النتائج 1 إلى 1 من 1

الموضوع: ‏تلخيص البهاريز فى عمل السى فيز‬ - احمد النجار

#1
نبذه عن الكاتب
 
البلد
الصومال
مجال العمل
أعمال ادارية
المشاركات
4,822

‏تلخيص البهاريز فى عمل السى فيز‬ - احمد النجار

‏تلخيص البهاريز فى عمل السى فيز‬ - احمد النجار

من باب انى متبهدل عمل أنترفيوهات لناس بقالى فترة فحابب انى أديه الخلاصة للناس من الواقع المؤلم اللى انا شايفه و خصوصا حبايبنا اللى متخرجيين جداد لعلهم ينتفعوا باللى شفته و جربته مع الناس و لو حاد عاوز يضيف على الكلام يتفضل ده اللى جه فى دماغى بدون ترتيب:


1- متحطش صورتك...الصورة بتكون انطباع مبدأى "سواء جيد او سئ" و فى الحالتين مش واقعى فبلاش أفضل


2- ركز على المهم فى السى فى...شهادة حلوة شركة كويسة كنت شغال فيها...المعلومات اللى تحس انها هتفيدك انك تشتغل أكتبها واضحة وبسيطة...خليها فى الأول


3- مترغيش فى السى فى...كل ما يبقى صغير كل ما يبقى أحسن...متتوقعش ان فى وقت أقعد أقرأ كل سى فى حرف حرف


4- و انا بأكلمك يا بيه علشان نحدد ميعاد الأنترفيو حاول تسهلها على متخنقنيش "أنا ناس قالتلى اصل انا عندى ميعاد رايح يوصل واحد صاحبة المطار و اللى مش عارف خايف تبقى المواصلات زحمة فعاوز يوم تانى" حاول تقبل الميعاد و أعمل المستحيل علشان تحضره و متعتذرش غير لظروف قهرية


5- جميل انك تسأل عن ايه الأنترفيو و تفاصيل الشغلانة...بس متقوليش "أذاكر ايه" علشان الأنترفيو...مش امتحان ثانوية عامة هو.


6- لو انت لسه متخرج متشغلش بالك قوى بالعلم اللى تعرفه..عارفين و الله انك ميح و يدوب لحقت تأخدلك كورسين فى الوقت الضايع علشان الشغل و هترمى تعب سنين الكلية فى الترعة...اللى يهمنا أكتر شخصية سيادتك بتعرف تكلم كويس ولا لأ...بتتوتر بسرعة ولا بتعرف تسيطر على نفسك...بتتعامل ازاى لما بتتزنق فى سؤال...انا ولا فارقة معى أجابتك فارقة معى أزاى بتجاوبها "حتى لو كانت غلط على فكرة"


7- أتنيل ألبس بدلة أو قميص "بلاش نص كم" و بنطلون كلاسيك و بلاش الألوان العجيبة اللى يكرمك مش جاى تتقدم فى جوازة...من الأخر لبسك يبقى نضيف و مكوى و مهندم و خليك فى الألوان و الأشكال المحايدة اللى متديش انطباع عنك...طبعا بقى جو التيشرتات ميكى ماوس و الكوتشيات و الحاجات اللطيفة ديه بلاااااااش.


8- فى واحد مرة بأقوله على مكان الشركة "هو كان من برة القاهرة" قالى بالنص "و ديه أركبلها ايه"...أركبلها توك توك يا حاج...أنا مالى تركب ايه...السؤال اللى يتسأل فى الحالة ديه...طيب ممكن العنوان بالتفصيل...طيب لو سمحت ممكن تبعتلى مكانه على خريطة جوجل...هتوصل لنفس النتيجة يعنى.


9- لو ملتحى هذب دقنك قبل ما تيجى..مش ملتحى اتنيل أحلقها بلاش جو تامر حسنى ده اللى يكرمك و الدقن اللى نص منبتة ديه...


10- لو مش عارف حاجة قول معرفش...بلاش تفتى...


11- أنا مبقولش لحد فى الأنترفيو هو جاوب صح ولا لأ على الأسئلة اللى سألتها "الخاصة بالتكنيكال يعنى" و معرفش ده صح ولا لأ الصراحة بس لو سألنى بعد ما يخلص معنديش مشكلة اشرحهاله بالعكس بيحسسنى انه مهتم يتعلم...بس متعملهاش لمجرد انك عاوز تحسسنى انك مهتم "مش انك فعلا مهتم من جواك" علشان بتبان بسهولة و بتدى انطباع وحش.


