طيب مبدئيا كده انا بحذر اي حد انه يقدم استقالته من مكان شغله الا لما يكون ماسك العقد في ايده و قام بالإمضاء أو مضي الأوفر ليتر .
العقود مينفعش يتحط فيها شروط جزائية نهائي و يعتبر مخالف للقانون .
اول ٣شهور اسمها فتره اختبار و ليست ٣ شهور تدريب و يجب ان يتم التأمين عليك فيها طبقا لقانون التأمينات الاجتماعية ٧٩ لعام ١٩٧٥.
من حقك تاخد نسخه عقد تكون معاك تحتفظ بيها ممضيه و مختومه
وخلال اول ٣ شهور يحق لصاحب العمل أو العامل بترك العمل في الحال في حاله عدم الرغبه في الاستمرار و يتم إعطاء العامل راتبه الشهري عن ايام العمل و لو لك رصيد اجازات عن عدد شهور العمل
عقد محدد المده ( يجدد سنويا بدون حدود )
عقد غير محدد المده و ده بيجي لو انت شغال في مكان و مر عليك سنه و ممضتش تجديد عقدك يعتبر مجدد تلقائي( ضمني باتفاق الطرفين )
في عقد محدد المده لو بدأت الشهر الرابع و صاحب العمل حب يمشيك من حقك تاخد عقدك كامل و اجازاتك كامله و قيمه التأمينات الاجتماعيه
عقد غير محدد المده لو صاحب العمل هيمشيك بيعطيك شهرين عن كل عام علي الاقل.
لازم نقرأ كويس ال ١٠ نقاط بتوع حق صاحب العمل انه يفصلك دون تعويض لو عملتهم و ده في الماده( ٦٩) من قانون العمل المصري ١٢ لسنه ٢٠٠٣
التأمينات الاجتماعيه مبدئيا بيكون جزء عليك و علي الشركه بالنسب المعروفه لينا كلنا
الحد الأقصى التأميني حاليا :1510 اجر أساسي،
4040 اجر متغير