النتائج 1 إلى 5 من 5

الموضوع: قصيدة جحا للشاعر هشام الجخ

  1. #1
    نبذه عن الكاتب
     
    البلد
    مصر
    مجال العمل
    هندسة
    المشاركات
    3,109
    صفحة الفيس بوك
    صفحة الفيسبوك لـ أحمد نبيل فرحات

    قصيدة جحا للشاعر هشام الجخ

    قصيدة جحا للشاعر هشام الجخ


    -----------------

    شعور سخيف
    إنك تحس بإن وطنك شيء ضعيف
    صوتك ضعيف
    رأيك ضعيف

    إنك تبيع قلبك وجسمك
    وإنك تبيع قلمك وإسمك
    ما يجيبوش حق الرغيف

    سألوا جحا عن سر ضحكه
    قالك أصل اتنين وشبكو
    اللى كان من تحت ميت
    واللى كان من فوق كفيف

    دا شعور سخيف
    وشعور سخيف
    إنك تكون رمز الشحاتة
    تبنى مبنى للشحاتة
    تعمل وزراة للشحاتة

    يا ساقية دورى ... عدى فوقى ودوسى
    نصبوا عليا وشحتونى فلوسى
    ربطونى فيكى .. حتى ما اتغميت
    هما اللى فرحوا ووحدى أنا اتغميت

    أنا اللى صاحب البيت
    عايش بدون لازمة
    ولما مرة شكيت
    إدونى بالجزمة

    أنا اللى زارعك دهب
    بتأكلينى سباخ
    إن كان دة تقل ودلع
    بزيادة دلعك باخ
    لا شفت فيكى هنا
    ولا شفت فيكى ترف
    كل اللى فيكى قرف

    كرامتنا متهانة
    واللقمة بإهانة
    بتخلفينا ليه لما انتى كارهانا

    يعنى ايه تبقى إنتى هبة النيل يا مزة
    وكل يوم المية تقطع
    يعنى ايه لما اشتكى غلو الفاتورة
    يقولو تشكى بس تدفع

    لما قش الرز ثروة بتتحرق
    وأما نفط الأمة ثروة بتتسرق
    وأما جلادك على ولادك بيبطش
    وأما علمك ما يلاقيش يآكل فيطفش

    يعنى ايه نرفع ايدينا بالسلام لجل الغزاة
    ويعنى ايه لما ابقى ماشى فى حالى اتشد اشتباه
    يعنى ايه لما اتحبس أربع سنين حبس احتياطى

    يعنى ايه مش حاسة بالعمر وغلاوته
    بتصبى مر العمر ليه
    دة انا كنت ح اوهب لك حلاوته

    أنا عمرى ما أتأمرت
    ولا حطيت شروطى
    ومكان ما ترسى مركبك
    بابنى شطوطى
    أنا كنت جيشك لما مماليلك باعوكى
    وكنت يوسف لما عشتى سنين عجاف
    وضلوعى دى اللى فى معركة قادش حموكى
    وشفايفى دى اللى ما بطلتش فى يوم هتاف
    دة انا كل شبر فى أرضك اتمرمغت فيه
    وكل يوم عشتيه
    أنا اتغذبت بيه


    علا صوت أدانك جرس
    فى الشدة صاحينلك
    من امتى كانوا الحرس
    هما اللى باقينلك

    بعتينى علشانهم
    وعنيكى معصوبة
    ياهلترى خاينة
    ولا زيى مغصوبة



    علمونا بالعصاية
    ورضعونا الخوف رضاعة
    علمونا فى المدارس
    يعنى ايه كلمة قيام
    علمونا نخاف من الناظر
    فيتمنع الكلام
    علمونا ازاى نخاف
    وازاى نكش
    بس نسيوا يعلمونا الاحترام
    فمتزعلوش
    لما ابقى مش باسمع كلامكم
    وماتزعلوش لما ابقى خارج عن النظام

