الموضوع: عرض خاص الحق قبل نفاذ الكمية اشترى أب وأم جداد وخد عليهم أخ أو أخت هدية العرض سارى حتى نفاذ الكمية
عرض خاص الحق قبل نفاذ الكمية اشترى أب وأم جداد وخد عليهم أخ أو أخت هدية العرض سارى حتى نفاذ الكمية
بابا مضايقك؟ ماما مزعلاكي؟ خلاص من النهارده كل الكلام ده هيتغير، عرض خاص جداً ولمدة محدودة من شركة (فاميلكو) دلوقتي تقدر تختار أهلك علي مزاجك، إيه مش مصدق؟ لأ بجد لازم تصدق، دلوقتي تقدر تبعت لنا كل المواصفات اللي نفسك تشوفها في والدك أو والدتك وبعد أسبوع يتم التبديل، ولو طلبت تغيير الإتنين هتاخد عليهم أخ أو أخت هدية من اختيارك، يللا مستني إيه قوم بسرعة اتصل على .....0900"
هااااه... إيه رأيك؟ أكيد بكره هنلاقي كتير واقفين في طوابير مستنيين دورهم عشان يحجزوا، تفتكر العرض ده لو كان بجد كنت قدمت؟أنا متأكد إن ناس كتير قوي ممكن يجاوبوا بلأ بس لو كان قدامهم الفرصة دي كانوا هيقدموا وهيحاولوا على قد ما يقدروا إنهم يغيروا أهلهم.
طيب إيه رأيك بقي إن العرض ده فعلاً موجود، ومش بس موجود ده موجود من غير حجز ولا غيره، والشركة مقرها الرئيسي عنوانه هو عقلك.
لأ ما تفهمنيش غلط إحنا هنا مش هنتناقش ولا هنحكى في كلام سمعته قبل كده كتير، الموضوع إني جاىة أبيع لك منتج ومش عاوزة منك غير خمس دقايق... بس قبل ما أبتدى أحكي لك عن المنتج، لازم الأول نتفق إنك هتدينى فرصة وتجرب المنتج بتاعي وما تحكمش عليه من غير ما تجربه، موافق؟
السكوت علامة الرضاالموضوع بكل بساطة بيتقسم لـ 3 أجزاء:الجزء الأول، وهو تحب أهلك الجداد يبقوا عاملين أزاي؟الجزء التاني، طريقة التبديل .الجزء التالت و الأخير، هو ميعاد الاستلام و الصيانة.نبتدي بالجزء الأول وهو إجابة للسؤال؛ إيه هي المواصفات اللي نفسك تبقى موجودة في باباك و مامتك؟ دي يا سيدي
قايمة بالمواصفات اللي ممكن تتوفر فيهم :1.يكونوا بيحبوك2.لما تحتاجهم دايماً تلاقيهم3.لا يقولوا لك رايح فين و لا جاى منين4.يعملوا لك كل اللي إنت نفسك فيه5.يبقوا بيخافوا عليك6.ما يتدخلوش في حياتك و لا قراراتك7.يدولك حرية كاملة في المواضيع اللي تتكلم فيها معاهم أو قدامهم8.يحترموا وجودك و ما يستهتروش بأفكارك
أعتقد دول أهم الحاجات اللي تحب تكون في باباك ومامتك
طيب الجزء التاني وهو إزاي إحنا هنبدل أهلك ونديلك عيلة جديدة علي مزاجك. الموضوع سهل وبسيط جداً، دلوقتي لو بصينا علي الحاجات اللي نفسك تبقى موجودة في باباك ومامتك هنلاقي مثلا:
إن موضوع إنهم يكونوا بيحبوك دي سهلة جداً لأنها أصلاً كانت موجودة عند باباك ومامتك القدام.