12- متحاولش تشتغل اللى قاعد معك و يبقى كل غرضك انك تجاوب الأجابة اللى هو عاوزها...بتبان قوى


13- لو هتتأخر على الميعاد أتصل إعتذر...و حاول تروح بدرى علشان تأخد فرصتك كويس...اليوم مش بيبقى ليك انت بس...انا مثلا باعمل كل ساعة انترفيو اللى هتتأخره هيبقى من وقتك انت مش من وقتى و وقت بقية الناس اللى بتيجى فى ميعادها.


14- لو كاتب حاجة فى السى فى فأفضلك انك تكون عارفها فعلا لو مش عارفها شيلها...أنا ممكن أسأل فى أى حاجة متفتكرش ان علشان الأنترفيو عن حاجة معينة و انت كاتب حاجة خزعبلية فى السى فى بتتمنظر بيها انى مش هأسأل فيها...البركة فى الحاج جوجل ممكن أسأل فى علم تصنيع صواريخ الفضاء لو تحب...


15- و انت بتذاكر حاجة حاول تفهم الله يكرمك...أنا عارف ان مش ده اللى كان بيحصل فى ايام الكلية...و حولت دماغك و كل اهتمامتك لحفظ المعادلة أو الثوابت...أنسى...أوعى تحفظ اى حاجة...البركة فى جوجل لو عاوز تجيب اى معلومة...المهم تبقى فاهم...أفهم الحاجة شغالة ازاى...لو فهمت هتحفظها برده على فكرة بدون ما تقصد اصلا.


16- و انت بتسمى الملف اللى فيه السى فى بتاعك بلاش تكتب كلمة سى فى و خلاص كدا...سميه بأسمك...بتفرق معى و انا بأقلب فيهم.


17- السؤال الأخير...هو ليه المستوى فى النازل قوى كدا؟ هو ليه الناس مبقتش مهتمة تتطور من نفسها و تتعلم حاجات جديدة...مش بس تكنيكال...لو حاسس انك مش بتعرف تتكلم قدام ناس بتعملك انترفيو...بتككسف..بتتوتر بسهولة...بتتزنق و مبتعرفش تفلفص من المواقف الصعبة باقل الخساير...ليه؟!!!! الأنترنت مليان حاجات تعلمك ده كله...طور نفسك و أتعلم و متستناش حد يعلمك بمعلقة...لازم تتعب علشان تعوض المصيبة اللى بتحصل فيك طول فترة تعليمك...من الأخر لو انت خريج حكومة زى حالتنا و حالة ناس كتير من الشعب بتاعنا فأنت مش متعلم اى حاجة...ده ياريتهم مكنوش علموك و سابوك على فطرتك كان أحسن...محتاج تتعب قوى على نفسك علشان تزبط الحاجات ديه...أتعلم لغة يا حاج و اتقنها...أقرأ فى مجالك و شوف ايه الجديد فيه...متنمش الله يكرمك

بقلم : أحمد النجار
المصدر: https://goo.gl/jOSsBH
التعديل الأخير تم بواسطة أبو عبد العزيز ; 19/11/2014 الساعة 00:05

إقرأ أيضا...
اخبار اعجاز القرآن الكريم للدكتور زغلول النجار

بسم الله الرحمن الرحيم طبعا كلنا عارفين الدكتور زغلول النجار وانا النهاردة جبت الموقع الرسمى للدكتور وهنلاقى فيه كل حاجه عن الاعجاز العلمى للقرآن وبعض كتب ومقالات الدكتور وكمان السيرة العلمية... (مشاركات: 0)


مصطلحات قرآنية : وصلتني من الاخ محمد رجب النجار

مصطلحات قرآنية المصطلح التفسير 1 القُرآنُ هو كلامُ اللهِ تعالى وَوَحْيُهُ المُنَزَّلُ على خَاتَمِ أَنْبِيَائـِهِ محمدٍ صلى الله عليه وسلم المَكتُوبُ في المُصْحَفِ ، المِنقُولُ إلينا ... (مشاركات: 0)


