وصول اشخاص كتير للنجاح مكنش بفضل العصايا السحرية ولكن في عادات يومية مهمة ساعدت في تحقيق العديد من الاشخاص لنجاحهم .


هنتكلم عن 5 عادات يومية ليها دور في تحقيق النجاح


1-الصفة الشائعة بين الناجحين انهم اشخاص منظمين حتي في تفاصيل حياتهم الشخصية وترتبهم لمكتبهم وارقامهم وتخطيط جدولهم اليومي للعمل والمواعيد وغيرها ..ومتصدقش بعض الادعاءات ان اشهر الاشخاص الناجحين كانو فوضويين.


2-الحرص الشديد علي الوقت فاغلب الاشخاص الناجحين مبيتأخروش عن اجتماعتهم ولا بيوصلو في اخر لحظة ..الحضور باكرا هيديك فرصة ديما لترتيب امورك قبل بدء العمل وترتيبك المهام حسب الاولوية .


3-متحملش نفسك اكتر من طاقتك.. ودي أحد الأسباب اللي تخلي الأشخاص الناجحين يحافظوا على وعودهم هو انهم مش بيبالغو في تقدير الوقت والطاقة وبالتالي يتجنبو اعطاء وعود صعب الالتزام بيها في الوقت المحدد.


4-حاول أنك تسيطر على نفسك قبل اتخاذ اي قرار واسأل نفسك لو كنت بحاجة لإتمام الأمر أو لا.. على سبيل المثال لو فكرت في شراء شئ باهظ الثمن اسأل نفسك الاول لو كان شرائه رفاهية او لغرض مهم وادي نفسك فرصة لاختيار الأفضل.


5-لاتمام عملك في الوقت المحدد من غير ما تضيع وقت تقدر انك تحدد مدة زمنية هيستغرقها عمل ما وادي نفسك نص الوقت فقط لاتمامه .. وده هيخليك اكثر نشاط وهيشجعك علي انجاز عملك في زمن قياسي وانك تركز علي العناصر الاكثر اهمية.