سيبك من دي لو شفنا حكاية إنك لو احتجت لهم هتلاقيهم، طيب ما برده دي موجودة عند القدام، لأ.... صدقني موجودة، طيب إزاي إنت قاعد دلوقتي على النت عارف تقرا المكتوب، لما احتجت إنهم يأكلوك ويشربوك ويعلموك ويفهموك ويدولك حاجة تخليك قادر تعرف عن أي حاجة في أي حتة،
طيب مش ممكن تكون إنت السبب إنهم في الحاجات التانية الصغيرة دي مش واقفين جانبك؟ رحت حكيت لهم عن مشكلتك؟ طيب وأنت رايح تحكى بصيت ولو ثانية هو أو هي كانوا عاملين إزاي؟ متضايقين ولا متعصبين؟ أو يمكن عندهم شغل كتير فعشان كده ما ردوش عليك؟ جربت تروح لهم مرة تانية؟
وحكاية إنك عاوزهم يخافوا عليك وفي نفس الوقت ما يسألوش فيك، طب دي نعملها إزاي دي؟ ما هو معنى إنهم يخافوا عليك إنهم لو إتأخرت يكلموك يطمنوا عليك، مش لازم يعنى يكون معناه تصغيرك قدام صحابك.
طيب فاضل ايه ؟
فاضل حكاية إنهم ما يتدخلوش في حياتك ولا قراراتك، وفي نفس الوقت يسمعوك ويحترموا كلامك وأفكارك، لما إنت عاوزهم يا أخي يسمعوك ويحترموا أفكارك، طيب ما تقول لهم إنت بتفكر أزاي في حياتك ومستقبلك. مرة إنت تقنعهم ومرة هما يقنعوك، وفي نفس الوقت هما كمان ثقتهم فيك هتزيد قوى والمواضيع اللي ممكن تتكلموا فيها هتزيد جداً فتبقوا أهل وكمان أصحاب وحبايب.
أما موضوع يعملوا لك كل اللي نفسك فيه أكيد من حقك إنك يبقى ليك طلبات وواجب عليهم إنهم يعملوها لك بس برضه ما تنساش وأنت بتطلب النهارده أحسن جزمة وأحسن موبايل إنك بتاخد من رصيد بكره اللي هتطلب بيه أحسن عربية وأحلى شقة، وما تنساش والدك ووالدتك جت لهم الفلوس إزاي، هي تقريباً بالظبط شبه إزاي إنت بتنجح في الامتحانات، أيام و ليالي طويلة كلها مذاكرة و تعب، تحس بإيه إنت لما تعبك ده تلاقيه مرمى في الزبالة ولا مُهمل كده في أي حتة ولا حد مقدر إنت تعبت قد إيه
على فكرة ، أنا مش عاوزاك تفتكر إني معاهم ضدك... لأ ... أنا لا معاهم ضدك ولا أنا معاك ضدهم، أصلها مش حرب، أكيد برضه هما فيهم عيوب.
بص إحنا بنتكلم بصراحة برا بقى موضوع المنتج بتاعي ده، إنت عارف ليه أنا مش عارفة أقول لهم عيوبهم؟ عشان أنا ما عنديش حتة أكتب لهم فيها،... طب إيه رأيك بدل ما تقعد تستني لحد لما حد يقول لهم على لسانك إيه العيوب اللي بسببها عاوز تغيرهم روح إنت إعمل كده، وورينا بقى يا عم مهارتك في الإقناع وإزاي هتعرف تقول رأيك بصراحة من غير ما يبقى كلامك بيضايقهم أو يستفزهم.
بلاش إعمل إعلان زى بتاعي ده ليهم وقول لهم لو كان في عرض إنكم تغيروني هتشتروا العرض ده؟ وقول لهم إنك اشتريت من عندي أوعى توديهم لشركة تانية
خدمات ما بعد البيع
جينا بقى يا سيدي لآخر جزء، بتاع ميعاد التسليم والصيانة، الميعاد ده هيبقى في نفس اللحظة اللي إنت رحت تكلمهم فيها و تفتح معاهم صفحة جديدة وتبتدى تبيع لهم العرض زي ما اتفقنا، أما الصيانة بقى فا دي عكس أي جهاز تانى، الصيانة في أول شهرين مهمة جداً،يعنى لازم تروح تكلمهم في أي حاجة في الفترة الأولانية دي، كلم والدك في الكورة، كلمي والدتك في الموضة، أقعدي مع والدك ساعة في اليوم وأسمعوا أى حاجه تعجبكم أقعد مع والدتك ساعة في اليوم تقول لها إزاي إن كل الستات الوقت بيكبرهم وهى الوقت بيصغرها، وصدقني كل ما تقلل الحواجز اللي بينك وبينهم من ناحيتك هيحصل نفس الموضوع من ناحيتهم.
