النتائج 1 إلى 2 من 2

الموضوع: نصايح لتقليل استهلاك البنزين

العرض المتطور

#1
نبذه عن الكاتب
 
البلد
الصومال
مجال العمل
أعمال ادارية
المشاركات
4,826

نصايح لتقليل استهلاك البنزين

بمناسبة أسعار البنزين الجديدة و شائعات انها هتزيد تاني، حبيت اشارك الناس شوية نصايح لتقليل استهلاك البنزين و هما سايقين


انا اشتغلت في Uber، واتعلمت من نفسي و من سواقين تانيين ازاي اوفر من تلت لنص البنزين الي كنت بستهلكه


النصائح دي تمشي على الاوتوماتيك و المانيوال بس طبعا الاوتوماتيك موفر اكتر بطبيعته


-متملاش ابدا اكتر من نص التانك، و متخليهوش يقل عن الربع، لو مليت التانك كله، استهلاكك هيزيد عشان وزن النص تانك الزيادة، و لو البنزين قل عن الربع فا في احتمالية ان الشوائب تدخل في دورة البنزين و تستهلك الطرمبة طاقة اكتر


-الRPM ميعديش 2500 ل 2750 و ده احسن وقت تنقل الغيار و بيوازن بين استهلاك البنزين و الاداء


-بلاش kick down او تسقيط نقلات و حرق او اي حاجة بتعلي ال RPM بسرعة، دايما خلي رجلك خفيفة عالبنزين و ال RPM يعلى بالتدريج


-استغل عزم القصور الذاتي للعربية او ال coasting، لما العربية تكون مجمعة سرعة كويسة و ال RPM حولين 2500، شيل رجلك من عالبنزين و متمورش و متدوسش دبرياش، سيب الغيار زي ما هو على ال D أو الغيار المناسب عشان ساعتها العجل هو الي بيخلي الموتور يلف و ميستهلكش نقطة بنزين، لو جبته على N الموتور بيسحب بنزين عشان ميقفش، الموضوع ده موفر بشدة، و مع الوقت هتتعلم تخلي معظم الوقت ماشي بالطريقة دي و قليل ما بتدوس بنزين


-رجلك خفيفة عالفرامل و فرمل من بدري و براحة، بلاش تكبس جامد، لما بتفرمل جامد و تتحرك تاني بتحتاج بنزين كتير عشان تحرك العربية من حالة الثبات، لو بتهدي و رجلك خفيفة مش هتحتاج بنزين عشان تكمل حركة تاني ده غير ان السواقة هتبقا اريح بالذات لما تدمج الموضوع ده مع ال coasting هتوفر بنزين كتير اوي


-شيل اي اوزان ملهاش لازمة في العربية، و شيل اي spoiler او اجنحة بتسبب downforce عالعربية، لو عندك شيالة فوق السقف و شلتها، هتوفر 20% من استهلاك البنزين، اقفل الازاز لو تقدر عشان تقلل ال drag اكتر


-حاول لو ماشي في طريق فاضي انك تلاقي السرعة المناسبة، الي هيا اعلى سرعة ممكنة بمجرد تحسيس بسيط عالبنزين و على أعلى غيار و RPM اقرب ما يمكن لل 2500


-لو واقف في اشارة بعداد وقت او زحمة جامدة اقفل العربية، دي من اكتر الحاجات الي بتحرق بنزين


-في الصيف افتح الازاز لو بتتحرك ببطأ و افتح التكييف لو ماشي بسرعة لأن ساعتها بيستهلك بنزين اقل من لو فتحت الازاز على سرعة عالية و دايما اتاكد من فلتر التكييف


-كل شوية كدة هات اي سائل من الي بينضفو الكاربيراتير او ال injection و استعمله، بيحسن استهلاك البنزين و اداء العربية، و كل فين و فين حط بنزين 95 هتحس بفرق شاسع


-حاول تمشي ورا عربية اكبر منك عشان تقلل من مقاومة الهواء، لو مشيت ورا عربية نقل كبيرة المقاومة هتقل بنسبة 90% و الاستهلاك يقل بنسبة من 20-40%


-اعمل صيانة العربية اول باول و اتاكد من ضغط العجل و الترصيص و ظبط الزوايا كل ده بيفرق في استهلاك البنرين


-غير الكاوتش لو عمره انتهى و خلي الجديد قدام لو جر أمامي و العكس لو دفع خلفي، و متجبس كاوتش عريض، الرفيع استهلاكه للبنزين اقل


