الموضوع: 50 حاجة تعملهم في وقت فراغك أو مللك
50 حاجة تعملهم في وقت فراغك أو مللك
50 حاجة تعملهم في وقت فراغك أو مللك
(أو لو مش لاقي حاجه تعملها وقاعد زي دلوقتي ع الفيس تجيب الهوم كل دقيقة ويطلعلك نفس البوستات).
(اقراهم كلهم بعدين نفذ لو حابب)
1- اقفل الفيس .. من هنا: https://www.facebook.com/deactivate.php
--
هتلاقي وقت ياما مش عارف تعمل فيه إيه.. أقولك أنا:
--
2- افتح الموقع ده وشوف العالم وصل لفين: https://goo.gl/Qwr0LJ .. واعمله Bookmark بص عليه كل حبه.
3- افتح الموقع ده: https://goo.gl/smt0t5 واعمله Bookmark وتابعه كل يوم.
4- افتح ده: https://goo.gl/b0Ify4 .. ودور على حاجه تعجبك ودوس فيها.
5- اتعامل مع كائنات تانية غير بني آدمين ... انزل اشتري زرع من أي مشتل جنبك واسقيه كل يوم الصبح، يفضل (ورد بلدي - قطيفة - لبلاب - عطر - ريحان) .. جيب قطة ربيها .. أو سمك .. أو عصافير .. أو سلحفاة وأكلها خس.
6- اعرف حاجات أول مره تعرفها ف حياتك .. خش اخبطلك فيديو كل يوم من الناس دي: https://goo.gl/F7WdPq .. أو من الشخص التنين ده: https://goo.gl/G7m52L .. ومتنساش تعملهم Bookmark
7- ممكن لو حبيت تتجنن تعمل كده: https://goo.gl/uTaJRy
8- الملل مسيطر على حياتك؟ ونفسك تجرب حاجه جديدة بدل الشكل التقليدي ليومك .. اقرا البوست ده: https://goo.gl/DlJAhj ..
ودا كمان (موضوع مختلف بس نفس الفكرة) : https://goo.gl/HqIT7L ..
ودا كمان: https://goo.gl/XIgSUQ
9- جربت تشرب نعناع بالقرنفل؟ .. طيب قرفة باللبن؟ .. ولا أقولك.. جرب تبقى نباتي اسبوع : https://goo.gl/5T5tb2 ..
أو تعمل تحدي النوم: https://goo.gl/DlJAhj
أو الصمت: https://goo.gl/kSIYTK
أو الصحيان: https://goo.gl/rzsYCJ
أو الموبايل: https://goo.gl/XIgSUQ
أو البلالين: https://goo.gl/9nlCNd
10- خش اسمع المقاطع اللي هنا (مش موجودة في أي حتة على النت) واضمنلك إنك تعمل دماغ: https://goo.gl/XOhh1U .. أو هنا: https://goo.gl/LvppA7
واهو تكسبني ثواب
11- جربت تلعب يوجا؟ أو تصفي ذهنك قبل كده؟ ..
جيب ورقة ِA4 .. واطبع عليها دايرة سودة في نص الورقة وعلق الورقة في أوضتك.. ع السقف تشوفها وانت نايم .. ع الحيطة تبقى قدامك وانت قاعد .. وخلي بينك وبينها 1 متر أو متر ونص.. وكل يوم اقعد 5 دقايق بالظبط.. بص للنقطة السودة دي من على البعد ده.. ومتفكرش في أي حاجه.. فقط افضل مركز عليها وفضي دماغك من أي حاجه.. بعد أسبوع اوعدك تركيزك هيزيد بشكل مش طبيعي .. مع كتر الممارسة هيزيد أكتر..
ودي page لناس بيعملوا يوجا جوا اسكندرية مجانًا .. بس متوقفه حاليًا:
https://goo.gl/15nVl4
12- شوف الفيلم ده: Into The Wild.
13- طلع موبايلك ولف ع الأسماء .. هتلاقي حد من صحاب زمان اسمه موجود وواحشك.. اتصل بيه .. سلم عليه ..
14- انزل م البيت .. روح لقرايبك اللي بقالك ياما مروحتلهمش.. سلم عليهم .. العب مع عيالهم .. ويا حبذا تاخد معاك شيبسي ولا بسكوت ليهم.. ومتطولش.. ربع ساعة عند كل واحد.. هتروح بطنك منفوخة من كتر العصير .. بدل ما انت قاعد تتعازم انت واخوك مين يقوم يجيب إزازة ماية .. ولا بتتحايل على امك تعملك كوباية شاي
15- انزل اتمشى ف شارع فؤاد وبص على المباني.
