الموضوع: 13 جملة ممكن يكونوا السبب إنك ماتعدّيش من الانترفيو
13 جملة ممكن يكونوا السبب إنك ماتعدّيش من الانترفيو
1- "معلش، أصل أنا متوتر شوية بس"
مافيش شركة هتهتم تعين واحد مش واثق من نفسه، حتى لو كنت متوتر اعمل نفسك واثق، بس ماتأفورش علشان ماتتفضحش.
2- "هتدوني كام بالصلاة ع النبي"
لو اتكلمت في الفلوس بدري هتدي انطباع انك جاي تشتغل علشان الفلوس بس وهيحسوا انك مش مهتم بالشغل نفسه ودي حاجة مش كويسة. خلي الكلام عن الفلوس والاتفاق اخر حاجة خالص.
3- "نقطة ضعفي اني بشتغل كتير أوي"
ما تطّوعش وتتكلم عن عيوبك او نقط ضعفك الا لو اتسألت عنها، ولو اتسألت فكر كويس واعترف بعيوبك الحقيقية. بلاش جو انا نقطة ضعفي اني طيبة وبثق في الناس بسرعة.. انت مش بنت في اولى جامعة بتلعب سبن ذا بوتيل.
4- "انا فعلا محتاج" الشغل دا"
-طب يحنن يابني! انت رايح تشتغل مش تشحت والشركة بتبقى محتاجة ناس حابة الشغل وعايزة تكمل في الكارير دا، مش مجرد مصدر يجيب منه فلوس وخلاص.
5- "بصراحة شغلي/مديري زي الزفت"
تفتكر ممكن تسيب اي أنطباع ايجابي لما تشتم في مديرك او شغلك السابق؟
6- "انا عايز....."
ماتتكلمش كتير في انت عايز ايه ... اهتم اكتر بانك تتكلم في اد ايه انت هتنفع الشركة وهتفيدها من الاخر يعني "ماتقولش ايه اديتنا مصر، قول هندي ايه لمصر"
7- "لامؤاخذة بس هو الانترفيو هيخلص امتى؟"
ماتديش انطباع للي قدامك بانك مستعجل وعايز تمشي، الانترفيو ممكن يكون متحددله نص ساعة بس تكون الحياة ماشية كويس فممكن يدخل في ساعة وهو مبسوط بيك، انك تديله انطباع انك مستعجل ممكن ساعتها يقولك طيب اتفضل، بس تأكد انك مش هتسيبه وهو مبسوط!
8- "هو مش فؤاد شغال هنا برده؟"
اكيد مش هينبهر بيك لما تقوله انك حابب الشركة عشان الاوفيس بوي بيقولوا بيعلم نسكافيه حكاية!
9- "ممكن ماجاوبش ع السؤال دا؟"
طول ما السؤال طبيعي وفي اطار الشغل جاوب! مش دا الوقت اللي تلعب فيه بورقة " الشاب الغامض" اللي البنات عايزين يعرفوا حكايته ايه
10- "هو انا ليّا كام يوم اجازة في الشهر ممكن اغيبهم؟"
فعلا؟ بتسأل عن الايام اللي ممكن تقعد فيها في البيت ويبقى قبضك شغال من اول يوم شغل؟
11- "معلش في اللفظ يعني دي حاجة
افتكر انك في انترفيو في شركة وماتستخدمش اي الفاظ دارجة بينك وبين صحابك ع القهوة مهما لايكون الشخص اللي قدامك ودود معاك. خليك محترم جدا واوعى تستخدم "معلش يعني في اللفظ .. " هو مش محتاج يسمع اللفظ اللي انت بتعتذر عنه.