اتمنى اي حد يستفيد و لو حد عنده نصائح تانية مؤكدة يفيدني معاه

#2
الصورة الرمزية nora ayman
nora ayman غير متواجد حالياً تحت التمرين
نبذه عن الكاتب
 
البلد
مصر
مجال العمل
تجارة ومحاسبة
المشاركات
2

رد: نصايح لتقليل استهلاك البنزين

مشكوووور ع النصايح
جعله الله ف ميزان حسناتك
بارك الله فيك ونفع بك

إقرأ أيضا...
بعض النصائح لترشيد استهلاك الكهرباء فى فصل الصيف

بعض النصائح لترشيد استهلاك الكهرباء فى فصل الصيف، فاتورتك أقل و الكهرباء متقطعش كل يوم عشان الضغط على الاستخدام: 1-اطرد الشمس من بيتك: الشمس هي مصدر الحرارة للمنزل، أغلق الستائر و الشبابيك صباحاً... (مشاركات: 0)


حيل بسيطة لتقليل استهلاك السيارة للوقود

من يرغب جدياً في توفير استهلاك الوقود بسيارته المستعملة، تتوافر أمامه مجموعة كبيرة من الحيل والأساليب. وأوضح هانز جورج مارميت، عضو منظمة الخبراء (KUS) بمدينة "لوسهايم أَم زيه" جنوب غرب ألمانيا، ذلك... (مشاركات: 0)


استهلاك الأصول المعنوية = Amortization

استهلاك الأصول المعنوية = Amortization يطلق هذا التعبير على التكلفة الهالكة مع مرور الزمن أو لإنخفاض في المنفعة في استعمال الأصول التي ليس لها خصائص مادية والتي يطلق عليها اسم الأصول المعنوية مثل... (مشاركات: 0)


دورات تدريبية نرشحها لك

دورة تدريبية في برنامج بيتش تري Peachtree - تدريب عملي

دورة تدريبية متكاملة في برنامج Peachtree والذي يعد واحدا من اهم البرامج المحاسبية المستخدمة فى الشركات متوسطة الحجم والصغيرة فى العديد من الدول العربية وذلك نظراً لانحفاض سعره بالمقارنة ببرامج آخرى ”الاوراكال و الساب” وبالاضافة الى ما يتميز اليه البرنامج من ادوات تساعد الادارة


دورة ادارة خدمات تكنولوجيا المعلومات (ITIL)

برنامج يشرح مفاهيم ITIL ويمكن المشاركين من تطبيق ممارسات ITIL في بيئاتهم العملية وكيفية تحسين عمليات تقديم الخدمة التقنية وادارتها باستخدام اطار عمل ITIL ويزودهم بالأدوات والمفاهيم التي تساعد في خفض التكاليف من خلال تطبيق مبادئ ITIL


برنامج ادارة الايرادات والتأمين الصحي في المستشفيات

برنامج يتناول موضوعات ادارة الايرادات المالية للمستشفيات واعداد الخلاصات الشهرية للايرادات وتنفيذ عمليات التحصيل ومتابعة المطالبات ومطالبات المتعاقدين واجراء المقاصة وتسويات الحساب وتنظيم مطالبات الشركات المتعاقدة ومتابعة التسديدات وضبط وترشيد الانفاق وبناء الشراكات مع القطاع الخاص.


دبلوم ادارة الجودة الشاملة - TQM

برنامج تدريبي يشرح ادارة الجودة الشاملة وتطبيقها في الشركات ويشرح بنود ومعايير ISO 9001:2015 ونماذج التميز المؤسسي (EFQM, Baldrige) وكيفية تحويل الرؤية إلى أهداف قابلة للتنفيذ وقيادة التغيير وتمكين فرق العمل وتعزيز الاداء واستراتيجيات التميز التشغيلي من التحسين المستمر إلى Six Sigma وLean وتطبيقات التحول الرقمي في الجودة وإدارة البيانات ومؤشرات الأداء (KPIs, Dashboards) واستخدام الذكاء الاصطناعي والتحليلات التنبؤية في الجودة وأدوات قياس رضا العملاء وادارة تجربة العميل Customer Experience و إدارة الشكاوى والتحسين المستمر.


دورة تحسين الأداء في أقسام الشركة باستخدام ISO 9004:2018

برنامج تدريبي يشرح كيفية استخدام ISO 9004:2018 كأداة لتحسين الأداء في جميع أقسام الشركة وكيفية تطبيق مبادئ المواصفة في تحسين رضا العملاء، الكفاءة التشغيلية، والأداء المالي وخطوات بناء خطة عمل لتحسين الأداء وفق معايير ISO 9004:2018.


أحدث الملفات والنماذج