الموضوع: برامج ومواقع بتحتاجها بشكل دائم

1- Canva
ده فوتوشوب الناس اللي مش بتعرف فوتوشوب ، برنامج بيساعدك على تصميم اي حاجة بمقاساتها ، هتلاقي عليه حاجات مجانية كتير ، تقدر تصمم بيه بريزنتيشن ، خلفيات زوم ، بوستات فيسبوك وحاجات كتير تانية زي الكارت الشخصي مثلا.


https://www.canva.com/


2- Buffer
ده بيساعدك تنشر بوستات على حساباتك على السوشيال ميديا بشكل اوتوماتيك ، مثلا حسابك على لينكدن مهم جدا انك تكون اكتيف عليه وبروفايلك قوي تحسبا لتقلبات الزمن ، وفي نفس الوقت صعب كل يوم تدخل تنشر بوست ولا اتنين ، ببرنامج بافر ده ، هتقعد في الويك اند تظبط بوستات الاسبوع كله والبرنامج هينشرها لوحده على حسابك.
البرنامج مجاني حتى ٣ حسابات فقط


https://buffer.com/


3- Monefy
برنامج بيخليك تدير امورك المالية بسهولة جدا ، بقالي أكتر من سنتين بستخدمه ، البرنامج سعره ٢١ جنيه من جوجل ستور ، النسخة المجانية مش بتمكنك تغير في تصنيفات الصرف ولا أيقوناتها.


https://monefy.me/

4- Coda
البرنامج ده خطير جدا وطفرة الصراحة في مجال البرامج الشخصية ، البرنامج باختصار بيخليك مثلا لو بتكتب مذكرات يومية انك تحولها لبرنامج ، كأنك بتبرمج فكرتك بس بدون كود ، بتعمل التيملبت اليومية فيها قايمة بالحاجات اللي لازم تعملها كل يوم ، زي العادات اليومية ، وبتعمل سيكشن للافكار و سيكشن للتدبر في يومك كده و ايه اللي عجبك وايه اللي المفروض تحسنه وهكذا.

https://coda.io/