    مستنى ايه من طفل ربوه بالزعاق
    غير المشاكل والخناق
    كل اللى بيقولك بحبك دول نفاق
    أنا لما قلت لك بحبك
    كان نفاق

    الحب يعنى اتين بيدوا
    مش ايد بتبنى وستميت تيت تيت يهدو
    الحب حالة
    الحب مش شعر وقوالة
    الحب يعنى براح فى قلب العاشقين للمعشوقين
    يعنى الغلابة يناموا فى الليل دفيانين
    الحب يعنى جواب لكل المسجونين
    هما ليه بقوا مسجونين
    يعنى أعيش علشان هدف
    علشان رسالة
    يعنى احس بقيمتى فيكى
    إنى مش عايش عوالة

    يعنى لما اعرق تكافئيى بعدالة
    الحب حالة
    الحب مش شعر وقوالة

    الحب حاجة ما تتوجدش فى وسط ناس
    بتجيب غداها من صناديق الزبالة

    بارت مراعينا والبئر قد جفَ
    والجوع يكوينا والصبر ما كّفى
    والقلب لا يهدا والجرح لا يشفى
    ولأننا طوع
    زنا لهم خفا
    جاءوا بموكبهم
    واشتغلت الزفة

    الدفة مظبوطة
    وأصلا مافيش دفة
    والكفة مش مايلة
    علشان مافيش كفة

    و جحا اللى جاى بالليل لساه بيتخفى
    شايف ديدان الغيط سارحة ومارحماشى
    من جبنه شاف الدود سابه وراح ماشى
    ولا اتكسف للناس
    ولا حس على طوله
    الناس عشمها كبير جريوا بيشكوله
    ضحك جحا ضحكة مواشى
    مادام بعيد عن طينى ... ماشى

    الدود قاعد لك يا جحا ولابد فى طينك
    بعد ما يمص فى دمانا مش حيحلاله الا طينك

    احنا اهلك
    احنا رجالتك
    أمانك
    إحنا وقت الشدة سندك
    إحنا زادك

    يا جحا احمى ولادك
    لو كنت عايز تحمى طينك
    سوف أرحل
    أَسأل اللهَ عز وجل أن يهدي بهذه التبصرةِ خلقاً كثيراً من عباده، وأن يجعل فيها عوناً لعباده الصالحين المشتاقين، وأن يُثقل بفضله ورحمته بها يوم الحساب ميزاني، وأن يجعلها من الأعمال التي لا ينقطع عني نفعها بعد أن أدرج في أكفاني، وأنا سائلٌ أخاً/أختاً انتفع بشيء مما فيها أن يدعو لي ولوالدي وللمسلمين أجمعين، وعلى رب العالمين اعتمادي وإليه تفويضي واستنادي.



    "وحسبي الله ونعم الوكيل ولا حول ولا قوة إلاِّ بالله العزيز الحكيم"

  2. 4 أعضاء قالوا شكراً لـ أحمد نبيل فرحات على المشاركة المفيدة:

    dragon79 (7/10/2010), احمدشروق (8/10/2010), محمد أحمد إسماعيل (7/10/2010), محمد على منصور (7/10/2010)

  3. #2
    نبذه عن الكاتب
     
    البلد
    مصر
    مجال العمل
    مدير تطقيم بشركة ملاحية
    المشاركات
    575
    صفحة الفيس بوك
    صفحة الفيسبوك لـ محمد على منصور

    رد: قصيدة جحا للشاعر هشام الجخ

    جميلة اقوووووووووووووووووى القصيدة دى أنا سمعتها قبل كده فى برنامج العاشرة مساء لشاب صعيدى كان بيقولها وكنت مبسوط بيه قوى.. بس كنت فاكرها من تأليفه..
    شكراً لك..
    لا إله إلا الله محمد رسول الله

  4. #3
    نبذه عن الكاتب
     
    البلد
    مصر
    مجال العمل
    موارد بشرية
    المشاركات
    312

    رد: قصيدة جحا للشاعر هشام الجخ

    جميلة فعلا القصيدة بس توجع القلب لانها بتعبر عن الحال تعبير واقعى و قوى جدا ، شكرا .

