الموضوع: ازاى تقدر تحكم علي احترافية ال HR team بتاع شركة من غير ما تشتغل فيها
ازاى تقدر تحكم علي احترافية ال HR team بتاع شركة من غير ما تشتغل فيها
١- ال HR اللي بينزل اعلانات توظيف بتاعته ومش بيكتب تفاصيل الوظيفة زى المهام الوظيفية J.D او ما يحددش المسمي الوظيفي بالظبط position ويكتفي بكتابه القسم زى مثلا مطلوب محاسب او مطلوب موظف HR ..الكلام دا مش صح ويدل ع عدم الاحترافية
2- ال HR اللي بيكتب ايملاته الشخصية عشان يستقبل عليها ال CVs وهو عندة ايميل شركة .. دا عدم احترافية مهما كانت الاسباب
3- ال HR اللي بيكلمك في التليفون عشان يستفسر منك علي كام حاجه Telephonic interview وما يتأكدش منك الأول انه معاد مناسب ليك ولا لا دا عدم احترافية او انك من نفسك تعتزر عشان انت ف مواصلات مثلا وتطلب منه يكلمك في وقت تانى وما يتصلش بيك عشان اتقمص ... الشركة دى تحمد ربنا انك ما اشتغلتش فيها
4- ال HR اللي هيقولك انى هبعتلك ميل بالتفاصيل زى العنوان وخلافة وما يبعتش ...دى عدم اهتمام من أولها هو نسيك بعد ما قفلت معاه علطول هيفتكرك اما تروحله الشركة وتقولوا انا عندى انترفيو النهاردة ????
5- ال HR اللي هيرجعنا ٨٠ سنه ورا ويقولك اكتب معايا العنوان بالظبط واكتب اسم الشخص اللي هتقبله واكتب اليوم والساعه والثانيه .. قولوا ياعم هو اختراع النت عندكم لسه ماجاش... ما تروحش طبعا لان الجواب باين من اوله
6- الابلكيشن بتاع الشركة لو بفلوس.. اطلع يا معلم علي القسم علطول بلغ لانهم نصابين .. اما لو الابلكيشن حاسه مافيهوش اى سؤال غير اللى ف الCV بتاعك يبقي دول حافظين مش فاهمين.. يعنى بلح ف HR knowledge
7- وصلت الشركة ف معاد interview الساعه مثلا ٢ ظهرا وفضلت مستنى ربع ساعه محدش قالك اسفين مثلا ع التأخير لايا كان السبب ..واستنيت ربع ساعه كمان ومحدش عبرك قوم اقف واقلهم انا احترمت معادى لكن انتوا ما احترمتهوش ..لو رد فعلهم كان بارد ومستغربين يبقي دول من مدرسه سيب الناس ملطوعه عشان نشوفهم تحت ضغط.. دول بقا تمشي علطول من عندهم وتدعلهم بالهدايه
8- دخلت interview ولاقيت واحد بيكلمك وهو مادد رجلة ع كرسي تانى او بيكلم وهو باصص ف ناحيه تانيه وساعات بيحرك الننى عليك بس .. الراجل اللي بيعملك المقابله دا لسه خارج من مستشفي امراض نفسيه بيزور بس الشركة وراجع تانى... اوعى تحس انه بيتقل من احترامك ف اى مكان مهما كان
9- لو سمعت صوت عالي فى المكتب او ف الدور اللي فيه ال HR بالذات والمدير فرحان بحنجرته واما بيمشي الناس كلها بتخاف دا بردو لسه عايش ف عصر الجاهليه ..خلى بالك دى مش مكان يتزعل عليه
10- الجمله الشهيرة هنبقي نرد علي حضرتك وطبعا محدش هيعبرك حتى برنه ...يبقي ما تزعلش علي مكان زى دا لانه لم يحترم وقتك وفلوسك اللي صرفتها عشان تجلهم