12- "اصلي لسه مفركشة/حامل/ ظروفي الايام دي مش اد كده"
حياتك العائلية ومشاكلك دي تخصك لوحدك، اكيد ماتخصش الشركة اللي انت لسه أول يوم تدخلها النهاردة
13- "لا والله ماعنديش اسئلة، انتو ناس فل الفل"
لما يقولك عندك اسئلة اسأل وماتتكسفش، حسسهم انك مهتم جدا بالشغل وعايز تعرف تفاصيل اكتر ولازم تكون محضر اسئلة قبل الانترفيو
بعد التخرج يواجه العديد من الشباب مشكله البحث عن الوظيفة ومع ندرة فرص وظائف في مصر اصبح على الشاب ان يستعد جيدا للمقابلة الشخصية ليضمن القبول والحصول على الوظيفة بنجاح
1 - لغة الجسد : فى... (مشاركات: 0)
إذا تقدمت إلى وظيفة جديدة فمن المؤكد أنك تجرى مقابلة عمل “انترفيو” قبل الحصول عليها، وأهم 5 أخطاء يجب عليك تجنبها خلال الانترفيو، فعليك بتوخى الحذر فى جميع تصرفاتك، لأنك حينها تكون تحت الميكرسكوب،... (مشاركات: 0)
كل الشباب حديثى التخرج دلوقتى اكتر عقبة ممكن تقابلهم بعد تخرجهم فى رحلة البحث عن وظيفة هي المقابلة الشخصية ( الأنترفيو ) –
دلوقتى هنتكلم عامة عن تصنيف الأسئلة الى ممكن تتسئل ليك
– الأسئلة المفتوحة... (مشاركات: 1)
"المؤشرات غير اللفظية" أو "لغة الجسد" يمكنها أن تزيد من فرص نجاحك في المقابلة. كما أن الطريقة التي يتفاعل فيها مسؤول التوظيف بحركات جسدية معينة، تظهر إن كان يشعر بالملل أو يصغي إلى ما تقوله باهتمام،... (مشاركات: 0)
السلام عليكم ورحمة الله وبركاته
تأمل في قوله تعالى:
{وَبَدَا لَهُمْ مِنَ اللَّهِ مَا لَمْ يَكُونُوا يَحْتَسِبُونَ}
هذه الآية كانت تشتدُّ على الخائفين من العارفين، فإنها تقتضي أنَّ من... (مشاركات: 0)
دورة تدربية متخصصة موجهة للمهندسين المعماريين والمدنيين ومهندسي الاعمال الالكتروميكانيكية والمهندسين الاستشاريين بجميع تخصصاتهم وكذلك لمهندسي المكاتب الفنية بأنواعها وموجهة كذلك إلى المقاولين وشركات الإنشاءات وشركات التطوير العقاري وجميع العاملين بالمجال القانوني والمحاسبي بقطاع التشييد والبناء، حيث يتم دراسة انواع العقود بصفعة عامة والعقود في قطاع التشييد والبناء بصفة خاصة، وما هي الالتزامات الفنية والمالية لجميع اطراف تلك العقود
يهدف هذا البرنامج التدريبي إلى تنمية مهارات المشاركين بالأسس الحديثة فى إدارة علم إدارة الأزمات والطوارئ وخطة اخلاء المستشفي والمنشآت الصحية
ورشة تدريبية مكثفة تساعدك في التعرف على النظام الحديث في تأمين المعاملات المالية والتجارية - البلوك تشين - والتي يتوقع له ان يكون مستقبل التكنولوجيا المالية والتجارية وشرح اهم تطبيقاته الحالية والمستقبلية
كورس تدريبي متخصص يهدف الى تأهيل عمال البوفيه Office Boy يتناول أساسيات ومبادئ النظافة وأعمال التنظيف و أداب واتيكيت الضيافة في المكتب و الاعمال المكتبية للأوفيس بوي و مبادئ الأمن والسلامة المهنية للأوفيس بوي
احصل الآن على شهادة دبلوم مدير الحسابات المعتمد CAM، والتي تهدف الى تزوديك بالمهارات المهنية اللازمة لشغل منصب مدير حسابات، حيث يتم التركيز في هذا البرنامج المتخصص على شرح الدورة المحاسبية بكل تفاصيلها والضرائب المطبقة في الشركات وتصميم دورة مستندية تتناسب مع نشاط الشركة، كما ستتعلم في هذا البرنامج كيفية تحليل القوائم المالية بشكل احترافي.