الموضوع: تعريفات كلمة مدير ...

من هو المدير ؟

هو الشخص الذي يعتقد أنه بإمكان تسعة نساء معا انجاب طفل في شهر واحد


- ادرك الرجل الذي يركب البالون الهوائي أنه فقد السيرة عليه ولم يعد قادرا على معرفه موقعه بالفعل
نظر الى الاسف فوجد رجلا يسير على الارض فناداه بصوت عالي :
لو سمحت .............ممكن تساعدني
انا وعدت صديقي اقابله بعد نصف ساعة ولكن مضت ساعة
وفقدت السيطرة على البالون ولا اعرف اين أنا بالتحديد ؟؟

رد الرجل الأخر :
انت الأن في البالون الهوائي
تطير اعلى الحقل
على ارتفاع 30 متر تقريبا

رد الرجل في البالون :

انت مهندس أليس كذلك ؟
أجابه الرجل الأخر :

نعم .. وكلن كيف عرفت ذلك ؟

رد الرجل :
لأنك تقدم لي معلومات فنية صحيحة. ولكنى لا أعرف ما أهمية هذه المعلومات في وضعي الحالي
فأنا مازلت فاقد الاتجاه.

رد الرجل في الاسفل :
لابد انك مدير

أجابه :صحيح أنا مدير ولكني كيف عرفت ذلك ؟

لأنك لا تعرف اين أنت
ولا الى أين أنت ذاهب
ووعدت صديقك بمقابلته ولا تعرف كيف تفي بوعدك
وتتوقع مني أن أحل مشكلتك

وفي انتظار تعريفاتكم

بالنسبة لي

هو الشخص الذي لا يحلو له الاتصال بي لتشريفه في مكتبه إلا في حالة طلبي كوب من الشاي أو القهوة ...

وهو أيضاً الشخص الذي لا يأتي مبكراً ... إلا في اليوم الذي أتأخر فيه ...

وهو ايضاً الشخص الذي يطلبني على الهاتف عندما أغادر مكتبي لأي سبب ....


شكرا أ / محمد ..... وإلى المزيد من التعريفات لاحقاً

موضوع الشاي والقهوة دة انا مجربه تمامااااااااااااا

ههههههه
أضحك الله سنك أخي بهاء
...
أما أنا فأقول:
هو الذي يغير ما قمت عمله عشرات المرات لكي يقرر أخيرا أن ينفذ ما قمت بعمله انت أول مرة...
وهو الذي يلغي كل الأولويات الضرورية للعمل من أجل أن ينفذ ما هو ضروري عنده شخصيا...
وهو الذي لا يعترف لك بأي عمل جيد قمت به ولكن يحاسبك على أتفه الأمور...
بارك الله فيكم جميعا
مشكور أخي أحمد على الموضوع بارك الله فيك

المدير هو الذي يدير إدارته
حسب ما تديره زوجته في المنزل

المدير : عارف يا ابليس ياخويا, انا عاوز اعمل في موظفي الشركه

حركه تطلع من نافوخهم
أبليس : طب هات ودنك وخد الفكره دي .....وش وش وش وش
المدير: لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
المدير : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك


واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله :المدير خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا
عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين



مره المدير راح مدرسه ابتدائى فلما جت فتره الاسئله ولد رفع ايده
المدير ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت مدير الشركه ديه بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى الشركه؟
4 - ليه الشركه حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع المديروقال احنا كنا فين بقى؟ مين عنده سؤال ؟
ولد صغير تانى رفع ايده فالمدير سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
1 - ليه انت مدير الشركه بقالك 25 سنه ؟
2 - لسه معينتش نائب ؟
3 - ليه ولادك ماسكين
كل حاجه فى الشركه؟
4 - ليه الشركه حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟



*إخبرنى بصراحة مدير شئون الموظفين ولا داعى للمجاملة أو النفاق .
المسئول : أمرك يا مدير
المدير : أنا الأفضل ولا المدير الي قبلي ؟
المسئول : انت طبعا يا مدير .. الي قبلك مين مين اللى كان بيخاف من شركات الروس !!
المدير : طيب أنا الأفضل ولا المدير الي قبل الي قبلي ؟
المسئول : الي قبلك مين يامدير اللى كان بيخاف من شركات الأمريكان !!
المدير : طيب أنا الأفضل ولا عمر بن الخطاب ؟
المسئول : انت طبعا يا مدير .. عمر بن الخطاب كان بيخاف من ربنا .. انت لأ

