بعيداُ عن كل الكلام اللي سمعته واللي هتفضل تسمعه في يعني ايه Vision ويعني ايه Mission وايه الفرق بينهم ، وازاي تعمل خطة أو Business Strategy
وكل الكلام ده .


دايماً علشان تفهم ايه المقصود بالـMission
وماتنسهاش وتكتبها صح للبيزنس اللي انت فيه ، حطها في الجملة دي "Military Mission"
مهمة عسكرية ، وده معناه : مجموعة جنود خارجين في اتجاه معين لتحقيق هدف معين . ده حرفياً اسمه في البيزنس "المهمة" وهي جملة بتلخص "احنا مين وموجدين ليه" ، زي شركة جوجل اللي لخصت مهمتها بجملة " تنظيم المعلومات في كل أنحاء العالم وجعل الوصول إليها أسهل" .


بالنسبة للـVision فهي حاجه مختلفه تماماً ، بتتكلم عنك في المستقبل ، او الحلم اللي انت عاوزه توصله واللي لازم يكون واضح وملهم في نفس الوقت . شركة مايكروسوفت حددت رؤيتها في كلمتين "كمبيوتر في كل بيت"


الحاجه التالته و هي الخطة أو Strategy ،
عادة بتكون أسهل وأسرع طريقة علشان البيزنس يعمل خطة صح انه يجاوب على اربع اسئلة رئيسية :


1 هنشتغل فين؟ / ايه ال Market بتاعنا؟ / مين المنافسين اللي فيه؟
- لازم يكون في تصور كامل ومعلومات عن كل صغيرة وكبيرة في الماركت بتاعك وخطط وأدوات المنافسين .
2 ايه Value اللي هتقدمها ؟ / او ليه العملا هيشترو منك انت تحديدا؟
- هل علشان ال cost ولا علشان differentiation اللي هو الميكس في السلع والخدمات اللي بتقدمها .


3 ايه الـresources اللي عندك علشان تحقق الـvalue دي ؟
- هل خبرات الناس اللي معاك؟ ولا التكنولوجيا اللي بتستخدمها؟ ولا العلاقات اللي ببتميز بيها؟


4 ازاي تحافظ على الـvalue اللي بتقدمها؟
- هل علشان صعب ان حد يقلدك ، ولا بحرب الأسعار والمنافسين .


الــVision و Mission و Strategy حاجات مهم تتعلمها مهما كان مجال تخصصك أو دراستك