صديق ليا شغال فى شركة فى مدينه نصر، وحصلت فى الشركة حاجة غريبة جدا
"جالهم خبر متسرب كدة من العصافير ‏‎إن الشركة هتصفى وهتمشى كل الناس ، وخلال أيام حدث شئ أعتقد أنه لابد وأن يُدرس فى إدارة الأزمات "
ما حدث
" إجتمعت صاحبة الشركة مع جميع الموظفين وبمنتهى الصراحة أبلغتهم بالأزمة كاملة ، وأنها كانت بالفعل على وشك التصفيه النهائية إلى أن أتى فرج من الله وإستطاعت مع مجموعة الإستشاريين الوصول إلى حد ما لبر الأمان ، ولكن يتبقى جزء مهم جداً ، وقالت عليا أن أصارحكم به وهو أننا لن نستطيع أن نعطى مرتبات إلا فى شهر 5 ، وكان ما حدث أول يوم فى شهر مارس.
" يعنى الناس هتشتغل شهرين " مارس وأبريل بدون ما تقبض ، ولكن فى شهر 5ولم تحدد ميعاد ولكنها قالت كل الناس هتاخد راتب الشهرين كاملين "
وقالت " وللجميع حرية الإختيار ، بين البقاء فى الشركة أو المغادرة "


فى الحقيقة هو كان إستشارنى فى الوقت دة ، وأنا سألته مجموعة أسألة كانت كل إجابات الأسئلة بتقول إنه لازم يفضل ما يمشيش ......
" سألته عن حالتها وهى بتتكلم وقالى إنها كانت متأثرة جدا وتكاد تبكى "
" وسأله عن أى مشاكل طوال 4 سنين فى الشركة أو تأخير ، كان ردة لأ إطلاقا ، دايما مرتباتنا فى مواعيدها ودايما حوافزنا بتطلع فى ميعادنا ومعاملتها لينا يسودها الود والإحترام ، وقالى بصراحة عنوان بسيط عن المشكلة وهى بإختصار المتسبب فى كل هذا زوجها سابقاً ، هو ومحامية من فعلوا كل تلك المشاكل .....


فأبلغته وقتها " قف بجانبها وسيكون لك شأن فى هذه الشركة .."
ولكن خلال الشهرين حاول البحث بشكل تدرجى عن مكان أخر ، بحيث بعدها أوفت بالعهد إذن تستمر وسيكون لك شأن كبير ، لم توفى بالعهد تكون إنت بدأت تتحرك على مقابلات شخصية فى شركات أخرى وتبدأ متتعطلش فى السوق ، ولكنى أعتقد أنها ستوفى لأنها غير مجبرة على ما قامت به معكم ومصارحتكم ....
وبالبلدى
" إعتبر نفسك مزنوق أو قاعد بدون شغل ، ماشى حالك بقدر الإمكان ودول كلهم شهرين ،كإنك دخلت بيهم جمعيه


الجميل بقى جداً إن النهاردة إتصل عليا وقالى حاجة جميله جدا


قالى إنها النهاردة عملت إجتماع بجميع من تبقوا معانا طوال الشهرين الماضيين ، وأعطت لكل واحد فيهم ظرف فيه راتب الشهرين ، وراتب شهر إضافى شكر منها ليهم على وقوفهم بجانب الشركة ..............


فى الحقيقة الموضوع دة فى حاجتين


" أولهم إن زميلى دة كان مبسوط جدا وهو بيكلمنى ، وبيقولى أنا لو قعدت طول السنة أحوش مكنتش هقدر أوفر مرتب شهرين ، ياريتها تشيل لينا المرتب وتقبضنا كل شهرين ، علشان الواحد يبقى مُجبر إن هو يمشى على قده طول السنة وبعدين تلاقى نفسك عاملك مبلغ تقدر تستثمره
" و على فكرة هى فكرة جميله ، إن شاء الله الواحد يحاول يطبقها الفترة ال جاية "


" الأمر التانى ال زميلى مش فى دماغة أصلا المهم إنه قبض ‏‎ولكنه هو دة ال لفت نظرى فى الموضوع ....
وهو حسن تصرف صاحبة الشركة فى الوضوح والصراحة والشجاعة والقدر على إتخاذ القرار وتوقيت إتخاذة وحسن إدارتها للأزمة ..........


" الواحد شاف مديرين ورجالة بيغرقوا فى شبر مية ، فكون إن إمرأه ويحدث لها هذا ومن زوجها سابقاً وتحسن التصرف بهذا الشكل وبتلك الرزانة وحكمة التصرف ، فهى فعلاً مثال لسيدة أعمال عظيمة من وجهة نظرى على الأقل .....
" لها منى كل إحترام وتقدير ".....................


حقيقى
مش كل من لبس أو لبست بدلة ينفع يقعدوا على كرسى الإدارة
الإدارة دى عبارة عن دمااااااغ متكلفة
الإدارة اسلوب حياة