على فكرة "البضاعة المباعة لا ترد ولا تستبدل"...
للفاشل صفتان، لا يسمع سوى نفسه، ولا يسمعه أحداً سواه
منقووووول
تعتبر الأساليب الكمية أحد الأدوات المستخدمة في تقييم البدائل في صنع القرارات وكذلك تحليل السياسات وسوف ننناقش هذه العبارة من خلال التطرق إلى مختلف الأساليب الكمية المستخدمة في هذا المجال مع طرح بعض... (مشاركات: 14)
Almjd Quality & HR Developmen المجد للجودة و تطوير الموارد البشرية
www.almjd-hr.com: الموقع الالكتروني
hussein@almjd-hr.com : البريد الالكتروني
: البريد الالكتروني :almjdhra@yahoo.com... (مشاركات: 3)
Almjd Quality & HR Developmen المجد للجودة و تطوير الموارد البشرية
www.almjd-hr.com: الموقع الالكتروني
hussein@almjd-hr.com : البريد الالكتروني
: البريد الالكتروني :almjdhra@yahoo.com... (مشاركات: 2)
معايير المحاسبة الدولية هي مجموعة من المبادئ والإجراءات المتفق عليها دوليًا والمتعلقة بالطريقة التي تعرض بها الشركات حساباتها، يطلب المستثمرون بيانات مالية معدة باستخدام معايير المحاسبية الدولية، تم تكوين لجنة معايير المحاسبة الدولية عام 1973 وتتكون من ممثلى الهيئات المحاسبية فى العالم. ويتولى إدارة لجنة معايير المحاسبة الدولية مجلس مكون من مندوبى ما يقرب من ثلاثة عشر دولة بالاضافة الى بعض المنظمات التى لديها إهتمامات فى إعداد التقارير المالية، وقد تم تصميم هذا البرنامج التدريبي بهدف تعريف المشاركين بمفاهيم وأسس اعداد القوائم المالية وفقا لمعايير المحاسبة الدولية وتزويدهم بطرق واساليب إدارة الربحية في اعداد القوائم المالية بما يتوافق مع معايير المحاسبة الدولية.
برنامج اعداد القادة هو برنامج تدريبي يساعدك على أن تطوّر أسلوبك في القيادة وتكتسب المهارات اللازمة لإتقان فن القيادة والإدارة بنجاح مثل تحفيز الاخرين وإلهامهم وتوجيههم، تعلم كيف تصبح قائداً مميزاً لفريقك أو لأبناءك أو لموظفيك من خلال تطبيق عدد من المهارات والطرق الناجحة التي يستخدمها افضل القادة في العالم.
يهدف هذا الدبلوم التدريبي إلى تنمية مهارات المشاركين بالأسس الحديثة لعلم الاقتصاد والاقتصاد الصحي والتأمين الصحي بالمنشآت الصحية والمستشفيات وشركات الرعاية الصحية والتأمين الصحي الاجتماعي والخاص
برنامج تدريبي مكثف يركز على ادارة وتخطيط الطلب على المنتجات والخدمات، ويتناول انواع الطلب وكيفية التنبؤ بالطلب وطرق التنبؤ بالطلب وتطبيقات التنبؤ وتخطيط سلاسل الامداد وعلاقته بالتنبؤ بالطلب وتحديد موعد إعادة الطلب وتحديد المستويات الثلاث للمخزون واستخدام الاكسيل لتحديد المستويات الثلاث – تطبيق عملي
برنامج تدريبي متخصص في تطوير الاعمال يهدف الى زيادة المعرفة المتخصصة في مجال تطوير الاعمال لدى المشاركين واكسابهم مهارات تطوير الاعمال والتعرف على أدوار ومسئوليات مدير تطوير الأعمال وتمكينهم من وضع خطة تطوير الاعمال ومتابعة تنفيذها