الموضوع: أهمية التشجيع للحصول على أفضل ما عند الموظفين

صديق ساب شغله بسبب ان مديره قرفه في عيشته، كان دايما محسسه انه بيتدلع وامكانياته اي كلام، رغم ان الولد كان فعلا موهوب بس كان مفتقد التشجيع!مشي الولد بعد تلكيكة بايخة ليتحول لنجم في كل الاماكن اللي اشتغل فيها بعد كدا !!!في ظاهرة اسمها Pygmalion effect الظاهره دي بتقول ايه بقا ؟! ببساطه أنك لما تقول لشخص أن توقعاتك فيه كبيره جدا في الغالب الشخص دا بيبذل أقصي طاقه ممكنه عشان يحقق نبؤتك فيه !!!اسم بجماليون ده جه من الأسطورة الإغريقية بتاعت النحات اللي وقع في حب التمثال بتاعه من شدة إتقانه في نحته.التأثير بيجامليون بيجي عن طريق إقناع الأشخاص بقدراتهم الايجابيه، ف بالتالي هيشتغلوا بناء علي الافكار الايجابيه دي بكامل طاقتهم وامكانياتهم الجسديه والعقلية واللي هتؤدي لنتيجه حتمية وهي تحقيق المهمه المطلوبه منهم !!!مثال علي كدة، لو فضلت تقول لابنك أنه غبي ومش هيقدر يعمل حاجه معينه، هتلاقيه بيتعمد يظهر لك غباءه وفشله في أنه يعمل دا !! ولو أقنعته أنه ذكي ويقدر يعمل دا بسهوله هتلاقيه حرفياً بيتشقلب عشان يثبت لك انك صح!!كلمات الدعم والتشجيع بتفرق جدآ!!كلمة "أنت تقدر تعمل كذا - أنت قد التحدي دة - أنا واثق فيك" لما بتقولها لحد وأنت مؤمن بيه في لحظة هو محتاجها بتفرق معاه جدا !!شجعوا بعض،إدعموا اللي حواليكم ،خليكوا طاقة إيجابية للي تعرفوهم.كلمات التشجيع اللي بتقولها للي حواليك مبتكلفكش حاجه !! بس ممكن تشقلب حياه اللي قدامك ١٨٠ درجه !