الموضوع: الكورونا ماكنتش سبب إنهيار شركات وإفلاسها، ال HR كان السبب!
الكورونا ماكنتش سبب إنهيار شركات وإفلاسها، ال HR كان السبب!
(و مع إني عزيزي القاريء عندي رفض لفكرة التعميم المطلق، بس خليني اقولك ان للاسف التعميم هنا يكاد يكون صح بنسبة 100%)!!!!
كان في فيديو للاسف مشفتوش بس لمحت عنوانه (Management shouldn't be the same after Covid). وبعد فترة افتكرته وسئلت نفسي أيه ممكن يكون محتوى الفيديو وإيه اتغير في ال Management؟
وقبل ما أدخل في الموضوع، كان في Candidate نزل Post لسؤال من ال Interviewer بيقوله: (لو حصل ظرف للشركة واضطرينا ننزلك المرتب للنص هل عندك مشكلة؟) رد عليه وقاله (موافق بس تكتب في العقد ان لو حصلي ظرف قهري واشتغلت نص ساعات العمل هتديني الاجر كامل!)
بغض النظر عن تحفظي على طريقة الرد بس انا موافق الموظف جدا في المضمون!
علاقة الموظف بالشركة طالما هي بتعتمد على عدد ساعات العمل، و طلبات مدير و مرتب! يبقى لا تتخيل ان في يوم تحصل فيه أزمة عالمية - زي الكورونا - ان حضرتك كشركة مش هتتعرض لخسارات فادحة (الا من رحم ربي وحالات قليل جدا، وحتى الشركات دي خسرت من ال Profit واشهرهم Amazon!!!) ، طالما أنت نسيت ال Human factor وبتشغل الناس كانهم مكن، متتوقعش من الناس دي تبصلك في يوم بنظرة Human!
والعكس صحيح.. لما حضرتك تبني علاقة انسانية مع موظفين الشركة، هتلاقي الموظفين بيتعاملو في الازمات اللي الشركة بتعدي بيها بإنسانية!..
اشهر influencer في مجال ال Business واسمه Simon Sinek كان بيتكلم عن الشركات وبيشبه علاقة الشركات الناجحة بالموظفين بعلاقة الاب بإبنه... وخليني اقولك بالفعل ان غالبا الناس بتختار ال Leader في شغلها اللي بيكون عادة فيه صفات الاب او على الاقل في واحدة من الصفات!..
1- العلاقة غير مبنية على الخوف/مبنية على الحرص: عارف انك لو جت فترة قصرت او حصلك ظرف هو هيقدر ده وهيقف جنبك مش هيخصملك و لا يستغنى عنك بالعكس ممكن يسندك. عارف ان تجديد العقد ده حبر على ورق وان العقد النفسي اللي بينه وبينك اقوى مية مرة وللأبد.
2- علاقة غير مبنية على الاخذ / مبنية على العطاء: بيعلمك زي ما ابوك كان بيعلمك ومستني دايما يشوفك احسن ومتوقع منك دايما الاحسن!
3- بيكافئك مش بيعاقبك : لما بتعمل الحاجه صح بتتكافيء بتقدير معنوي دائما و تقدير مادي احيانا، ولما تعمل غلط بينبهك و بيعلمك مرة و اتنين وتلاته.
4- علاقة تواضع : يعرفك شخصيا, بينصحك مش بيأمرك. بيستشير رايك حتى لو انت متاكد انك اقل خبرة و علم! وانك لو اختلفت معاه هيتقبل رايك و ممكن جدا من وقت للتاني بيهزر معاك!
5- علاقة مبنية على العدل و الحزم: مبيتهاونش مع ال Attitude من اي شخص كان. الاحترام قبل ال business. و بيعاملك زي ما بيعامل الامورة ام شعر اصفر.
للاسف لو كان ال HR مدرك أهمية ال Environment دي و بيحارب عشان يبنيها، مكنتش هتلاقي شركات كتير بتقفل بسبب ازمة الكورنا. كنت هتلاقي موظفين بيعملو كل ما بإيدهم عشان يفضل بيتهم التاني مفتوح!
شخصيا - ومن زمان - كان اكتر term بعترض عليه هو Family business، بشوف ان الصح انه يتقال family management، لان لو كل الموظفين اللي في business عبارة عن Family كنت هتلاقيها احسن الشركات والناس بتمدح فيها ( الا لو family مطينة بطين هتقلب بهباب وسواد)
لما توفر صفات الاب في الشركة في كل مدير او مشرف وقتها لما يجيلك Candidate وتقوله ان احنا ممكن نعدي بتأخير في المرتبات او ممكن نقلل المرتبات، هيقولك انا مش داخل الشركة عشان ابقى موظف، انا حبيت الشركة عشان عايز اكون جزء من العيلة!
