قبل ماتفكر تعمل KPIs لأي موظف او عامل عندك في الشركة.. ضروري ولازم تتأكد الاول ان الشركة نفسها فيها ال (١٦) حاجة اللي جايين دول:
[1]- رؤية vision مُعتمدة للشركة..
[2]- رسالة/مُهمة mission مُعتمدة للشركة..
[3]- قيم values الشركة..
[4]- أهداف مُعتمدة objectives الشركة..
[5]- خطة استراتيجية strategic plan موثقة ومُعتمدة للشركة.
[6]- خطة تشغيلية business plan برضه موثقة ومُعتمدة للشركة..
[7]- أهداف ادارات deps. Objectives. وتكون موثقة ومُعتمدة.
[8]- خطط عمل إدارات dep. Action plans.. وبرضه تكون موثقة ومُعتمدة.
[9]- هيكل تنظيمي/وظيفي مُعتمد org. Charts للشركة واداراتها..
[10]- لوائح وسياسات عمل regulations and policies.. مُعتمدة.
[11]- توثيق لسير العمل والعمليات processes mapping.. مُعتمدة في شكل خرائط تدفق flowcharts.
[12]- مصفوفة صلاحيات authorities matrix او ال RICE اللى حضرتك هاتعتمد من خلالها:
*] مين هاينفذ execute الإجراء procedure..
*] مين بيتم اخطاره informed بالإجراء procedure..
*] مين هانستشيره consulted في الإجراء procedure.
*] مين مسؤول responsible عن الإجراء procedure..
[13]- أدلة اجراءات procedures manuals ونماذج عمل forms لكل ادارة وتكون مُعتمدة عشان من خلالها نوثق (كل موظف عندي هايعمل ايه في النقطة ١٢ السابقة).
[14]- تحليل وظيفي job analysis عشان نطلع منه ببطاقات وصف وظيفي job description card مُعتمدة ومذكور فيها:
*] واجبات duties الموظف الدائمة والدورية والموسمية تجاه العاملين بادارته والإدارات والاقسام الأخرى داخل الشركة، والأطراف ذات العلاقة من خارجها.
*] مهام tasks الموظف الدائمة والدورية والموسمية اللي بيقوم بيها مع العاملين بادارته والإدارات والاقسام الأخرى داخل الشركة، والأطراف ذات العلاقة من خارجها.
*] المسؤوليات responsibilities اللي بيتحملها الموظف تجاه ممتلكات وسياسات والعاملين بادارته والإدارات والاقسام الأخرى داخل الشركة، والأطراف ذات العلاقة من خارجها.
*] الشهادات certificates والتدريب training والمؤهلات qualifications اللي محتاجها الموظف عشان يؤدي مهام وظيفته.
*] أيام العمل working days، وعدد ساعات العمل working hours اللي هايشتغلها الموظف في الاسبوع او الشهر.
*] بيئة العمل work environment اللي هايشتغل فيها الموظف سواء كان فيها تكييف/حرارة، اشعاع، أشعة، تراب، مياه.. الخ.
*] مكان العمل work location اللي هايشتغل فيه سواء في المركز الرئيسي او الفروع.
*] المهارات skills العامة المطلوبة من الموظف.
*] العلاقات التنظيمية organizational relations اللي هاتبين من خلالها مين رؤساء الموظف managers/supervisors وزمائله peers في نفس المستوى الوظيفي، ومين مرؤوسينه subordinates اللي بيشرف عليهم.
*] راتبه وبدلاته الشهرية (لو عندك هيكل اجور مُعتمد وقدرت تعمل ده تبقى بطل).
[15]- اطار عام للكفاءات مُعتمد competency framework ومصفوفة كفاءات competency matrix ونماذج كفاءات competency models عشان نقول من خلالها الموظف ده هايستخدم قيم الشركة values او الكفاءات المحورية core competencies والكفاءات الفنية technical competencies والكفاءات الإدارية managerial competencies ايه هي في شكل KBIs او key behavior indicators عشان نعرف من خلالها الموظف ده هايحقق ال DTRs اللي فوق دي ازاى من خلال سلوكيات معينة.
[16]- واخيرا،، نظام إدارة أداء performance management system او PMS برضه مُعتمد، واللي بنعرف من خلاله:
*] ازاي نربط بين اهداف وظيفة كل موظف وأهداف القسم والادارة اللي بيشتغل فيها.
*] ازاى أتأكد ان اهداف إدارة الموظف نفسها متسقة ومتماشية مع أهداف الشركة.
*] مين هما الأطراف ذات العلاقة stakeholders اللي هايكونوا مشتركين في عمليات تقييم الأداء.
*] ايه هى التقارير والنماذج والطلبات اللي بتتم بين كل موظف هايتم تقييمه وكل حد بيتعامل معاه جوه الشركة وبراها.
*] ايه هي سياسات التقييم performance appraisal policies المعتمدة في الشركة واسجلها.
*] ايه هي عمليات تقييم الأداء او ال performance appraisal processes كخرائط تدفق flowcharts واسجلها عندى.
*] هانخطط planning ازاي بقى لتقييم الأداء لكل موظف في الشركة.
*] هانختار عوامل تقييم نوعية qualitative للموظف زى مؤشرات الأداء العادية performance indicators، ولا هانختار عوامل تقييم كمية quantitative زي مفاتيح مؤشرات الاداء key performance indicators او ال KPIs.. وايهما يصلح طبقا لنوع وحجم والوزن النسبي للوظيفة.
*] هانتابع المؤشرات او ال KPIs اللي فوق دى ازاى، ومين هايتابعها، وايه هي التقارير الصادرة عنها.. الخ.
*] هانرصد monitoring أداء الموظف ده ازاى، ومين المسؤول عن ده.
*] ازاى هانطور develop اداء الموظف وامتى وازاى نعمله feedbacks على ادائه نتيجة متابعته.
*] هانسجل rating اداء الموظف ازاي وفي شكل تقارير reports شكلها ايه، ومين الناس اللى هاتشترك فيه.
*] هنكافئ الموظف ازاى لما يحقق أهداف وظيفته سواء كانت PIs او KPIs.
ا------------------------ا
لو شركتك مافيهاش ال (١٦) نقطة اللي فوق دول بعناصرهم.. يبقى ماترهقش نفسك بشغل ومصطلحات وكلام لا هايقدم ولا يأخر، وفي الأخر هايترمي في درج المكتب او يتعمل صواريخ ورق ونرميها على بعض في المكاتب واحنا بنهزر مع بعض وقت ال