النتائج 1 إلى 2 من 2

الموضوع: يعني ايه كوك زيرو ... آه يا زمن

  1. #1
    الصورة الرمزية dragon79
    dragon79 غير متواجد حالياً مستشار
    نبذه عن الكاتب
     
    البلد
    الإمارات العربية المتحدة
    مجال العمل
    منسق العلاقات الحكوميه
    المشاركات
    534

    يعني ايه كوك زيرو ... آه يا زمن




    يعني أية كوك زيرو !!!!
    يعنى يقولك ان من اهم انجازات عصر ما بعد الثورة هى مجانية التعليم.....و اى اسرة فى مصر بتبيع اللى وراها و اللى قدامها علشان الدروس الخصوصية!!!!
    يعنى يعملوا مؤتمر سنوى لأنجازات الحزب الوطنى ......و الناس كلها عارفة ان مؤسسة رسالة هى اللى فاتحة بيت ناس كتييير قوى فى البلد!!!!
    يعنى ابويا يسافر و يتغرب و يوفر شقة لولاده من فلوسه محدش دفع له فيها حاجة و يجى بطرس غالى يفرض عليها ضريبة عقارية.!!!!!!!!
    يعنى حسنى مبارك يعمل سور لقتل اطفال غزه ويطلع واحد يقولك البرادعى عميل لاسرائيل
    يعنى وزير مالية عمل قانون الضرائب العقارية وقال هيدفع عن القصور بتاعته ويطلع يتعالج على نفقة الدولة
    يعنى وزير صحة شريك فى كبرى مستشفيات البلد)دار الفؤاد) و مراته تتعالج على نفقة الدولة
    يعنى ناس غلابة و مش لاقين الزلط حتى وعضو مجاس الشعب يطلب منهم ثلث قيمة قرار العلاج على نفقة الدولة رشوة عشان يتعالجوا على نفقة الدولة
    يعني ندي الغاز لإسرائيل مدعم لعشرين سنه جايه و المصريين مش لاقيين أنبوبه بوتاجاز
    يعني وزير الإسكان يبقي سمسار اراضي !
    ووزير التعليم يبقي بلطجي قديم !
    ووزير الصحه بيتعالج علي نفقة الدوله !
    يعنى جمال مبارك يسرق فلوسنا وارضنا ويوزعها على اصحابه و ييجى واحد يقولك اللى تعرفو احسن من اللى ما تعرفوش
    يعنى كولا زيرو
    و غاز زيرو
    و مرتبات زيرو
    و ضمير زيرو
    وتنمية زيرو
    و انتخابات زيرو
    و صحة زيرو
    و دقيق زيرو
    يعنى تبقى واثق أيام اختيار الدولة المضيفة لكأس العالم 2010 ان مصر هاتخدها هاتخدها لأنعدام الامن فى جنوب أفريقيا و عدم و جود بنية تحتية فى المغرب و فجاة تاخد صفر كبييير من لجنة الفيفا ....
    يعنى يطلع واحد فى التلفزيون يقولك آه البرادعى ...عارفه عارفه ده عبدالله غيث بتاع انا البرادعى يا رشدى......... و يبقى تامر حسنى و شعر صدره من علامات الرجولة و لا حول و لا قوة الإ بالله
    يعنى يبقى عندك ثلث أثار العالم فى مدينة واحدة بالأقصر و تلاقى دولة زى تونس عدد السائحين فيها اكتر من عندك
    يعني تترشح في الانتخابات عن فئة (العمال) وتنجح فتعيش عيشة (الملوك )
    . إنك تمنع التدخين جوه القطر علشان تحافظ علي أرواح الناس ويروح القطر بكل اللي فيه مخيش في قطر تاني.
    يعنى تبقى الدول العربيه اللى مكانش حد يسمع عنها زى دبى وقطر والبحرين كلها نظام ونضافه------ وإحنا اللى كنا بنعلمهم من 30 سنهعندنا الزبالة وعدم النظام في كل مكان
    ورئيس الوزراء بيقول ان وجود الزبالة بالكثرة دي بيدل على الغنى الي عايش فية الشعب المصري
    يعني تبقي نسبة التحرش الجنسي بالفتيات في الشارع المصري والمواصلات العامة 80% .....والحكومة تطالب بخلع النقاب !!!!
    يعني لما الشعب ما يلقاش سكن ويروح يسكن في الجبل ويقع عليه يقولوا عشوائيات
    يعني لما الناس تتغرب ولما تيجي ترجع تركب عبارة تعدي بيها البحر والعبارة تغرق وحوالي 1500 واحد يموتوا .... يطلع التحقيق انهم ماتوا بنزلة برد عشان لما غرقوا ماكنوش عاملين حسابهم وماتقلوش هدومهم
    يعنى قناة ال BBC فيها مذيعات محجبات و تلفزيون بلد الأزهر بيمنع ظهور المذيعات المحجبات!!!!!!!!!!!
    يعني مصانع الحديد كانت بتبيع الطن ب2000 جنية ويجي بقدرة قادراحمد عزمحتكر الحديد يبيعه ب8000 جنية ........ تيجي الحكومة تعمله قانون تفصيل مخصوص لية عشان تحمية من بطش الناس
    يعني يبقي اليهود نهبوا فلوس العالم عشان الهولوكوست الوهمي
    ويتباهو بقتل اسرانا في تليفزيونهم ومحدش يقولهم حاجه !
    يعني يعملوا قانون ضرائب جديد على العقارات ....... والشعب الي مش ناوي يدفع يموت نفسة عشان يجيب الاقرار ويتباع في السوق السودا كمان
