"
حوار مع مواطن مصري خفيف الظل

# يقال إن 87%من الشعب المصرى ساخطون على الحكومة المصرية - ما تعليقك؟

- الـ13% الباقيين أكيد معاهم جنسيات أخرى.

***********************
# هل لك أقارب استشهدوا فى الحرب؟

-لأ.. عندى أقارب استشهدوا فى السلام.. "العّبارة السلام 98" طبعاً.

***********************
# ما وجه الشبه بين السد العالى وأمن الدولــة؟

- الإثنان مصدر "للكهرباء"!!!

***********************
# لماذا يطلق المصريون على زوجاتهم لقب "الحكومة"؟

- لصعوبة تغييرها مهما تسببت فى كوارث
ولكن الاسم تغير الان واصبح المرأه اسمها الثورة لكثرة مطالبها.

***********************
# أين يمكنك أن تلاحظ سوء نية المصريين؟

- عندما يغنون للطفل البريء اول ما يتولد بمنتهى الخبث قائلين.. "يا رب يا ربنا - تكبر وتبقى زينا حرام عليهم والله".

***********************
# إمتى بتحس إن البلد حلوة؟

- ما بأحسش إن بلدنا حلوة غير لما داليدا بتقول: "حلوة يا بلدى"...
بغض النظر إنها قالتها وانتحرت يعنى!!!
***********************
# ما الفرق الأهم بين مصر وأمريكا؟

- الفرق الأهم إن عائد السياحة من الهرم المزيف الموجود فى لاس فيجاس مائة ضعف عائد السياحة من الهرم الحقيقى فى الجيزة سبحانه.

***********************
# ما أهم قاعدة موجودة في مصر؟

- إن مفيش قاعدة لأى حاجة..
***********************
# بماذا ستجيب كمصرى عند سؤالك عن عمرك ضاع فى ايه بعد عمر طويل؟

- أفنيته فى إشارة ابو قير مستنيها تفتح، و ع البحر مستنيه يتحرك، وعلى كوبري قناه السويس مستنى لما رئيس الوزراء يروح بيته.
***********************
# من المستفيد من الزحام الذى يسيطر على شوارع مصر؟

- شركات المحمول.. كله واقف فى الإشارة ماسك الموبايل بيخلص شغل أو بيعتذر عن التأخير أو بيسلى نفسه على الأقل، وبالتالى تعتبر الإدارة العامة للمرور هى المستفيد الثانى من مخالفات استخدام المحمول أثناء القيادة.
***********************
غـــــلـــــطـــــش انـــــا ولا حااااااااجه يا ولاد بلدى؟!؟!؟!؟"