مصطلح ال Turn Over؟؟!!!


ال Turn Over من أهم المصطلحات فى عالم البيزنس و خاصة لقسم ال Human Resources و بالأخص لتيم ال Recruitment.
س1: يعنى ايه Turn Over؟
س2: ما هى أنواعه؟
س3: ايه هى أسبابه؟
س4: ازاى نعالج الموضوع؟
س5: ازاى نحسب معدل ال Turn Over؟
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
ج1: Turn Over يعنى دوران العمالة و نقصد به ” حركة الموظفين والعاملين في الشركة خلال فترة زمنية معينة وتشتمل هذه الحركة الموظفين الخارجين من الشركة والموظفين الداخلين إليها”.
ج2: أنواعه (ارادى – لا ارداى – سلبى – ايجابى )
– فى حالة نقل الشركة موظف من قسم لاخر أو ترقيته لمنصب أعلى و فى الحالة دى بيكون اسمه (ارداى ايجابى).
– فى حالة استقالة موظف أو انقطاعه عن العمل بدون اعلام الشركة بيكون اسمه (لا ارداى سلبى)
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ
ج3: للموضوع أسباب كتير منها:
1- بيئة العمل داخل المنظمة (بيئة عمل غير صحية – عدم وجود أمان وظيفى و رضا من العاملين)
2- التنظيم الاداري في المنظمة (غالبا بيكون بسبب قلة وعى واحترافية و احتواء المديرين)
3- انعدام الحافز والانتماء الوظيفي (التقدير و الترقيات المستحقة)
4- انعدام التقييم الوظيفي الدوري (و هنا بيتساوى الموظف المجتهد مع غيره)
5- اختلافات جوهرية واضحة بميزات وتعويضات والرواتب المنصوص عليها بعقود العمل
6- تغيير مسمى الوظيفة أو موقع العمل دون موافقة العامل الخطية (ربما يسبب مشكلة عند الموظف فى ال Career Path – او الانتقال لموقع بعيد عن مكان الاقامة و دا هيزود التكلفة عليه)
7- زيادة ساعات العمل عما هو منصوص به بقانون العمل وبدون تعويض مناسب
8- عدم توفّر بطاقات الوصف الوظيفي وبالتالي عدم وجود مسئوليات واضحة محددة لكل موظف
9- قلة الاجور أو تأخرها بشكل مبالغ فيه
10- مقاومة التغيير فى بعض الشركات
11-عدم الدقة فى اختيار الموظفين فى المقام الأول عند تعيينهم
12-العشوائية في توزيع الاعمال
13-القرارات التعسفية من الادارة العليا للمنظمة
14-إهمال التدريب والتطوير
طرق المعالجة:
ج4: لحل أى مشكلة لازم نعرف مسبباتها و دى كانت فى ج3 فنحاول قدر الامكان نتلاشى كل الاخطاء الموجودة.
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ
ج5: معدل دوران العمالة Turn Over rate
بيتحسب كالاتى:
عدد الموظفين الخارجين من الشركة خلال مدة معينة (سنة) مقسوم على متوسط عدد الموظفين فى المؤسسة خلال نفس المدة الزمنيه (سنه) و الناتج يضرب فى 100.