تلخيص كتاب (عش هانئا)

السعادة و الهناء : - حتى نعرف جوهر السعادة لا بد أن نعلم أن هنا فصلين للرواية الحياة الدنيا و هي الأقل شأناً و الأقصر و الآخرة و هي الأهم . - من استقام أسعده الله في دنياه ( فلنحيينه حياة طيبة )... (مشاركات: 4)


قصة النجار

كان هناك نجار تقدم به العمر، وطلب من رئيسه في العمل وصاحب المؤسسة أن يحيله على التقاعد ليعيش بقية عمره مع زوجته وأولاده. فرفض صاحب العمل طلب النجار ورغّبه بزيادة مرتبه إلا أن النجار أصر على طلبه!!... (مشاركات: 11)


الأستاذ الدكتور نبيل الحسينى عليوة النجار

السيد الأستاذ الدكتور/ نبيل الحسينى عليوة النجار عميد كلية التجارة - جامعة المنصورة البيانات الشخصية | الوظائف الحالية | الوظائف الإضافية التي يشغلها حالياً | التقدير العلمى على المستوى... (مشاركات: 1)


دورات تدريبية نرشحها لك

دبلوم ادارة الاتحادات الرياضية

اول برنامج تدريبي عربي يهدف الى تأهيل أعلى المستويات الادارية في الاتحادات الرياضية على طبيعة العمل بالاتحادات الرياضية وانواعها ومكونات العمل الاداري فيها سواء على مستوى الادارة التنفيذية او التشغيلية او المالية وأيضا العلاقات الادارية للاتحادات الرياضية سواء على المستوى التنظيمي المحلي او الدولي، ايضا يساهم هذا الدبلوم التدريبي على تدريب المشاركين على كيفية بناء الخطط والاستراتيجيات المتوسطة والطويلة المدى.


دورة تدريب المدربين - TOT

دورة TOT هي دورة تدريب المدربين وتهدف الى أن تغطي كافة المراحل التي يمر بها المدرب خلال تدريبه، بداية من المستوى النفسي والحالة الشعورية التي يعيشها المدرب، من مشاعر القلق والخوف والارتباك التي تلازمه في بداية كل تدريب، وكيفية كسر هذه الحواجز النفسية وبدء التفاعل السليم مع المتدربين. وعلى المستوى العلمي تتيح هذه الدورة مجموعة من نماذج التدريب العلمية للمدرب مثل ( نموذج كولب – نموذج مك كارتي – نموذج الأنظمة التمثيلية – نموذج هيرمان). وعلى المستوى العملي توفر هذه الدورة مجموعة من الوسائل والتطبيقات الإلكترونية التي تساعد المدربين في تنفيذ التدريب عن بعد باحترافية وسهولة.


دبلوم اعداد اخصائي تخاطب

دبلومة إعداد أخصائي التخاطب تم تصميمها لتزويدك بالمهارات والخبرات العملية التطبيقية التي تساعدك للبدء في مجال التخاطب، حيث نقوم بمساعدتك على تعلم كيفية التعامل مع الأطفال الذين يواجهون أمراض الصوت وأمراض الكلام واللغة، والتعامل مع الضعف السمعي والاصابات الدماغية ومتلازمة داون والتوحد وغيرها من الحالات الخاصة التي تحتاج الى معاملة خاصة.


دبلومة التشريعات والقوانين الرياضية

برنامج يتناول موضوع التشريعات والقوانين الرياضية والنظم القانونية للرياضة والحامية الدستوية للحق في الرياضة وهرمية التشريعات الرياضية والتشريعات الرياضية العربية و لوائح النظم الاساسية والجمعيات العمومية وغير العمومية بالمؤسسات الرياضية و تسوية المنازعات والتحكيم فى المجال الرياضى و دراسة مقارنة بين القانون المصرى والفرنسى فى تسوية المنازعات فى المجال الرياضى


كورس تطبيقات قانون ضريبة القيمة المضافة

كورس تدريبي يهدف لتنمية مهارات حساب ضريبة القيمة المضافة على السلع والخدمات وإعداد التسويات السنوية مع بيان الطــرق المختلفة لحساب ضريبة القيمة المضافة واستعراض كافة مواد قانون ضريبة القيمة المضافة


أحدث الملفات والنماذج