16- انزل من البيت وانت رايح مشوار أو الكلية.. ومتاخدش معاك ولا مليم ف جيبك.
17 - وانت ماشي ف الشارع هتلاقي عزا .. خش اقعد .. اسمعلك ربعين .. وسلم على الناس وانت مش عارف مين الميت وراجل ولا ست.
18- لو إنتِ بنت جربي اضربي من عربية الفول .. ولو إنت ولد خد اختك أو مراتك وخليها تضرب من عربية الفول.
19- بص للسما .. سيبك م المباني شوية.. بص للسما .. نام على ضهرك سيادتك في أي مكان مفتوح وليكن البحر .. وافضل باصص فوق .. عد النجوم .. صدقني هتحس إحساس محستوش قبل كده وهتحس إنك مش عايش اصلًا بسبب المباني والعته بتاع البشرية المتخلفة دي ..
20- جيب من عند بتاع العصافير والحمام غلة أو أكل عصافير .. وجيب ##### واملاها مايه .. ووزع الغلة أو أكل العصافير على السور بتاع البلاكونة قبل ما تنام بليل وحط ال##### ع السور ..
وحاول إصحى قبل الشروق وشاهد روعة المنظر .. دا إذا أصلا مكانتش العصافير دوشتك وصحتك الفجر..
21- إنزل من بيتك بدل ما تروح مول مليان بني آدمين .. روح المقابر.. اقعد هناك شوية واقرا الفاتحة وافتكر نهايتك هتبقى إزاي.. دا مفيد جدًا على فكرة .. هتحس براحه من الصمت الرهيب هناك وده بيساعد في تزكية النفس وصفائها..
22- دايمًا بتسأل ليه؟ : خش على صفحة: Leeh - ليه .. على الفيس بوك.
23- جيب سبحة .. علقها ع السرير.. كل يوم قبل ما تنام اسحبها وانت نايم واقعد سبح أو استغفر لحد ما عينك تروح في النوم ..
24- لسه بتخش ع الفيس ومش قادر تمتنع.. لو انت جوجل كروم.. جرب الأبليكيشن ده: https://goo.gl/gpWt24 واظبط وقت محدد ف اليوم تخش فيه لو خلاص يعني هتموت ولسه اللينكات اللي فوق من كتر التابات متبقي مكان ..
25- إنزل دار أيتام .. أو صم وبُكم .. واتعامل مع الإنسانية في أبهى صورها.
26- وإنت ماشي ف الشارع لو لاقيت حد مجنون.. إسمع بيقول إيه .. صدقني هتلاقيه بيقول كلام لو فكرت فيه هتلاقيه أعمق من أي شاب عميق بيسمع فيروز وبيشرب قهوة.. بس إوعا يديك بالقفا ويطلع يجري
27- سيبك من عبرحمن محمّا .. واسمع علي محمود - طه الفشني - محمد عمران - أديب الدايخ ..
28 - بتحب الخط العربي؟ .. في مدرسة في لوران التقديم شغال دلوقتي .. هي حكومية.. 4 سنين .. بتخشها بأي شهادة حتى لو ابتدائية .. مواعيدها من 5 -7 .. بـ 250 جندي في السنة .. وبتتعلم الخطوط كلها وبتتعلم زخرفة وفن إسلامي بالقواعد والكتب .. وبتاخد شهادة .. التفاصيل: (https://goo.gl/I8MDsH )
ولو وقتك مش مناسب ابعتلي انبوكس واقولك على مجموعات خط ..
29- لو بتحب مجال غير كليتك.. نقول إنك ف طب .. وبتحب الـ Math مثلًا .. وماله لما تخش هندسة تحضر محاضرات الرياضة؟ محدش هيقولك رايح فين واعمل زيي لما كنت بحضر في كليات تانية (حكيت تجربتي هنا:
https://goo.gl/Vwyj6b )
30- خلي الحاجَّة تعملك ساندوتشات عيش فينو وخدها معاك الكلية.. مش مهم صحابك يألسوا عليك.. بس هتستفاد بالمصروف كامل .. ومش هتوجع بطنك من بره ..
