النتائج 1 إلى 2 من 2

الموضوع: على حضرات السادة المسافرين خارج ‫‏مصر‬ قراءة البوست التالى

  1. #1
    نبذه عن الكاتب
     
    البلد
    الصومال
    مجال العمل
    أعمال ادارية
    المشاركات
    4,342

    على حضرات السادة المسافرين خارج ‫‏مصر‬ قراءة البوست التالى

    البنوك غيرت قواعد ومحددات التعامل بالعملات الاجنبية فى اول فبراير الجارى. كنت بتروح البنك تاخد بالالف دولار والاتنين بموجب التأشيرة وتذكرة السفر. دلوقتى البنك حايماطل فيك ولازم تتخانق علشان تاخد 500 دولار. وغالباً لو انت مش عميل او ماحدش موصى عليك, حاتاخد صابونة. ده بالنسبة لقبل السفر, تعالى بقى بعد ماتوصل بالسلامة. طبعاً حاتستخدم كروت الإئتمان. خد عندك بقى!
    مش حاتسحب كاش من ماكينات الصراف الآلى برة بأكتر من 200 دولار فى اليوم! والجديد انهم غير الـ 3% فايدة على المبلغ المسحوب ورسوم استخدام ماكينة السحب, اللى هى حوالى 25 ج.م, فيه بقى عمولة تحويل جديدة 3.5%. ممكن تسحب كاش اربع مرات بس فى اليوم. وبرضة آخرك الـ 200 دولار!
    نيجى للمشتريات | مسموحلك بعشر مشتريات يومية فقط! يعنى انت مزنوق ما بين كاش مش معاك وعمليات إئتمانية محدودة! دى حلها يبقى معاك اكتر من كارت او تسافر فى مجموعات وتخمس فى المصاريف. حايتحسب عليك نفس عمولة التحويل اللى فوق وسعر الفايدة لمبلغ المشتريات, ده غير فايدة الساحب Merchant Interest لو بتستعمل كارت إئتمان (خصم-مباشر). اما لو بتستعمل كارت Debit فا آخرك بالعملة مايعادل 16000 جنية حتى لو فى حسابك اللى يكفى وزيادة. وبرضة هما العشر مشتريات فى اليوم! لو انت بقى حاتطول برة مصر, خد بقى القاضية. العشر مرات دول مش معناهم 300 مرة فى الشهر. ليك حد اقصى 150 مرة شراء باستخدام الكارت سواء Debit او Credit طول الشهر!
    تعالى للتجارة الإليكترونية | مشترياتك على الانترنت مش حاتعدى الـ 6000 ج.م يومياً, يعنى بسعر النهاردة 660 دولار. حتى لو رصيدك يكفى. ده ممكن يعملك مشكلة قبل السفر اساساً.


    الزتونة | 1) الـ 200 دولار اللى حاتاخدهم من المكنه, قبل ماتمسكهم فى ايدك حايكونوا اتحسبوا عليك بـ 1888 ج.م غير الفوايد! يعنى, بفرض انك حاتسدد فى نفس اليوم, الدولار واقف عليك برة بـ 9.45 جند سعر النهاردة! 2) معتادى السفر اللى كانو بيدفعوا برة تذكرة القطر وفلوس التاكسى والمتاحف والسينمات وكله كله بالكارت, الكلام ده خلاص. حاول تشوف بقال جنب الفندق تعمل عندة ابونية! 3) مافيش طريقة اقتصادية لتمويل نفقاتك خارج مصر من مدخرات محلية فى الفترات الطويلة. الـ 150 مرة شراء دول ممكن يجوعوك بجد. ومن ناحية تانية مش كل البلاد بتسمحلك تفتح حساب بنكى محلى لو انت زائر. اذا حاتسافر فترة طويلة خد جزء من مدخراتك وحطة فـ اى بنك فى جزر الكنارى! 4) علشان تاخد تأشيرة اصلا بتكون مضطر تحجز الفندق والطيران, غالباً بتعمل كدة عن طريق الانترنت. المبلغ المتاح ليك مايكفكيش تحجز عشر تيام فى فندق بسعر الليلة 70 دولار – اللى هو متوسط السعر فـ اوروبا- وبالتالى ممكن يسخفوا عليك فى السفارة ومايدوكش غير تأشيرة 9 تيام. وطبعاً 6000 جنية دول, لوبتحجز بيهم طيران اونلاين, مايودوكش تنزانيا.

  2. #2
    الصورة الرمزية تقى احمد
    تقى احمد غير متواجد حالياً مبادر
    نبذه عن الكاتب
     
    البلد
    ارتيريا
    مجال العمل
    أعمال ادارية
    المشاركات
    15

    رد: على حضرات السادة المسافرين خارج ‫‏مصر‬ قراءة البوست التالى

    مشكوووووور على المجهود
    موفقين
    مؤسسة الضمان لكشف تسريبات المياه

موضوعات ذات علاقة
إرشادات المسافرين الى دول الاتحاد الاوربى-لوحة ارشادية
إليكم ملف مرفق عن إرشادات المسافرين الى دول الاتحاد الاوربى، ويحتوي الملف على المستندات المطلوبة. الملف في المرفقات منسق بصيغة PDF جاهز للطباعة. (مشاركات: 0)

أقوى دورات اكاديمية اي بي اس online ,,اقرأ البوست وفكر بسرعه يـــلا بســـرعـــة الاعــداد محـــدودة جـــــدا !!
أقرأ البـــوست و فكر بسرعـــة و قـــرر و احجـــز مكـــانــك معــانا يـــلا بســـرعـــة الاعــداد محـــدودة جـــــدا !! لو انت مهتــــم انك ازاى تحلل... (مشاركات: 0)

السادة أصحاب الأعمال .... السادة الباحثين عن وظيفة مناسبة
السادة أصحاب الأعمال .... السادة الباحثين عن وظيفة مناسبة ... نحن بعون الله وتوفيقه ... نهتم بكم ... ونعمل من أجل توفير أفضل فرصة لكم تتوافق مع متطلبات... (مشاركات: 0)

هل تغني قراءة ملخص الكتاب عن قراءة الكتاب نفسه؟؟؟
هل تغني قراءة ملخص الكتاب عن قراءة الكتاب نفسه؟؟؟ والإجابة هذا السؤال بشكل واضح ومباشر هي "لا" لأن تلخيص الكتاب ما هو الا استعراض سريع لما يتضمنه هذا الكتاب... (مشاركات: 22)

نصائح وتوجيهات للمصريين المسافرين للعمل بالخارج
الى المصريين المسافرين للعمل خارج جمهورية مصر العربية .. هذه مجموعة من النصائح والتوجيهات من وزارة القوى العاملة المصرية .. وقد تم نقلها من الموقع الرسمي... (مشاركات: 0)

أحدث المرفقات