[مشاهدة الروابط متاحة فقط لأعضاء المنتدى .. ][مشاهدة الروابط متاحة فقط لأعضاء المنتدى .. ]
10 نصائح تضمن بيهم نجاح خطتك ل 2015
1- حدد اهم اهدافك خلال السنة واكتبهم وعلقهم قدامك فى كل حتة.
2- اكتب جمب كل هدف ملاحظة "انت ليه اخترته وليه هو مهم بالنسبة ليك وايه اللى هتستفاد منه لما تحقق الهدف ده عشان تفكر نفسك بأهميته.
3- حط لكل هدف "ميعاد محدد لتحقيقه" وحاول تلتزم بيه.
4- قيم نفسك كل فترة "اسبوع-شهر" عشان تعرف انت قربت قد ايه من اهدافك.
5- دور على حد يشاركك ايا من الاهداف دى عشان تشجعوا بعض او حتى تتنافسوا على تحقيقها.
6- اتكلم مع الناس وعرفهم اهدافك للسنة دى وناوى تحققها امتى!! حتى لو هتنشرها على الفيسبوك, "عشان تلزم نفسك بيها وتخاف لتكسف نفسك قدام الناس" .
7- اختار لنفسك جايزة او هدية كبيرة تكافىء نفسك بيها لما تحقق اى هدف .
8- احتفل بأى انجاز حققته فى خطتك مهما كان بسيط لان ده اللى هيخليك تكمل .
9- دور على حد تساعده فى تحقيق اهدافه حتى لو بالتشجيع "من سار فى حاجة اخيه سار الله فى حاجته" .
10- اسعى واتعب واتوكل على الله واحسن الظن به .
ملحوظة: لو لسة معملتش Plan ل 2015 ابدأ حتى بهدف واحد كبير نفسك تحققه السنة دى وطبق عليه الخطوات السابقة
وممكن كمان تعمل Share لل 10 نصائح دول وتكتب اهدافك اللى نفسك تحققها وتشوف مين ممكن يشاركك او يساعدك فى تحقيقها خلال السنة
واهو تبقى دبست نفسك والتزمت بيهم قدام الناس
قولنا فى تعليق ايه اكبر هدف نفسك تحققه فى 2015؟!!
رد مع اقتباس