الموضوع: جاهز ل؟؟؟؟؟؟؟؟؟؟؟؟؟؟؟؟؟؟
جاهز ل؟؟؟؟؟؟؟؟؟؟؟؟؟؟؟؟؟؟
انا خــــايفة
ده مش مجرد عنوان يشدكم
لا بجد انا خايفة جدا
...
ومين فينا مش خايف!!
مين مش خايف على نفسه وعلى اهله؟؟
مين مش خايف من بكره واللى ممكن يحصل فيه؟؟
مين مش خايف يفقد اعز واحب الناس ليه؟؟
مين مش خايف يضيع عمره فى الفشل؟؟
...اكيد كل واحد فينا خايف من حاجه...
طيب هسأل سؤال تانى مالوش علاقه بالاول بس استحملونى
ايه اللى شاغل بالك؟؟
*عاوز تأمن مستقبلك ومستقبل اولادك.
*عاوز تكون انسان ناجح فى حياتك وفى شغلك.
*عاوز تكون صاحب سلطه ونفوذ الاهم طبعا صاحب مال.
*عاوز تبنى بيت واتنين وعشره.
*عاوز...عاوز...عاوز...محدش فينا هيقول خلاص كفايه.
يعنى خايف من او على
ومشغول وسط الدنيا
وعاوز كل حاجه
طيب فى وسط ده كله فكرت للحظه
ان المفروض تخاف على نفسك وبس
اه خاف على نفسك وبس
مين هيقول دى انانيه
ايوا بالظبط كده دى انانيه
وانا بطالب بالانانيه
....يوم لاتنفع فيه مال ولا بنون...
فاكرين سؤالى الاول
طيب مين فينا مش خايف من....
.....المـــــــــــوت.....
بس الخوف من الموت بيختلف من انسان عن التانى
يعنى هتخاف تموت علشان حياتك واولادك وفلوسك
ولا هتخاف علشان هتتحاسب على كل صغيره وكبيره !!
طيب اعتقد لحد دلوقتى الاسئله اللى بسألها طبيعيه ومنطقيه كلنا خايفين نموت ...
طيب السؤال اللى مش طبيعى بقى
جاهز تموت؟!!
انت جاهز تموت؟؟
سؤال غريب بس اتسألته هتجاوب تقول ايه؟؟
طيب جاهز تتحاسب؟؟
جاهز تدخل قبرك ويتقفل عليك وينصرف عنك الاهل والاحباب ...؟؟
جاهز لنعيم او لهلاك؟؟
جاهز تقف ادام ربنا وتاخد كتابك بيمينك او بشمالك؟؟
((اللهم يمن كتابنا ويسر حسابنا))
ها ... حد يرد عليا
عاوزه واحد بس يطلع يقولى اااااه انا جاهز للموت وجاهز للحساب كده بكل ثقه...
كتير ممكن يكونوا مش خايفين من الموت لانه قضاء ربنا والحمد لله كلنا مؤمنين بيه
ومسلمين لقضاء الله
بس حد جاهز فعلا!!
*بتصلى...بتصومى...بتزكى..اديت العمره والحج
...برااااافو عليكى....(طيب يالا جاهزه!!)
...طيب قبل ماتردى على سؤالى
اقرأى اللى جاى كده وبعده هسألك نفس السؤال
*قاعده النساء او الرجال مش فارقه كتير
بتحلى غير بسيره الناس؟؟
طيب بطلتى غيبه ونميمه علشان تبقى جاهزه للموت!!
* ♥♫♥♫♥* ♥♫♥♫♥* ♥♫♥♫♥
*صباح الخير ياحبيبتى ايه مش بشوفك ليه وحشانى موت
واول ماتسيبها تقول لصاحبتها يااااه دى بت خنيقه اوى وعلى قلبى زى السم
بطلتى نفاق علشان تبقى جاهزه للموت!!
* ♥♫♥♫♥* ♥♫♥♫♥* ♥♫♥♫♥
*شوفتى فلانه شايفه بيتها عامل ازاى
ولا جوزها انا عارفه بيحبها على ايه
صحيح ناس ليهم بخت...
بطلتى غيره وحسد علشان تبقى جاهزه للموت!!
* ♥♫♥♫♥* ♥♫♥♫♥* ♥♫♥♫♥
*بقولك ياماما انا هنزل اروح ل سمر
علشان عيانه اوى ولازم اطمن عليها
الو ايوا ياسمر اوعى تتصلى فى البيت انا قايلالهم انى عندك وانك تعبانه علشان لو ماما سألتك.....
بطلتى تخونى الامانه علشان تبقى جاهزه للموت!!
* ♥♫♥♫♥* ♥♫♥♫♥* ♥♫♥♫♥
*مبقاش الا دى اللى تسووها بيا
ازاى يعنى تترقى وانا اقدم منها وخبره عنها
ياأنا ياهى فى الشغل ده...
بطلتى غرور وتكبر علشان تبقى جاهزه للموت!!
* ♥♫♥♫♥* ♥♫♥♫♥* ♥♫♥♫♥
*يوووه بقولك ايه انا جايه من الشغل تعبانه ومش ناقصاك..
