الموضوع: اجمل قصة ممكن تقراها عن ادارة الأزمات
اجمل قصة ممكن تقراها عن ادارة الأزمات
من 19 سنة شركة أمريكية اسمها Odwalla رائدة في صناعة العصير وصلت مبيعاتها وقتها 90 مليون دولار سنويا وكانت قدرت تعمل براند قوي وولاء العملاء ليها وصل لحد مذهل .. في الفترة دي وبالتحديد في اكتوبر 1996 كل حاجة اتغيرت .. مسئولي الصحة في واشنطون بلغوا الشركة دي انهم اكتشفوا علاقة بين حالات مرضية سببها بكتيريا سامة E. coli O157:H7 وبين عصير التفاح بتاعهم .. والكارثة تفاقمت لما طفلة ماتت و 60 مرضوا في أمريكا وكندا و20 قضية اترفعت على الشركة وهوووب المبيعات نزلت 90% والكل أدرك إن الشركة دي كده خلاص بالسلامة .. طبعا الشركة دي لو كانت مصرية كانت أنكرت ووكلت فريد الديب يطلعها من القصة دي في كلمة .. أو على الأقل كانت استسلمت وفلست وخرجت من السوق بالذوق .. لكن بص الحرفنة بقى ..
- أول ما الشركة أخطرت بالخبر حتى قبل تأكيده .. الرئيس التنفيذي أمر بسحب كامل لكل المنتجات من 4700 محل من 7 ولايات (بالرغم إن المشكلة في عصير التفاح بس) وفي خلال 48 ساعة كانت كل منتجاتهم مسحوبة من السوق وده كلفهم 6.5 مليون دولار كاستفتاح.
- الحاجة الأهم هي إن الشركة قررت تحمل المسئولية .. والرئيس التنفيذي خرج على كل وسائل الإعلام يعتذر ويعلن تحمل الشركة الكامل لأي مصاريف علاج لأي مرض تسببت فيه الشركة بالتوازي مع سحب جميع المنتجات من السوق وأكد بشدة على أهمية ثقة عملاءها اللي بيعتبروها رأس مالهم الحقيقي.
- الرئيس التنفيذي مش عاش مع نفسه وكتم تفاصيل الأزمة عن موظفينه زي الهطل السائد عندنا .. والموظفين الكبار ماقالوش للموظفين الصغيرين "اخوانا اللي فوق عارفين كل حاجة" ولا "الرئيس التنفيذي لله دره عنده معلومات لا تصلنا" .. لأ .. الرئيس التنفيذي كان بيجتمع يوميا مع الموظفين بتوعه بكل شفافية عشان يتيح للموظفين طرح الأسئلة والاقتراحات ويحدثهم بالمعلومات اللازمة.
- في خلال 24 ساعة الشركة أطلقت أول موقع الكتروني ليها (الكلام ده في 96) عشان يتواصلوا مع العملاء .. وعملت حملة دعاية في الصحافة والتلفزيون وكل الوسائل اللي تتيح لعملاءهم متابعة تطور الموقف يوم بيومه وبمعلومات دقيقة.
- الخطوة اللي بعد كده بقى هي إنهم ركزوا في مشكلة التلوث دي وعالجوها بتغيير سياستهم في التصنيع كليا بشكل يضمن القضاء على البكتريا دي.
- بعد شهر ونص تقريبا من الأزمة الشركة بقى عندها أقوى نظام مراقبة جودة وسلامة في صناعة العصير وقدروا في ديسمبر يرجعوا منتجاتهم السوق تاني.
- الشركة رفضت تسرّح أي موظف توصيل ووجهوهم للشغل على العلاقات العامة والتواصل مع العملاء .. وده كان موقف صايع منهم عشان مايفقدوش ولاء موظفيهم وكمان عشان سمعتهم ما تتهزش أكتر قدام عملاءهم.
- الشركة اتحكم عليها بغرامة مليون ونص دولار وده كان أكبر تغريم حصل في مجال صناعة الأغذية في أمريكا منها ربع مليون اتخصصوا لتمويل بحوث الوقاية من الأمراض المنقولة عن طريق الأغذية.
- الشركة خسرت في الليلة دي كلها حوالي 12 مليون دولار وبحسب ويكيبيديا دفعت 12 مليون دولار كمان لتسوية قضايا اللي اتصابوا.
- النتيجة ايه بقى ؟
سنة بعد الكارثة مبيعاتها رجعت زي الفل والشركة قدرت فعلا ترجع ولاء وثقة عملاءها بعد ما الكل توقع انها القاصمة اللي حتجيب ضرف الشركة ..
