جاءنا هذا الرد من أحد الزوار الكرام:

باشا الشركة دى صحابها نصابين وكذابين والشغل ده مش مدير موارد بشرية
أ / أسلام اللى حاطط الإعلان ده هو مدير الموارد البشرية حاليا ومش طايق أمهم وظلم ظلم مابعده ظلم
وأنا اتنصب عليا وسافرت هناك فى مؤسسة حسن جميل للسيارات وخسرت 20000 ألف جنيه
وطلع الشغل الحقيقى
1- مشرف عمال النظافة
2- مشرف بيارات الصرف الصحى ومسئول عن أصلاحها بواسطة شركات أخرى
3- مسئول عن السلامة والصحة المهنية ( أجهزة وخطط الحريق ووسائل الدفاع المدنى مع انى مش مهنى ولا
معايا شهادة OSHA )
4- مسئول تسويق للسيارات بقاعة العرض ( أحط استاندات وصف موديلات السيارات وغيرها )
5- مهندس مدنى ( مسئول عن أعمال ترميم سكن العاملين وأى تشطيبات به أو إنشاءات )
6- مهندس كهرباء ( مسئول عن لوح توزيع الكهرباء وإصلاحها بواسطة أى شركات أخرى تعمل تحت إشرافى
والتكييفات وأى حاجه )
7- مسئول مشتريات ( من القلم لحد أى حاجه تتخيلها سيادتك )


ونظام عاجبك على كده عاجبك مش عاجبك مع السلامة فى 60 داهية ده نظامنا
لو عايز أى اثباتات أنا جاهز صور حواز سفر - صور العقد - صور قرار إستلام العمل ( ادينى أيميل ابعتلك اللى انتا عايزه )


لو سمحت خلوه مايحطش أى أعلانات تانى لأى وظائف فى الموارد البشرية
حرااام ناس تتظلم تانى أنا اشتغلت أسوأ 2 أيام فى حياتى كلها ورجعت بعد 10 أيام
وجميل ابن صاحب العمل رفض يخلينى أعمل عمره حتى ومن الأخر محدش هيعرف يعمل معاهم حاجه عشان هما من أكبر عملاء بنك الرياض
اللهم قد بلغت اللهم فاشهد