باختصار شديد في ابريل الماضي مدير في احد فروع استاربكس بامريكا حاول يطرد اتنين امريكان من ذوي الاصول الافريقية علشان كانوا قاعدين في الفرع بدون ما يطلبوا حاجة وحاولوا يشرحوا للمدير انهم منتظرين صديق لهم المدير ماقتنعش بحجتهم وطلب لهم الشرطة وفعلا الشرطة جت وقبضت عليهم


الموضوع كان ليه صدى واسع جدا في امريكا لكن ادارة استاربكس استجابت بشكل سريع جداا وطلعت بيان اعتذار رسمي على اللي حصل واتعهدت كمان انها حتعمل كل اللي في وسعها علشان ما يتكررش اللي حصل


وتصورا عملوا ايه ؟؟


وفي نفس الاسبوع ده قفلوا 8000 فرع حول امريكا لمدة اربع ساعات علشان يدربوا موظفينها على تجنب التمييز العنصري في التعامل مع العملاء
على الرغم خسارة الاربع ساعات لكن كسبوا تسويق مجاني من خلال الصحف ومحطات التلفزيون اللي اتكلمت في الموضوع ده وبقى حدث عالمي
الموضوع كان بالنسبة لهم ارثاء قيم عند موظفينهم والتزام بتعهدهم امام المجتمع بعدم تكرار الموضوع مرة اخرى
برافو