كولدير سيئات
كولدير سيئات
يرن المحمول بنغمة جميلة جداً لأحد كبار المطربين الموجودين على الساحة الآن
ومن بين الحضور الموجودين .. واحد يقول
الله ... نغمة حلوة قوى
ممكن تبعتهالى بالبلوتوث
ويأتى الرد على غير المتوقع
معلش أنا آسف .. مش هينفع ابعتهالك
(إحراج مش كده)
ويأتى السؤال البديهى جداً .. عقب ذلك الموقف
ليه بقى مش هينفع تبعتها ؟؟
ويأتى الرد الغريب جداً
أصلى مش بحب أكون كولدير سيئات
نعم .. حضرتك .. بتقول إيه !!!
أقولوكوا أنا بقى
احنا طبعاً دايما نعرف إنه لما يبقى حد عايز يعمل صدقة جارية
يروح يعمل كولدير علشان الناس تشرب منه
زى كده بالظبط البلوتوث
ممكن يبقى
كولدير حسنات أو كولدير سيئات
زى ما أنت عايز !!!
تخيل لو إنك بعت لواحد صاحبك أو بعتى لواحدة صاحبتك
سورة من سور القرآن أو دعاء جميل أو صورة إسلامية
وصاحبك(إنت) أو صاحبتك(إنتى)
بعتتها لموبايل تانى .. وهكذا وهكذا وهكذا !!
ياترى إيه كم الحسنات اللى إنت/إنتى كسبتوها
والعكس صحيح تماماً !!
تخيلوا كم الأغانى الغير طبيعى اللى بيتبعت عن طريق البلوتوث
والسيئات اللى شغالة تنزل علينا !
ياترى من النهاردة
موبايلى .. وموبيلك إنت .. وموبايلك إنتى
هيكون
كولدير حسنات .. ولا كولدير سيئات !!
وحاول قدر الإمكان أن تساهم وتشارك فى أعمال الخير الدائمة كالصدقات الجارية وتعليم الناس الخير
فكل ذلك سيكون فى ميزان حسناتك .. حتى بعد مماتك
كولدير حسنات
منقــــــــــــــــــــــ ـول للفائدة
اللهم اعنا على ذكرك و شكرك وحسن عبادتك واهدنا و اهدى بنا و اجعلنا سببا لمن اهتدى يا رب العالمين
الف الف مبروك يا دكاترة على المنتدى مجهود رائع جزاكم الله كل خير و ربنا يكرمكوا كمان و كمان ان شاء الله و ييسرلكم الخير دوما وانا معاكوا ان شاء الله
رد مع اقتباس
