أحمد بيصلي الفجر في جماعة٭
أستغفـر الله العظيـم
ا◄◄استووا..
اعتدلوا.. استقيموا يرحمكم الله
ا◄◄ الله أكبر
_______________
أحمد
ركز بأه في الصلاة وبلاش تسرح
طيب خلاص
إمممم.. هو
الراجل اللي جنبي ده صوابع رجليه عاملة كده ليه؟ صباعه الكبير ده كبير أوي
بمناسبة
الصوابع هي صوابع زينب دي اللي هيا إيه؟ بيتهيألي دي اللي عاملة زي
الزلابية
زلابية؟؟... زلابية إيه بس وبتاع إيه
ا◄◄
الله أكبر
____________
أحمد ركز يا أحمد.. طيب ما أنا مركز
أهوه
مركز إيه طيب إنت قريت سورة إيه؟
أنا قريت
سورة اللهب شفت بأه أنا مركز إزاي؟
لألأ دي كانت سورة الفيل
ا◄◄
سمع الله لمن حمده
____________________
ربنا ولك الحمد
أنا جعت.. بس مش عارف أفطر إيه النهاردة؟؟
آه المطعم
الجديد اللي كانوا بيتكلموا عنه إمبارح، بيقولوا عليه أكله حلو
بس
هو في شارع إيه؟؟ لما أخلّص الصلاة أتصل بالتليفون أعرف العنوان
ا◄◄
الله اكبر
____________
هيا الساعة كام دلوقتي؟؟ .. زمانها خمسة
ونص
على فكرة هيا الساعة التانية الجلد كنت حطيتها فين؟؟
آه..
ياإما في الدرج ياإما في الدولاب
دولاب ايه بس يا أحمد ركز
ياأحمد إنت بتصلي.. أستغفر الله
ا◄◄ الله اكبر
___________
أهوه
أنا مركز أهوه
إنظر لمكان السجود وركز في الأيات اللي بيقولها
الإمام
ا◄◄ الله اكبر
____________
الشيطان
ده أعوذ بالله بيخلي الواحد يسرح
مش هو الشيطان بيتسلسل في
رمضان
يعني بيتسلسل تلاتين يوم
أيوه بس هو رمضان
ده تسعة وعشرين ولا تلاتين؟ هو إبتدى إمتى؟
تعالى نحسبها كده..
هو كان يوم السبت في السعودية وفي مصر الأحد غريبة أوي الحكاية؟
طيب
لو واحد على الحدود ورجل بره ورجل جوه يصوم ولامايصومش؟؟
أحمد..
شفت أهوه إنت رجعت تسرح تاني
ا◄◄ الله أكبر
___________
هو
إحنا في الركعة الكام؟ يعني هانقوم ولا هانقرأ التشهد؟
لا دي
التانية
طيب أقولك إتأخر شوية وشوف الي جنبك هايقوم يقف ولا
يقعد يقرأ التشهد
ا◄◄ لله أكبر
_________
أيوه
دي الركعة التانية، شفت بأه عشان سعادتك عمال تسرح
لأ خلاص
أعوذ بالله من الشيطان الرجيم
ا◄◄ الله أكبر
__________
السجادة
دي مريحة ولونها حلو .. هيا سجادة ولا موكيت ؟؟ لاموكيت بنسيج السجاد
آه
على فكرة إبقى إفتكر تكنس السجادة اللي في البيت بالمكنسة
بس
لازم أنضف كيس المكنسة عشان بقالي مده مانضفتوش
ا◄◄
الله أكبر
___________
الراجل اللي جنبي ده، رجليه بتزق في
رجلي، طيب أحرك رجلي شوية
الله ده بيلزقها فيا تاني ..أستغفر
الله
ا◄◄الله أكبر
__________
فيه صوت
موبايل، الناس دي ليه مش بتقفل الموبايل ساعة الصلاة.. مش عارفين ان ممكن
ده يخلي الواحد مايركزش في الصلاة مع إن فيه يافطة محطوطة على الباب مكتوب
عليها إغلق الجوال من فضلك وعليها صورة موبايل عليه علامة إكس
بس
هو الموبايل ده كان نوعه إيه؟
بيتهيألي سيمنس.. هيا إيه الرنة
دي؟؟
آه أنا عايز أبقى أغير الرنة
فاكر الموضوع
اللي كتبته عن رنات الموبايل
ا◄◄الله أكبر
_________
الراجل
اللي جنبي ده عمال يتحرك كتير
أستغفر الله مافيش خشوع خالص،
أنا أهوه مش بتحرك
ا◄◄السلام عليكم ورحمة الله
_______________________
ا◄◄السلام
عليكم ورحمة الله
_________________________
إيه هيا الصلاة
خلصت ؟
السلام عليكم ورحمة الله
السلام عليكم ورحمة
الله
أستغفر الله العظيم
=========================
هذا
ما يفكر به أحمد ... فبماذا تفكر أنت ؟
قال تعالى( قدأفلح المؤمنون *الذين هم في صلاتهم خاشعون)
قال صلى الله عليه وسلم
فإذا صليتم فلا تلتفتوا، فإنّ الله ينصب وجهه لوجه عبده في الصلاة ما لم يتلفت "
إن العبد إذا قام إلى الصلاة فإنه بين عيني الرحمن،
فإذا التفت، قال له الرب: يا ابن آدم إلى من تلتفت إلى خير لك مني؟
ابن آدم أقبل على صلاتك فأنا خير لك ممن تلتفت إليه.