ويا سلام لو إزازة عناب أسواني من اللي قلبك يحبها .. يومين وهتلاقي صحابك بيحسدوك ..
31- دوّرلك على أي Internship بره البلد من هنا: https://goo.gl/o4h1N6
32- شوفلك talk من TED هنا: https://goo.gl/gz90C0 .. وشوف الخلق عايشين إزاي!
33- لو إنت فـ هندسة.. روح جيب هدية لنفسك.. واكتب عليها إهداء لنفسك.. وافتحها .. وفاجئ نفسك.. وشرب نفسك عصير قصب بالبرتقال.. وروّح .. هتحس إنك فعلًا سعيد ..
واحمد ربنا ع النعمة دي..
34- متفتحش التليفزيون نهائي. أرجوك.
35- خش اطبخ أي طبخة بنفسك .. واعمل نفسك الشيف الشربيني ويا جمالوا يا جمالوا .. صدقني كله بالحب .. ومحدش هياكل غيرك ف الآخر.. بس اهو عملت حاجه جديدة ..
36- وإنت راكب مشروع ولا أتوبيس ولا ترام ولا قطر.. روح ناحية أي راجل كبير.. اتصاحب عليه.. وقوله كل الحاجات اللي مش بتقولها لصحابك ولا للناس اللي تعرفك.. وسيبه وانزل..
صدقني هتحس إحساس حلو أوي.. (مشكلتها لو الراجل ده طلع صاحب أبوك ولا حاجه هيسيحلك سياح السنين .. بس ده نادر متخفش).
37- إنزل إلعب مع العيال الصغيرة ف الشارع أو النادي وطلع الطفل اللي جواك، وبطل أتامه. السعادة طفولة قلب.
38- بتحب المقامات الصوتية(النهاوند والسيكا والحجاز و و و وإلخ) .. إخبط اللينك ده: https://goo.gl/zYN9UL
39- Did you know? : https://goo.gl/iha2gS
40- إنزل أي جامع.. هتلاقي ورا الباب كده مكنسه.. إمسكها وانت وقدرتك بقى على كسب أكبر عدد ممكن من الحور العين.
41- لازم تسمع للشيخ سعيد الكملي!
من هنا: https://goo.gl/ZLwpID ..
أو تنزل محاضراته من هنا: https://goo.gl/FxFy6k
mp3 او فيديو ..
وهتلاقي جنب اسمه سهم كدة دوس عليه هيظهرلك الأقسام اللي هو شارحها .. ويا سلام لو تاخد الفقه المالكي كله منه ..
42- ممكن تخش كل شوية تشوفلك فيديو من الموقع ده: https://goo.gl/hNZjc8
عن الـ Theoretical Physics لحد ما تخلصه ..
43- لازم برضه تشوف The Elegant Universe
3 حلقات وثائقية ملهمش حل: https://goo.gl/ZyRSka
44- نزل الـ 13 فيلم وثائقي دول عن الحياة ونشأتها وعن الكواكب والفيزياء والأحياء والعلم: https://goo.gl/Pg9Eei
45- تعلم كيف تتعلم! https://goo.gl/heZXhg
46- خدلك فكرة عن علم الأعصاب والمخ: https://goo.gl/Ohxu5S
47- في 13 حلقة بتتكلم عن الإمام الغزّالي رائعين وفوق الوصف للدكتور عدنان ابراهيم، اكتبوا على اليوتيوب الباحث عن الحقيقة
أو نزلوهم mp3 من هنا واسمعوهم في المواصلات: https://goo.gl/bIKCTp
48- نزل برنامج Pocket على موبايلك ونزل أي مقال علمي من النت على الموبايل وافتحه في الوقت اللي معكش فيه نت على الموبايل.
