يا شباب اليكم القصه الكامله لهذه الشركه النصابه
1- يتصل عليك و يحدد ميعاد و المقابله بسنتر تدريب اسمه أجورا بهذا العنوان (14 شارع طرابلس متفرع من عباس العقاد,مدينة نصر-القاهره) و في الغالب التي تتصل عليك(هي التي اتصلت علي و احد اصدقائي ) اسمها منال
2- تروح الانترفيو تلاقي من 10 الي 15 واحد قاعدين يمتحنوا معاك و الراجل في الانترفيو يبدا يسأل علي التخصص هل انت عاوز شبكات و لا الكترونيات
3- لو انت خبره او واخدكورسات جامده او منحة ال iti هيقولك خلاص كده روح و انت مالكش امتحانات تاني و هنتصل بيك علشان العقد(و طبعا مابيتصلوش لانهم عاوزبن ناس يدفعوا فلوس للكورسات)
4- لو انت مش خبره و مش معاك كورسات(زيي كده اول لما رحت السنه في شهر 3/2009) هيقولك عندك امتحان عملي في مقر الشركه في العنوان بصراحه مش فاكره قوي بس هو كان في الشارع اللي جنب مصر للطيران خلف حديقة نجيب محفوظ و علي فكره انا قعدت الف حوالي نصف ساعه لان الشرمه اصلا ماليهاش وجود و تتدخل تلاقيها زي البروم و المفروض ان ده المقر الرئيسي للشركه و مالهاش اي مؤشر و لا علامه في الشارع توضح ان هنا في شركه
5- يعمل معاك المقابله ال technical (كان اسمه احمد فاروق) و قعد يسألني في البورده للكمبيوتر العادي و بعد ما خلص قالي ان ال hardware basics عندي تمام بس هحتاج معاهم training في الاول و تشتغل علي طول و هنبقي نتصل بيك
6- بعد 3 ايام واحد اتصل عليا و قالي انت ان شاء الله معانا و هتيجي يوم كذا تمضي العقد بس انت محتاج كورس في الهاردوير و الشركه هتتحمل 75% من قيمته و انت الباقي و قالي ان انا هدفع 750 جنيه(علي الرغم ان الكورس ده بره كله ب 500 جنيه اظن ده جبروت كمان غير النصب)
بصراحه بعد كده انا ما رحتش بس واحد صاحبي كان راح علشان العقد و لقي ان اللي هتمضي معاه العقد هي منال اللي بتتصل في الانترفيو و لما شافها كان شكلها مبهدل ما يوحيش ابدا انها مديرة الشركه
يعني الشركه نصابه فعلا من جمبع النواحي
و ياريت الناس تخلي بالها و تتعلم من اخطاء و خبرات الاخرين
و ياريت موضوعي ده يفيد بجد
و انا اسف بجد طولت عليكم

6-