    لما وزير التربية والتعليم المسئول عن تخريب الثانوية العامة وتعديلها اكتر من مرة خلال 4 سنوات والغاء سنة 6 من الابتدائي ..... يكون رئيس مجلس الشعب وممكن رئيس جمهورية كمان في حالة وفاة الرئيس
    يعني قطارين بخيشو في بعض والي يتحاسب الكمسري وفي مقولة اخرى البقرة الي كانت واقفة على القضبان
    يعنى تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان دكاترة وممرضين ووزير المالية وزوجة وزير الصحة بيتعالجوا بالملايين على نفقة الدولة
    يعني تبقي عندك بحرين و نيل قناة السويس و11 بحيره وبتستورد السمك من بره!
    يعني ربنا يكرمك وتكون رجل اعمال ولا سيدة اعمال وتاخد 2.800 مليار جنية مصري من 10 سنين وترد نصهم بالتقسيط بعد 10 سنين يعني المبلغ بيكون اضاعف معاك تلات اربع مرات وتكون برئ قدام الحكومة وكمان تنزل انتخابات مجلس الشعب وتنجح!!!!
    يعني يتحرق مجلس الشورى والشعب يدعي ربنا ان النواب يكونوا جواه
    لما الاعلام الحكومة والخاص مش همة الشعب الي مش لاقي ياكل ولا يلبس ولا يسكن وطبعا بدون عمل ...... وهمة كلة يعرف مين قتل سوزان تميم والمحكمة هتحكم باية في قضية مرتضى منصور وشوبير !!!
    لما الدايرة الي فيها 2500 صوت مرشح الحزب الوطني ياخد لواحدة 13000 صوت
    يعنى لما يكون يكون المزارع مش عارف يزرع ارضه بالقمح علشان نحتاج امريكا ------------ ولما يزرعه ياخدوه ارخص من المستورد 3 مرات
    لما يمنعونا من زراعة القطن الي بنتميز بية وبعد كده يروحو يبيعوا مصانع الغزل والنسيج لمستثمرين يهود يسرحوا العمالة ويقطعو الشركات ويبعوها اراضي على النيل
    يعني الحكومة عليها ديون داخلية وخارجية تبلغ 991 مليار جنية يعني نصيب كل فرد في مصر سواء طفل او بالغ او رجل او امراءة 13 الف جنية
    يعنيكلنا خايفين علي مستقبل مصر
    واللي ماسكينها خايفين علي مستقبلهم هما
    لما يكون الملاك فى الرحاب بتدفع 12 جنيه على المتر مسطح بدل فرق الصيانه ---------- يقوم الباشا هشام طلعت يدى سوزان 50 مليون من جيب امه
    يعنى لما تكون اقصى سرعه للسيارة 20 كيلو فى الساعه علشان الطرق متنيله بستين نيله والبلاعات طالعه فى وسط الشوارع واحيانا مفتوحه -------- يطلعوا لنا بقانون حزام الامان وصندوق الطبى علشان ابو مراة الننوس يبيع ويغتنى من دمنا
    لما الموظف فى الحكومة بياخد 500 مرتب و يقولك مش عارف يعيش علشان الزيادة السكانية!!!!
    لما يكون عندانا مجلس قومى للمرأة و اعلى معدلات طلاق فى الوطن العربى!!!!
    لما يكون عندنا مجلس قومى لحقوق الانسان و اعلى معدلات اعتقالات و تعذيب فى اقسام الشرطة.....
    لما وزير الاسكان الحرامى يبيع ملايين الامتار ببلاش للمستثمرين مخالفة لقوانين الدوله ------------ ويبيعوا لنا المتر ب 3000 جنيه فى القاهره الجديده
    و لما وزير الاسكان يقول لو مخصصتش الآراضى للعائلة أمال هخصص لمين ,,,يبقى اللى اختشوا ماتوا!!!!
    و لما بيصرفوا ملايين الجنيهات على المهرجانات و المؤتمرات كل سنة و اول ما يحصل كارثة - كالزلزال او السيول - يقولك اتبرع للضحايا!!!!!
    لما طلعت السادات قال بُقين على الهوا تترفع عنه الحصانة و يتسجن فى اقل من شهر... و ممدوح اسماعيل صاحب العبارة يسافر من صالة كبار الزوار!!!!!
    يعنى تجى تشترى شقه فى اسكان مبارك لمحدودى الدخل تحسبها تلائها وائفه عليك بسعر السوبر لوكس
    لما الرئيس يحتفل بليلة القدر و يوزع جوائز على حفظة القرآن الكريم.... و لما الاخوان يجيوا يعملوا حاجة ايجابية - زى مشاريع خيرية او حتى يوزعوا شنط رمضان - يعتقلوهم و يقولوا لا للدولة الدينية!!!!!!
    و لما تتهد على اهلها يطلعوا يقولوا هم اللى غلط دول عشوائيات.... و كنتى فين يا حكومة على رأى معتز الدمرداش؟؟؟؟!!!!!!
    و لما يعملوا قانون مرور جديد..... و ضحايا حوادث الطرق سنويا اعلى من نسبة اللى ماتوا فى حرب اكتوبر...
    وهيه دي العيشه مع كوك زيرو
    " منقــــــــــــــــــــــ ـــــــــــــــــول "