بطلتى تعصى جوزك علشان تبقى جاهزه للموت!!
* ♥♫♥♫♥* ♥♫♥♫♥* ♥♫♥♫♥
*انتى مجيتيش ليه امبارح يابنتى استنيتك كتير
معلش يامنى اصلى كنت تعبانه ومقدرتش انزل معاكى..وهى اصلا كانت خارجه مع واحده تانيه
طيب بطلتى تكدبى علشان تبقى جاهزه للموت!!
* ♥♫♥♫♥* ♥♫♥♫♥* ♥♫♥♫♥
*اووووف بقى ياماما هو مفيش غيرى انا فى البيت
ماعندك كلهم قاعدين اهم ماليش دعوه بقى
بطلتى تعصى ابوكى وامك علشان تبقى جاهزه للموت!!
* ♥♫♥♫♥* ♥♫♥♫♥* ♥♫♥♫♥
*مش فاطمه زعلانه منى ومخصمانى ماتصالحينى عليها..
تصالحيها ايه يابنتى بطلى الهبل ده سبيها تخبط راسها فى الحيطه
بقى تبقى هى الغلطانه وانتى اللى تروحى تصالحيها كده ميبقاش عندك شخصيه...
بطلتى توقعى بين المسلمين علشان تبقى جاهزه للموت!!
* ♥♫♥♫♥* ♥♫♥♫♥* ♥♫♥♫♥
*ايه يابنتى ده لبسك ضيق اوووى
وايه المهرجان اللى فى وشك ده
يوه ياماما ماكل البنات كده اشمعنى انا
انتم هتعقدونى انا لسه صغيره
(اصل الموت بيفرق بين صغير وكبير)
بطلتى تقتدى بالاسوأ علشان تبقى جاهزه للموت!!
* ♥♫♥♫♥* ♥♫♥♫♥* ♥♫♥♫♥
الامثله كتيييييييير ولو قعدنا نعدها مش هتخلص
حاجات كتير فى يومنا بنعملها واتعودنا عليها
وبقت بالنسبه لينا عادى جدا مفيهاش اى حاجه
ومتنسيش بعد الامثله دى كلها وبعد كل الكلام ده
اللى ممكن اوى يدخل من هنا ويطلع من هنا
ان فى حاجه اسمها رد المظالم
اى واحده اغتابتيها
اى واحده ظلمتيها
اى واحده خوضتى فى عرضها
اى واحده ضحكتى عليها
كل ده موجود ومكتوب عند ربنا وحسابك فى الدنيا والاخره عسير
هسألك بقى سؤال اخير بس تجاوبى بصراحه
ولو حتى بينك وبين نفسك ومتكدبيش على نفسك
لو مثلا عرفتى انك هتموتى وانك هتدخلى الجنه وتتمتعى بنعيمها ان شاء الله
بس فى شرط واحد بس
قبل ماتموتى لازم تروحى لكل واحده اغتبتيها
تقوليلها انا قولت عليكى كذا وكذا وسامحينى
تفتكرى هتقدرى...مش هتتكسفى من نفسك...مش هتندمى..
طيب مكسوفه تروحى تقوليلها يبقى بتتكلمى عليها من الاول ليه اصلا ومكسوفه منها
ومش مكسوفه من ربنا اللى خلقك...
على العموم فى فرصة تقدرى تدعيلها كتير وربنا بيسامح
الموضوع ده اظن محتاج وقفه جامده مع النفس واعاده تفكير وتغيير السواد اللى فى القلوب
* ♥♫♥♫♥* ♥♫♥♫♥* ♥♫♥♫♥
طبعا كلنا بنغلط بس بتفرق امتى ؟
بتفرق من اللى بيعرف غلطه وبيصلحه
واللى مش مقتنع انه غلط اصلا
* ♥♫♥♫♥* ♥♫♥♫♥* ♥♫♥♫♥
مش معنى انى بصلى وبصوم وبزكى و...و...و..
يبقى انا كده تمام صحيح انا احسن من غيرى كتير
لسه مبدؤش ..لسه مبيصلوش..لسه محتاجين صدمه تفوقهم...
والمشكله انهم عارفين ان الصلاه عماد الدين من تركها ترك الدين
وبيسيبوها للاسف الناس دى بقولهم بجد فوقوا
مفيش احلى من القرب من ربنا
جربى كده وهتشوفى الفرق فى حياتك وفى اولادك وفى زوجك اللى معاكى او لسه ربنا هيرزقك بيه
وانا معاكى وجانبك هساعدك وهساندك وهنصلى
وهنتغير للاحسن وهنلغى اى سلوك وحش من حياتنا
اى سلوك نهانا عنه ربنا اللى بيحبنا
واللى مفيش حد فى دنيتك دى
حتى ابوكى وامك هيخاف عليكى
وهيبقى حنين عليكى وهيحبك تقربيله
وهيفرح برجوعك له الا ربنا احسن من الخلق اجمعين ..
وقفى شيطانك وابدئى
اوعى تتردى يمكن نيتك للتغيير دى تشفعلك عند ربنا لو قبض روحك دلوقتى.