*كان فى سرير المرض حينما أخذ يلقى بوصاياه الأخيرة لنائبه:
- وصيتك تمسك الشركه من بعدي من بعدى يا احمد ..
- فى رقبتى يا يا مدير .. كله تمام والشركه هياخدها ابنك .......
(ثم راح فى غيبوبة .. أفاق منها بعد قليل )
- وصيتك الموظفين من بعدى يا احمد .
- ما تخافش يا مدير .. الموظفين ياكل الزلط ...
(ثم راح فى غيبوبة .. أفاق منها بعد قليل )
- احمد
- نعم يا مدير؟
- ماتنساش .. توكيل الزلط لابني الكبير


اشتكى المدير لمدير الامن إن "حمو النيل "ما بيخلهوش ينام ..بعد تلات تيام اتصل بيه مسئول الامن وقاله تمام يا فندم قبضنا على كل اللى اسمهم حمو وجارى ردم النيل سعادتك



المدير بيخطب في الموظفين فا كل شويه واحد يقوم ويقول عاش المدير موحد الاديان ويقعد يروح المدير مكمل كلامه وشويه ويقوم الراجل ويقول عاشالمدير موحد الاديان فا
اتمسك امن دوله وطااااااااخ ويقولوله ايه الي انت بتقوله دا ازاي موجد الاديان دي الشركه فيها مسيحين ويهود ومسلمين وطااااااخ فردعاليهم يا باشا ماهوه الي مكفرنا كلنا




بيقولك واحد تانى لقى الفانوس السحرى ده دعكه طلعله العفريت وقاله:شبيك لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى صعبه قوى نقى
حاجه تانيه الراجل قاله:خلاص خلى المدير يسيب الحكم؛العفريت قاله:أنت عايز الكوبرى رايح جاى ولا رايح بس

لقتيها ع النت

اما التعريف بالنسبة لى
هو الشخص المكروه
الى يطلب شى هو مش فهموه وانت من المفترض تفهموه

الاوارم المعكوسة
الكمة ونقيضها

شكلك يا أحمد يا وحيد هاتحصل رامي قريب ...

ربنا يتولاك برحمته ...

السلام عليكم ورحمة الله وبركاته

المدير هو ذلك الاب الحنون الذي كل ماضقت بنا الدنيا أخذني في حضنه .

المدير هذا في مساره المهني كان شخص عادي وصديقك وبيضحك وبسيط وعادي وبريئ وبعد الترقية اصبح مدير وصاحب كرسي ينقلب عليك لا يتكلم معاك إلا القليلا او يتجاهلك تماما ويكون كل شيئ رسمي .اي يغلب عليه طابع الرسمية !!!!!!!!!!!!

اشكرك أخي الفاضل محمد احمد إسماعيل على الطرح.
تحياتي وتقديري لك.
اختك من الجزائر.

المدير :

هو ذلك الديك المغرور الذي يظن أن الشمس لن تشرق إلا بعد أن يصيح ...

السلام عليكم ورحمة الله وبركاته

المدير :

هو ذلك الديك المغرور الذي يظن أن الشمس لن تشرق إلا بعد أن يصيح ...

هههههههههههه شكرا اخي المصري بهاء الدين . صح اريد طرح سؤال لماذا يتغيرالبني الأدم لما يترقى ويصبح مسؤولا او مديرا. اهذا غرور منه ؟ ام المسؤولية تجبره على هذا ؟

ارجو كل من شاف الموضوع يرد طبعا إن اردتم .

تحياتي وتقديري لك.


اختكم من الجزائر.

المدير

هو ذلك الشخص الذي إذا خيِّر بين أمرين كلاهما شر ... إختار الإثنين معاً ...

وفقكم الله لصالح الأعمال
اخيك
هيثم محمود الملاح

لماذا جميع التعاريف سلبيه ، هناك مدراء أيجابيين ويعملون بجديه لخدمة مؤسستهم ويخافون الله ، لسه الدنيا فيها خير

أستاذنا الكريم ... الف شكر وتحية ... لجهودكم الكريمة .