    سبحان الله وبحمده سبحان العظيم

    يا صاحب الهم إن الهم منفرج.......... ابشر بخير فإن الفارج الله
    إذا قضى الله.. فاستسلم لقدرته.. . ما لامرء حيلة فيما قضى الله
    الياس يقطع أحيانا بصاحبه....... ... فلا تيأس فإن الفارج هو الله
    إذا بليت... فثق بالله و ارضى به.. إن الذي يكشف الكرب هو الله

  2. الأعضاء الذين قالوا شكراً لـ dragon79 على المشاركة المفيدة:


  3. #2
    الصورة الرمزية yoo
    yoo
    yoo غير متواجد حالياً مبدع
    نبذه عن الكاتب
     
    البلد
    مصر
    مجال العمل
    موارد بشرية
    المشاركات
    187

    رد: يعني ايه كوك زيرو ... آه يا زمن

    موضوع مميز و مش زيرو
    جزاك الله خيرا

موضوعات ذات علاقة
يا خبراء يعني ايه صندوق زمالة
ماهي اهداف صندوق الزمالة و بيعمل ايه و ايه شروطه (مشاركات: 5)

أرجو المساعدة يا إخوة يا كرام ولاجابة على هذا التساؤل ولكم جزيل الشكر مقدما .
كيف يمكن ان نؤصل ثقافة الاتصال من خلال التدريب فى مجتمعنا ..؟؟ (مشاركات: 1)

سوري يا جماعة ايه حوار الفيس ده
السلام عليكم المنتدى فيه تطورات عجيبة وجميلة دخلت على لوحة التحكم ماشي وبعدين الاوبشنز بتاعة الجزء الجديد اللي عن الفيس بوك عملت حاجات كدة وفي الاخر حطلي... (مشاركات: 4)

آه من حواء
الزوجة المطيعة كان هناك رجل يعمل طوال حياته ، وقد وفر كل ما لديه من أموال، ولكنه كان 'بخيلا' وقبل وفاته ، قال لزوجته... عندما أموت، اريد منك أن تأخذي... (مشاركات: 5)

يا خبراء يعني ايه صندوق زمالة
(مشاركات: 0)

أحدث المرفقات