*دعوه لغلب الشيطان.
*دعوه للقرب من ربنا.
*دعوه لتحسين الاخلاق.
*دعوه من قلب صادق بيحبكم
عايز ربنا يظلنا يوم لاظل الا ظله وينادى علينا اين المتحابون فى جلالى
نرد ونقول احنا يارب اجتمعنا على طاعتك فى الدنيا
فيجمعنا فى جنته وينعمنا بها فى الاخره
!!...جاهزه تموتى...!!
انــا مــســلــم | انا خــــايف
مسلمون على الطريق الصحيح
بسم الله الرحمن الرحيم
الحمد لله رب العالمين والصلاة والسلام على نبينا محمد الصادق الامين.
وبعد ...
بفضلاً من الله قمت بعمل بحث تخرج عن اهمية الموارد البشرية في المنشآت واليكم الرابط... (مشاركات: 22)
البرنامج جاهز اريد المساعدة من المشرفين لرفع البرنامج من الجهاز الى المنتدى وبسرعة (مشاركات: 5)
السلام عليكم ورحمة الله وبركاته
مرفق نموذج جاهز للتقييم لاعادة هيكلة الرواتب
اتنمى تستفيدوا منه (مشاركات: 2)
تعلم الاساليب الاحترافية في اشهار المواقع واجعل موقعك يظهر في الصفحة الاولى في جوجل، كورس تدريبي يساعدك على تعلم احدث آليات تحسين ترتيب المواقع في محركات البحث الشهيرة
برنامج متخصص في ادارة المخاطر في المؤسسات الرياضية يغطي الموضوعات الهامة التي تهم العاملين في هذا المجال وكذلك الراغبين في العمل في مجال ادارة المخاطر في المؤسسات الرياضية مثل المفاهيم العامة ادارة المخاطر بالمؤسسات الرياضية وأنواع ومجالات المخاطر بالمؤسسات الرياضية وخطة ادارة المخاطر بالمؤسسات الرياضية وادارة المخاطر بالمشاريع الاستثمارية بالمؤسسات الرياضية والتأمين على الرياضيين بالمؤسسات الرياضية من المخاطر الرياضية وادارة المخاطر المالية بالمؤسسات الرياضية وادارة المخاطر الانشائية والسلامة المهنية بالمؤسسات الرياضية وأليات ادارة وتنفيذ المخاطر المؤسسية بالمؤسسات الرياضية وتطبيقات وممارسات عملية فى مشاريع معدة للمؤسسات الرياضية
أول برنامج تدريبي متخصص في شرح الاساليب الحديثة في تخطيط وتطوير الانتاج يتناول بالشرح مودل SIPOC وادوات توقع حجم الطلب وادوات التخطيط الزمني للانتاج وتخطيط الاحتياجات للمواد والمكونات وادوات الانتاج الرشيق وطرق تطبيقها واهم مؤشرات قياس الاداء والكفاءة لادارة الانتاج و ضبط العمليات الإنتاجية SPC وتحليل مقدرة العمليات والماكينات Machine & Process Capability
جلسات إرشادية تساعدك على تعلم فن ادارة الغضب وكيفية التحكم في الغضب حيث ستفهم الاسباب النفسية للغضب وكيفية التعامل معه وتقليل اثاره وكيفية التعبير عن المشاعر والاحتياجات والتواصل الرحيم مع النفس والاخرين وكيف نتصرف مع الشخص الغاضب وكيف اعيش حياتي بدون غضب والسلوكيات الممنوعة والغير مفيدة اثناء الغضب، وكيفية استخدام تقنيات التأمل الاسترخائي للتعامل مع حالات الغضب والسيطرة عليها.
برنامج يهتم بتسليط الضوء على مرحلة تنفيذ الاستراتيجيات يتناول مقدمة عن إدارة الاستراتيجية وقيادة الأعمال فى ظل المتغيرات العالمية وصياغة وتحديد الاستراتيجية والأسئلة الاستراتيجية الكبرى ثم ورشة عمل ثم ينتقل الى مخطط نموذج العمل التجارى وتنفيذ الاستراتيجية وبطاقة الأداء المتوازن BSC ونموذج الأهداف الاستراتيجية – المستهدفات – الاستراتيجية – القياس (OGSM) ونموذج رسم أنشطة نموذج الأعمال لتقييم الموارد البشرية (BAMM) وقياس أداء المؤسسات وآلية اختيار مؤشرات الأداء الرئيسية KPIs وبنك مؤشرات الأداء الرئيسية ومعايير اختيار لوحة قيادة الأهداف Dashboard وأنواع لوحات القيادة وإدارة التغيير وسلوك الأفراد تجاه التغيير وموذج التغيير (الخطوات الثمانية) جون كوتر ونموذج تغيير الأفراد وأنماط القيادة وتاثير نمط القيادة على بيئة العمل والأفراد وأنواع القيادة السلبية والنمط الشخصى للمرؤوس المثالى وأسلوب القيادة – الكوتشينج ونموذج الكوتشينج - G.R.O.W.