49- ممكن تسمع شعر عربي بيتنطق صح للناس اللي بتحب الفصحى ونفسها تطور فيها.. القناة دي على اليوتيوب عليها حاجات ياما حلوة:
https://goo.gl/1LCP8S
50- ممكن تسمع درس فقهي من قناة رائعة اسمها الكراسي العلمية في نحو وعقيدة وفقه وتصوُّف .. من هنا: https://goo.gl/JxSHN5
السلام عليكم ورحمة الله وبركاته
أحبتي الأعزاء
أنا موعود بوظيفة عند أحدى الشركات وهي بمسمى (مسؤول موارد بشرية)
وحيث أنني ممن يحمل شهادة البكالوريوس في إدارة الأعمال تخصص موارد بشرية
... (مشاركات: 4)
I found a great Internet company - Cashfiesta.com - that has created a product everyone can benefit from. They pay you while you work or play on your computer. All you need to do is keep their... (مشاركات: 0)
السلم عليكم
حبيت اني اغير موضوع المشاركات للترويح عن النفس
ارجو ان تنال اعجابكم
على فكراه : منقولللللللللللللللللل :D... (مشاركات: 1)
السؤال الثالث والثلاثين :ما النشاط الذي تفضل ممارسته في وقت فراغك؟
يفضل أصحاب العمل والمديرون اختيار الموظفين من ذوي الاهتمامات المتعددة خارج نطاق العمل والموظف المثالي لا يعمل على الدوام بل يخصص... (مشاركات: 0)
في كثير من الأحيان أمر بوقت فراغ وأجد أن سيارتي قد خلص وقودها، لكنني للأسف لا أقوم بتعبئتها، وأقوم بتأجيل ذلك الى وقت آخر، بعد فترة قليلة من الزمن وبسبب ظرف طارئ، استقل سيارتي، وأثناء العجلة... (مشاركات: 0)
كورس يهدف الى دعوة الشركات والمصانع لتعلم اساسيات وآليات تصدير المنتجات بطرق وأساليب حديثه باستخدام الانترنت، حيث يهدف هذا الكورس المكثف الى تدريبك على اساسيات التجارة الالكترونية مع جميع دول العالم من خلال الانترنت.
اصبحت جرائم غسل الأموال من الجرائم التي تسعى كافة الدول الى الحد منها ومكافحتها ولذلك وضعت الدول والمنظمات الدولية عددا من القوانين التي تحد من هذه الجريمة واصبحت هذه القوانين ملزمة للبنوك والشركات بشكل كبير. لذلك تسعى الشركات الى ضمان التزامها وتطبيقها لقوانين مكافحة غسل الأموال وتمويل الارهاب حتى لا تقع تحت طائلة عقوبات دولية كبيرة جراء عدم التزامها او جهلها بهذه القوانين والقواعد. ومن هنا ظهرت الحاجة الى وجود برنامج تدريبي متخصص يؤهل المشاركين لفهم طبيعة جريمة غسل الأموال وتمويل الإرهاب واركانها المادية والمعنوية وما هي الاجراءات الواجب اتباعها حتى لا تقع الشركات تحت طائلة هذه القوانين الصارمة
برنامج تدريبي متخصص في تحليل وتنفيذ سياسات الرعاية الصحية يتناول صياغة وتطوير السياسات الصحية وضمان الامتثال للاطر التنظيمية والتفاعل مع أصحاب المصلحة وتطوير خطط تنفيذ شاملة وتخصيص الموارد ويتناول أدوات وتقنيات تحليل وتنفيذ السياسات الصحية والتغلب على التحديات المرتبطة بتنفيذ السياسات
تمر الإدارة الإستراتيجية بتحول ديناميكي. فلقد ثبت أن معظم الخطط الإستراتيجية تفشل في تحقيق أهدافها الإستراتيجية بسبب التغيرات المضطربة الموجودة في السوق العالمية اليوم. و نظرًا لأن معظم حالات الفشل في العملية الاستراتيجية تحدث في مرحلة التنفيذ، فمن المهم أن يتعلم المديرون على جميع المستويات كيفية تحقيق أهدافهم الاستراتيجية من خلال موظفيهم.
بما أن مهنة التوجيه والإرشاد هي مهاد تطبيقي لعلم النفس ونظرياته، وتخصص يدّرس بدرجات علمية، ولان هذه المهنة إلى جانب كبير من الأهمية والخطر في العلاقة مع المسترشد والإطلاع على أسراره. فيتوجب أن يكون لها قواعد أخلاقية يتقيد بها كل من يمارس هذه المهنة ،لان هذه القواعد هي التي تنظم عمل المرشد وتضع الخطوط العامة التي تساعده على توخي الوقوع فيما يلحق الضرر بالآخرين وكذلك تساعد على توفير الحماية للمهنة من داخلها في حال وقوع انحرافات مع بعض زملاء المهنة. وتعتبر القواعد الأخلاقية ذات أهمية كبيرة في العمل الإرشادي وهي مسؤولية تقع على عاتق المرشد وعليه أن يدرك أن التزامه بالخلق سيضع تصرفاته في الطريق القويم والسليم.