خفض رواتب بشكل مباشر
إجازات بلا راتب
توقيف التوظيف
إنهاء خدمات
وغيرها ..
هذه بعض الإجراءات التي اتخذتها الشركات على مستوى العالم وليس فقط بالعالم العربي أو غيره والجميع يترقب وقد تكون... (مشاركات: 0)
يأتي تخفيض العمالة في اي منشآة تجارية كحل طبيعي في وقت الازمات، وفي ازمة مثل الازمة التي يعيشها العالم حاليا مع تفشي وباء فيروس كورونا، سيكون هناك آلاف المنشآت التي ستفكر مليا في تخفيض العمالة كحل... (مشاركات: 0)
ايه هو دور الاتش ار في الوقت الي احنا فيه؟
دور مدير الموارد البشرية في اي مؤسسة هو دور متعدد و متشعب و اهم و اصعب جزء فيه هو الجزء الخاص بتنظيم عملية ال communication بين الموظفين... بطريقة تحفظ... (مشاركات: 0)
قال المؤسّس الشريك لموقع باي بال بيتر ثيل إن حاملي درجة الماجستير في إدارة الأعمال لديهم ميلٌ إلى "التفكير والتصرّف مثل القطيع".
بينما قال الرأسمالي مارك آندرسن كلاماً مناقضاً لذلك، فقد قال "إذا... (مشاركات: 0)
الإدارة هي السبب
سؤال أوجه لكل مدير ومسؤول، هل تستطيع أن تخبرني ما هي آخر التطورات في مجال الإدارة والمجال التقني؟ إذا كانت معرفتك ممتازة بهذين المجالين وتقوم بتطوير قسمك أو مؤسستك بتطور المجالان... (مشاركات: 0)
دبلوم تدريبي متقدم في إدارة الأعمال يؤهل المشاركين على فهم واستيعاب المفاهيم والتطبيقات الحديثة في ادارة الاعمال. ومساعدتهم في الوصول الى الوظائف القيادية العليا في الشركات.ويساعد الافراد الراغبين في تغيير مسارهم المهني الى مجال إدارة الأعمال، يشمل الدبلوم خمسة محاور تتم دراستها بواسطة مجموعة من اميز المحاضرين في مجالات الادارة المختلفة.
ستتعلم في هذه الدبلومة التدريبية وضع خطة عمل لتحليل الأعمال ومعرفة كيفية تنفيذها ونمذجة عملية الأعمال والتخطيط والرصد التي تتطلب تحليل دقيق، وجمع المتطلبات وإستراتيجية العملية التجارية ومتطلبات نماذج دورة الحياة لتوفير خط أساس للتحسين وادارة التحسين على العمليات من خلال الكشف عن حالات الشذوذ والتكرار وأوجه القصور وفهم الأساس لدراسة واختبار تصميم العملية ، وقياس نتائج العملية، وتعريف التصميم والتحسينات الاستراتيجية.
برنامج تدريبي يهدف الى تأهيل المشاركين ليكونوا قادرين على تصميم الجدارات الوظيفية المطلوبة للوظائف بالمؤسسة كوظائف الحسابات أو المستشفيات أو خدمات العملاء أو الوظائف الأخرى داخل المؤسسة مما يساعد على جذب أفضل الكفاءات للمؤسسة ورفع كفائتهم والحفاظ عليهم
دورة تدريبية تهدف إلى تاهيل الراغبين في العمل في وظيفة ضمن مجال التسويق أو المبيعات أو خدمة العملاء. يعتبر هذا البرنامج نقطة البداية للدخول في هذا المجال. يقدم للمشاركين التأهيل اللازم لفهم والالمام بأساسيات المجال.
يتناول البرنامج معايير تصميم وتقييم المستشفيات الخضراء وطريقة تخطيط وتنظيم وتقييم المستشفيات في ظل التطبيقات الحديثة للمنظمات الطبية. ويركز على المهارات الإدارية والقيادية وإعداد الخطط والدراسات اللازمة لإدارة السلامة البيئية بالمستشفى أو إحد أقسامها وفقاً للمتطلبات المتغيرة والمتجددة في مجال إدارة الرعاية الصحية.