة لازم تدرسها الاول وتشوف هي مقبولة عن المكاتب أم لا