الموضوع: للسفر فوايد كتير مش بس ٧ .. اسمع مني
للسفر فوايد كتير مش بس ٧ .. اسمع مني
من وأنا صغير عمال أسمع إن فى السفر سبع فوايد، وقعدت أدور على أصل الكلام ده فين لقيت إن الامام الشافعي قال :"تغرب عن الأوطان في طلب العلا وسافر... في الأسفار 5 فوائد، تفرج هم و اكتساب معيشة وعلم، وآداب و صحبة ماجد"، وبعدين الناس زودوا على الخمسة بتوع الإمام الشافعي إن فيها" زيارة الأحباب والأصحاب و استجابة الدعوة".
بس أنا بصراحة لما بدأت اسافر اكتشفت إن السفر له فوايد لا تعد و لا تحصي و إكتر بكتير من السبعة بتوع الإمام الشافعي العظيم، أصل طول ما أنت ماشي بتستفيد، وأكبر استفادة من وجهة نظري هي إنك بتكتشف نفسك و تتعرف عليها من جديد.
من الحاجات اللي اتعلمتها في السفر"
- لما بتسافر بتخرج من القمقم اللي حشرت نفسك فيه طول عمرك و الأفكار اللي اتربيت عليها و مشوفتش غيرها، وهتفهم إن المصريين مش أطيب شعب في العالم، فيه ناس تانية طيبة برضه، وإن الطيار المصري مش أشطر طيار في العالم، غيره بيعرف ينزل بالطيارة بسلام و مهارة، وإن العيل المصري مش أذكي طفل في العالم وضلالات فكرية كتير كانت معششة في دماغك و عاملة لك حالة من النرجسية الغير مبررة، هتتخلص منها و هتبقي نفسيتك أهدي مع غيرك.
-لما هتسافر هتكتشف إن البلد ديه مش أحسن من غيرها، اه والله، في بلاد تانية كتير أحسن من جميع المستويات، سواء طبيعة خلابة أو تقدم و تطور حضاري و معماري أو حتى جو جميل وسما صافية،
وهنا لازم نتوقف لحظات عند الناس اللي بتقول البلد ديه أحسن من غيرها، لأن معظمهم مخرجش بره مصر، صدقني لو خرج مش هيقول كده عمره، وبصراحة لو مخرجش و بيفتي لازم تديله على بؤه عشان بينشر ضلالات فكرية ولازم يبقي عبرة لغيره.
-هتكتشف إنك مش إنت الوحيد الموجود في الكون وإن إنت كمصري مش بس اللي أجدادك لهم فضل على العالم و الحضارة و النهضة و التطور، أنا شخصيًا لما كنت بقابل صحاب من جنسيات تانية كنت في الأول بستغرب إن كل واحد منهم شايف نفسه أحسن واحد في الدنيا، حتى لو البلد دلوقتي ضعيفة و مهمشة.
يعني مثلاً صديقي المكسيكي شايف إن حضارة المايا لها فضل على العالم و زيه الأرجنتيني لما بيتكلم عن حضارة الانكا، وفى نفس الوقت صديقتي العمانية كلمتني عن الأشوريين وإن لهم فضل حتى على الفراعنة في بناء الأهرام، صديقي اليمني بيتكلم بكل فخر عن حضارة بلاده العظيمة، وهكذا كل واحد عنده حضارة بيفخر بيها.
-في السفر هتتعرض كتير لمواقف صعبة و هتبقي لوحدك و هتتوه كتير، بس هتكتشف في روحك قوة ذاتية بتقدر تخليك تعدي المواقف ديه، كل ما بتمر بظروف صعبة ومغامرات وتنجو منها، كل ما مدي اقبالك على الاشتباك مع الحياة بيبقي أقوي و بيبقي قلبك شجاع و مابيهمكش، نفس النظرية بتاعة " أنا مت موتات أجدع من كده "
-هتتعرض لثقافات و خبرات مختلفة من نوعيات كتير من البشر، جنسيات كتير و أشكال كتير و هتشوف المشكلة اللى إنت كنت بتعالجها بطريقة، هتلاقي لها ألف طريقة، ويمكن كمان أسهل من طريقتك.
