المشاركة الأصلية كتبت بواسطة ehabelshareef
يعني هو ده اللي حضرتك شايف انه بين مصر والسودان
لا يا صاحبي واخويا
لو عايز تعرف اللي بنا اسال اي حد من حلفا عندكم او اسوان من مصر
علي كل الحال اللي بين العرب حاجات كتير وروابط قويه مش محتاجه كلام
لانها موجوده وها تفضل موجوده بينا رضينا ام لم نرضى
ورغم انف حبيبي عز العرب واشقائي الجزائريين
اما بالنسبه لموضوع المباره واللي حصل قبل واثناء وبعد المباراه
فكل طرف شايف انه صاحب حق ومعتدي عليه من الطرف الاخر
انا كمصري شايف اني صاحب حق ولي حق كبير علي اخي الجزائري وما ينفعش اتنازل عنه
وشقيقي الجزائري شايف نفس الشيء
وكلنا خلاص فضينا او تخلصنا من شحنات الغضب اللي كانت جوانا
يفضل اننا نتصرف كأمه متحضره (أيوة متحضره ) ونختصم الي حكم بيننا وكل طرف يقدم ما لديه من ادله تثبت حقه
وعلي من يثبت عليه الخطأ في حق اخيه ان يرضيه بما يري
يا اخواني واضح ان فيه ايادي خفيه بتحرك وتشعل الفتنه بينا والمره دي مش لازم تكون من الخارج
هو طبعا مش غريب عن الصهاينه ومن شابههم لكن انا عايز اقول ان بعض من بالانظمه له مصلحه في اللي بيحصل
لو كلنا ركزنا شويه في احوالنا الداخليه اكيد هتعرفوا انا بقصد ايه ؟
وبعدين فين حكماء العرب والمسلمين بقي مليار مسلم مفيهمش راجل حكيم يجمع الاشقاء لتقريب وجهات النظر والعتاب الاخوي ؟؟؟؟؟؟؟؟؟؟؟؟؟؟؟
علي فكرة في شخصيات كتييييير تقدر تقوم بالدور ده وليهم في قلوب البلدين كثير الاحترام والحب فعليهم القيام بدورهم الان
واخص بالذكر شيخنا الجليل محمد حسان باركك الله في عمره وعلمه
ومن هذا المنتدي اتوجه الي فضيلته بهذا النداء بل الرجاء ان يتصدي لذلك الدور الذي لا اري افضل منه للقيام به علي خير وجه
اخواني الاعزاء
اعتذر عن الاطاله ولكن اعمل ايه ؟
ما انا عربي مسلم
قال عنا سيد الخلق صلوات الله وسلامه عليه
المسلم للمسلم كالجسد الواحد .. اذا اشتكى منه عضو تداعى له سائر الجسد بالسهر والحمى
وعن أبي هريرة رضي الله عنه قال : قال رسول الله صلى الله عليه وسلم
تعرض الأعمال في كل اثنين وخميس فيغفر الله لكل امرئ لا يشرك بالله شيئا ًإلا امرءاً كانت بينه وبين أخيه شحناء فيقول : اتركوا هذين حتى يصطلحا ) رواه مسلم .
وقال صلي الله عليه وسلم
لا يحل لمؤمن أن يهجر أخاه فوق ثلاث ليال ، يعرض هذا ويعرض هذا ،
وخيرهما الذي يبدأ بالسلام
صدقت سيدي وحبيبي يا رسول الله
ولذلك انا وكل المصريين في انتظار ان يبدأنا اخوتنا واشقاؤنا الجزائريين بالسلام
وسلام الله ورحمته وبركاته عليكم جميعا اخواني اعضاء المنتدي
وعذرا علي الاطاله