النصائح دى بالذات للي عاوز يشتغل في ادارة ال HR في شركة من الشركات دى ..اوعى تزعل انك ما اشتغلتش معاهم لان للاسف هتتعلم غلط
بقلم مصطفى سعيد
السلام عليكم و رحمة الله و بركاته
لو سمحتم يا جماعة انا عندى سؤال ازاى اشتغل فى الhr ايه الدراسات المطلوبة انا بكالوريوس تجارة هاشتغل فى شركة اكسيد كاستمر سرفيس و عايزة اشتغل فى الاتش ار فى الشركة... (مشاركات: 1)
هل تحب ما تقع عليه عينك عندما تنظر في المرآة؟ وهل تحب صوتك عندما تتكلم؟ هل تشعر بأن لديك نفس ما عند الآخرين إذا ما قمت بالمقارنة بينك وبينهم؟ هل يمكنك تقبل الآخرين كما هم؟ هل بإمكانك التعامل مع مهام... (مشاركات: 0)
وظيفة فى قطاع البترول
- قاعد عاطل ونفسك تلاقى شغلة كويسة
- شغال لكن نفسك فى شغل أفضل ونفسك تحسن نفسك
ذلك ممكن ولكن عن طريق أن تجعل نفسك أفضل
والنهاردة جايبلكم معلومات عن كورس مفيد... (مشاركات: 5)
برنامج يشرح مواصفة الايزو 31000:2018 يتناول مبادئ إدارة المخاطر على النحو المنصوص عليها في المواصفة يساعدك في إنشاء إطار عمل لإدارة المخاطر والحفاظ عليه وتحسينه باستمرار وفقاً لارشادات الايزو 31000 وتطبيق عملية ادارة الخاطر والتخطيط لتسجيل المخاطر وعمليا اعداد التقارير ومراقبة ومراجعة وتحسين عملية ادارة المخاطر
اذا كنت يوتيوبر او ترغب في العمل كمذيع او مُحاضر او مدرب فأنت امام اهم برنامج سيساعدك حتما للوصول الى مبتغاك، حيث يهدف هذا البرنامج التدريبي المتميز الى ثقل مهاراتك في مجال العرض والتقديم، وسيساعدك هذا الكورس بدعم مهارات الإلقاء لديك وتدريبك على الاسلوب الامثل لنقل المعلومة الى الآخرين بأسلوب احترافي شيق.
برنامج تدريبي متخصص يتناول ادارة علاقات العملاء وفوائدها والتسويق الجماهيري والفئوي والشخصي والتسويق بالعلاقات وأساسات التعامل مع العملاء ومراحل تنفيذ CRM داخل الشركة
برنامج تدريبي اونلاين يهدف الى تأهيل المشاركين على فهم المواصفات القياسية وعلاقتها بنظام ادارة المنشآت، ومن ثم الانتقال الى التعمق لفهم المواصفة الدولية ISO 41001/2018، والعائد من تبنيها وتطبيقها، والعلاقة بينها وبين الاصدارات الاخرى لمنظمة الايزو، وأيضا تعريف المشاركين في هذا البرنامج التدريبي على مفهوم العملية كأساس لكل نظم الادارة الصادرة عن الأيزو، والمتطلبات التفصيلية لهذه المواصفة الدولية وسياق عمل المؤسسة في ظل تطبيق تلك المواصفة، ويستهدف البرنامج الى نقل خبرات القيادة للمشاركين في ضوء فهم تلك المواصفة، والتعرف على متطلبات التخطيط والدعم والتنفيذ، وآلية تقييم الاداء لنظام المنشآت.
برنامج يعلمك استخدام اللغة الانجليزية في بيئة العمل الصناعية تتعلم من خلاله المصطلحات المستخدمة في الانتاج والتصنيع والجودة وغيرها ويساعدك في فهم المستندات الفنية وفي كتابة الملاحظات باللغة الانجليزية والايميلات الرسمية ويمكنك من المحادثة مع فريق العمل وتبادل المعلومات الفنية والصناعية بسهولة