الانفتاح على الثقافات المختلفة ده شيء جميل و رائع و بيكسب الواحد خبرة كبيرة جداً فى وقت قليل جدا، طول ما أنت ماشي هتلاقي دماغك بتكبر و عقلك بيتنور و بتتفتح في نفسيتك منافذ يدخل منها نسمات ترطب على روحك وتخليك تتغير للأحسن.
وافتكر هنا مقولة صديقتي النمساوية طيبة الذكر و الرائحة لما قالت لي واحنا في روما: "الحياة مثل الكتاب .. من لا يسافر خارج بلده يقرأ صفحة واحدة فقط ".
ومقولة صديقي المكسيكي الجدع : "السفر يجعلك فقير المال لكن غني النفس و الخبرة "، سافروا يا جماعة وشوفوا الدنيا، سافروا و اخرجوا أي مكان في العالم بره السحابة السودا هتستفيدوا أوي.
شرح كامل بالصور لكيفيه التسجيل والحصول على وظيفه
اولا لكى تحصل على وظيفه داخل احدى تللك الشركات
https://www.hrdiscussion.com/imgcache/15343.imgcache
عليك الدخول هنا... (مشاركات: 1)
عزيزي.. هل تعرف من تكون هذه السيجارة البيضاء الناعمة التي تضمها بين أناملك وشفتيك؟
هل حقاً تريد أن تعرفها؟؟!!
إذاً سأبوح لك بأسرارها وبأبرز ما سطر العلماء عن مذكرات حياتها.
*إنها سلاح.. بل... (مشاركات: 1)
شركة البطل تطلب( مصر )
1- محاسبين ( مرتب 1200 )
الشروط
اجتياز المقابلة السخصية
العمر لا يزيد عن 27 سنة
القدرة على العمل تحت ضغط
العمل وسط مجموعة
كما تطلب ايضا
2- مندوبين مبيعات (... (مشاركات: 1)
برنامج تدريبي متخصص في الحوسبة السحابية يتناول ما هى المحاسبة / الحوسبة السحابية والمزايا والتهديدات من استخدامات الحوسبة السحابية ونظرة عامه على كويك بوكس أون لاين QuickBooks Online وفتح حساب جديد على كويك بوكس اون لاين وإضافة المستخدمين ومجالات إستخدام كويك بوكس أون لاين واصدارت
برنامج يؤهلك لاستخدام برنامج الوورد وبرنامج الاكسل في انجاز التقارير والنماذج في ادارة الموارد البشرية واستخدام شبكات التواصل الاجتماعي في عمليات التوظيف وكذلك استخدام تطبيقات جوجل المجانية في الكثير من اعمال الموارد البشرية.
جلسة إرشادية مع احد المتخصصين في مجال تحسين الانتاجية، تهدف الجلسة لتدريب المشارك فيها على كيفية حساب الكفاءة الكلية للماكينة، كذلك تدريبه على كيفية اجراء عمليات التحليل للعوامل الثلاث الاساسية بهدف تحسين الانتاجية، وبالأخير مناقشة موضوع مراقبة العمليات الانتاجية من خلال حساب الكفاية الكلية للمعدة، بما ينتج عنه زيادة معدلات الانتاج ومستويات الجودة.
برنامج يتناول موضوع نظام ادارة الجودة بالمؤسسات التعليمية ISO 21001: 2018 يؤهل المتدربين المشاركين لتحديد المتطلبات المتعلقة بالقيادة والتخطيط والدعم والعمليات وفق المعيار المحدّث والالمام بالمفاهيم الأساسية لطريقة التفكير القائمة على دراسة المخاطر وكذلك منهجية العمليات التعليمية
برنامج تدريبي متخصص في ادارة المشاريع في مجال الرعاية الصحية حيث يستهدف هذا البرنامج تمكين المشاركين من تطبيق مفاهيم ادارة المشاريع ومنهجيات ادارة المشاريع في المستشفيات ووحدات الرعاية الصحية