الموضوع: دعوة لعمل الخير

كلنا عارفين الازمة الاقتصادية واثرها على الناس اليومين دول
الحمد لله في كتير منا متماسك امام الازمة دى ومستورة معاه من عند ربنا
لكن في ناس للاسف وصلت لمرحلة لا يمكن تصورها مع البطالة المفاجئة لافراد الاسرة والغلاء الفاحش
ياترى الناس دي فكرنا فيها(على فكرة ممكن يكونوا ناس كانوا مستورين جدا)
طبعا كلنا بنتبرع لجمعيات وجوامع والذى منه- طبعا جميل جدا لان الجمعيات دي لها سكك هي اعلم بيها مننا-
لكن ياجماعة لازم ندور بنفسنا على الناس دي ونعطيهم اى شئ
-على فكرة الناس دى تموت من الجوع ولا انها تروح لجمعية او جامع اوتمد ايدها ابدا-
حتى لوانت استقليت المبلغ او الشئ اللي انت هاتعطيه للشخص ده ممكن مثلا تبعتهوله بالبريد اوحتى تضعه في باب بيته
اي حاجة المهم توصل الشئ ده بايدك
بيتهيألى الصحابة كلهم كانوا بيعملوا كدة رضوان الله عليهم جميعا
ياترى ايه الهدف؟
اولا ياسيدي هاتحس بحلاوة العطاء لما تجد بنفسك فرحة الناس دي واحساسهم ان حد فاكرهم
ثانيا وده الاهم طلب الرضا والرحمة والتقرب الى الله .اليست كل خطوة في سبيل الخير تأخذ عليها صدقة
ثالثا البعد عن شبهة الرياء لأن ماحدش هايعرف الحكاية دي غير ربنا عز وجل وحضرتك
رابعا مافيش رابعا جرب وادعى لكل المسلمين والمسلمات

الفكرة رائعة وأتمنى ان تكون حملة للخير قوم عليها جميع المسلمين وأذكركم ان اي نعمة الى زوال وضع نفسك مكان هؤلاء ألن تتمنى حينها ان يتذكرك الأخرون فتذكرهم قبل ان ينساك الجميع

فكرة حلوة ان شاء الله تكون فى ميزان حسناتك انت ومن يعمل بها