الشركة حصلت (بالانتخاب) على لقب "أفضل اسم تجاري في خليج سان فرانسيسكو" من مجلة سان فرانسيسكو
لدرجة إن أبو الطفلة اللي ماتت نفسه قال "أنا ماقدرش ألوم الشركة لأنهم فعلا عملوا كل اللي يقدروا يعملوه"!!!
ولحد وقتنا هذا الشركة باقية وتتمدد وبقى يتضرب بيها المثل كأنجح إدارة الأزمات وإن ازاي قدروا يتغلبوا على كارثة زي دي في وقت قصير زي ده بكل التزام وشفافية ووضوح مع عملاءها وموظفيها ..
وطبعا اللي خاض تجربة شراء منتج معيوب من متجر أمريكاني محترم يعرف كويس انهم بيعملوا عجين الفلاحة عشان الزبون يقبل الاعتذار ويقبل الفلوس ويقبل المنتج وعليه جاريتين هدية ...
كيفية ادارة خطط الطوارئ و الأزمات
تاريخ الســـلامة
تعريف حالة الطواريء
ما أهداف خطة الطوارئ ؟
ما الغرض من خطة الطوارئ ؟ (مشاركات: 5)
https://www.hrdiscussion.com/imgcache/11377.imgcachehttps://www.hrdiscussion.com/imgcache/11377.imgcachehttps://www.hrdiscussion.com/imgcache/11377.imgcache
بسم الله الرحمن الرحيم
احبتي في... (مشاركات: 0)
قراءة في كتاب ( ادارة الأزمات )
يمكن الرجوع للموضوع الأصل عبر الرابط التالي:... (مشاركات: 6)
Four Seasons, for seminars and conferences
الفصول الاربعه لتنظيم الندوات و المؤتمرات
البريد الالكتروني للفصول الاربعه لتنظيم الندوات و المؤتمرات:cs@almjd-hr.com
Fseasons10@yahoo.com:بريد... (مشاركات: 0)
السلام عليكم ورحمة الله
هل ممكن ممكن مساعدة في هذا الموضوع الشائك بنسبة لي ولو أفيدوني بإجابة على سؤال او إثنان
تقييم الأداء
تستخدم شركة تجارة المواد التموينية طريقة البحث الميداني في... (مشاركات: 5)
احصل الآن على شهادة دبلوم مدير الحسابات المعتمد CAM، والتي تهدف الى تزوديك بالمهارات المهنية اللازمة لشغل منصب مدير حسابات، حيث يتم التركيز في هذا البرنامج المتخصص على شرح الدورة المحاسبية بكل تفاصيلها والضرائب المطبقة في الشركات وتصميم دورة مستندية تتناسب مع نشاط الشركة، كما ستتعلم في هذا البرنامج كيفية تحليل القوائم المالية بشكل احترافي.
اذا كنت احد العاملين في مجال السلامة والصحة المهنية، وتعاني من فهم واستيعاب مصطلحات اللغة الانجليزية في هذا المجال، فإننا نقدم لك هذا البرنامج التدريبي لتعلم التحدث باللغة الانجليزية في مجال السلامة والصحة المهنية، ويهدف هذا البرنامج التدريبي لتنمية مهارة الاستماع الى المتحدث الاصلي للغة ومهارة النطق الصحيح كالمتحدث الاصلي للغة والالمام بمصطلحات السلامة والصحة المهنية واحتراف كتابة التقارير باللغة الانجليزية
أقوى شهادة دبلوم تدريبي في مجال المحاسبة، حيث يساعدك الحضور في هذا الكورس للتعرف على المفاهيم المحاسبية مثل المبادئ والفروض المحاسبية المتعارف عليها كمبدأ الاستحقاق والاساس النقدي ومقابلة الايرادات بالنفقات ومبدأ الحيطة والحذر وغيرها ويشرح الدورة المحاسبية بكل تفاصيلها مثل القيد المزدوج وحساب الاستاذ وميزان المراجعة والقوائم المالية ثم يتناول اعداد القوائم المالية للشركات مثل قائمة المركز المالي وقائمة الدخل وقائمة التغير في حقوق الملكية ثم ينتقل الى شرح أهم الضرائب كضريبة القيمة المضافة وضريبة الخصم من المنبع.
في هذا البرنامج يتعرف المشاركون على الطرق الحديثة في التخلص من النفايات الصلبة بأنواعها المنزلية والصناعية وإعادة تدويرها وكيفية الاستفادة من النفايات الصلبة وتجهيز المطامر الصحية للحصول على الغاز الطبيعي وكذلك مادة التورب المفيدة في الزراعة.
برنامج تدريبي يؤهل المشاركين للعمل في مجال صحافة البيانات من خلال التدريب العملي على جمع وتحليل البيانات ورصد العلاقات بينها وتحويل البيانات الى قصة صحفية معززة بالأدلة الرقمية وتقديمها للجمهور المستهدف بصورة صحفية شيقة.