  5. #4
    الصورة الرمزية dragon79
    dragon79 غير متواجد حالياً مستشار
    نبذه عن الكاتب
     
    البلد
    الإمارات العربية المتحدة
    مجال العمل
    منسق العلاقات الحكوميه
    المشاركات
    534

    رد: قصيدة جحا للشاعر هشام الجخ

    شكراً أخي الكريم علي هذه القصيده الرائعه
    سبحان الله وبحمده سبحان العظيم

    يا صاحب الهم إن الهم منفرج.......... ابشر بخير فإن الفارج الله
    إذا قضى الله.. فاستسلم لقدرته.. . ما لامرء حيلة فيما قضى الله
    الياس يقطع أحيانا بصاحبه....... ... فلا تيأس فإن الفارج هو الله
    إذا بليت... فثق بالله و ارضى به.. إن الذي يكشف الكرب هو الله

  6. #5
    الصورة الرمزية محمد أحمد إسماعيل
    محمد أحمد إسماعيل غير متواجد حالياً المشرف العام
    نبذه عن الكاتب
     
    البلد
    مصر
    مجال العمل
    أعمال ادارية
    المشاركات
    7,515
    صفحة الفيس بوك
    صفحة الفيسبوك لـ محمد أحمد إسماعيل

    رد: قصيدة جحا للشاعر هشام الجخ

    هي فعلا من تأليفه فهذا الشاب الذي استضافه العاشرة مساءا هو الشاعر شام الجخ
    وهو من اروع شعراء العامية حاليا
    ويمكنك زيارة صفحته على الفيس بوك لمزيد من القراءة

    قصيدة جحا للشاعر هشام الجخ المشاركة الأصلية كتبت بواسطة محمد على منصور #post78434" rel="nofollow">قصيدة جحا للشاعر هشام الجخ
    جميلة اقوووووووووووووووووى القصيدة دى أنا سمعتها قبل كده فى برنامج العاشرة مساء لشاب صعيدى كان بيقولها وكنت مبسوط بيه قوى.. بس كنت فاكرها من تأليفه..
    شكراً لك..
    استشارات :
    - الهياكل التنظيمية
    - الوصف الوظيفي
    - اللوائح الداخلية للموارد البشرية
    https://www.facebook.com/Arab.HRM
    https://twitter.com/edara_arabia

موضوعات ذات علاقة
مسامير جحا
ملكة بريطانيا لغت حفل عيد ميلادها مراعاة لشعور شعبها اللي بيعاني من أزمة أقتصادية.. أكيد دي لو في مصر كانت زمانها انتحرت يبدو ان إقالة إبراهيم عيسى هي اولى... (مشاركات: 3)

شكر خاص للأخ هشام ريان
أود أن أتقد بالشكر للأخ هشام ريان على إقتباسة توقيعى الخاص وجعله توقيعاً له وهذا شيئ أسعدنى كثيراً وأعتبره بداية لصداقة بيننا ولكن لى تعلق بسيط وهو أنى... (مشاركات: 7)

قصيدة عن الأم
اقرءوا معي ما كتبه هذا الشاب متهور تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذي... أبكت من لا يبكي يواسيني وانا الميت... (مشاركات: 0)

رد على استفسار العضو هشام الزهراني
السلام عليكم ورحمة الله وبركاته اعضاء المنتددى الكرام وصلني الاستفسار التالي من الاستاذ هشام الزهراني من اعضاء المنتدى النشطين ورغبة في أن تعم الفائدة... (مشاركات: 1)

أحمق من جحا
أحمق من جحا هو رجل من فزارة. وكان يكنى أبا الغصن. فمن حمقه أن عيسى بن موسى الهاشمي مر به وهو يحفر بظهر الكوفة موضعاً فقال له: مالك يا أبا الغصن؟ قال: إني قد... (مشاركات: 0)

أحدث المرفقات