الموضوع: صدق او لاتصدق: رحلة الى باريس بأقل من 5000 جنية
صدق او لاتصدق: رحلة الى باريس بأقل من 5000 جنية
حلم العمر لزيارة باريس و ديزني لاند بأقل من 5000 جنيه انت حتهزر ؟؟
لأ و الله حقيقي مش هزار , تصدق أن ممكن رحلة لباريس متكلفش أكتر من 5000 جنيه, شامله طيرانك و سكنك و رحلاتك و انتقالاتك و تزور كمان كل معالم باريس.
لو حبيت انك تختصر أوروبا في مدينه واحده , أعتقد مش حتلاقي أفضل من باريس مدينة السحر و الجمال و التاريخ ,زيارة باريس حلم لكل محب للسفر و الترحال , تجربة انك تشوف برج ايفل لأول مرة و تزور متحف اللوفر و تمشي في شارع الشانزليزيه و ترجع لطفولتك في ديزني لاند.
حلو أوي بس بردو ازاي كل ده يتم ب 5000 جنيه بس ؟
أسرار السفر الى باريس بأقل التكاليف :
حنتفق مبدئيا أن بما اننا طالعين رحلة بميزانيه محدودة , فحنستغنى عن شوية رفاهيات زي الفنادق الفخمة أو ركوب التكاسي و الأكل في مطاعم الخمس نجوم, و ممكن أوي بما أننا طالعين هدفنا الأساسي هو الفسحه فنسكن في هوستل و نركب متروهات و نمشي كتير طحن و أخرنا ناكل في ماكدونالدز
تذكرة السفر: طبعا و هي الجزء الأغلى في الرحلة , لك أن تعلم ان تذكرة السفر لباريس ممكن تشتريها بسعر لا يتجاوز 2400 جنيه على الخطوط الايطاليه ذهاب و عودة الى باريس.
السكن : طبعا زي ما تعودنا بما اننا شباب مافيش مانع نسكن في هوستل ( لو كنت لوحدك أو فردين ) انما لو كنتوا 4 افراد فالأحسن تاخدوا غرفة رباعيه و حيكون سعرها ممتاز لما تتقسم على أربعه . سعر السرير في هوستل معقول زي مثلا AIJ Paris لمدة 5 ليالي لا تزيد عن 900 جنيه و شامل الافطار كمان, ده موقعه كويس أوي لأنه قريب من المترو كمان.
طيب باريس مدينة كبيرة أوي و فيها معالم كتير جدا ازاي حقدر أدخل كل المعالم دي بالسعر ده ؟
أسعار المتاحف في باريس مش رخيصة , غير انك ممكن تقف في دور لمدة ساعتين علشان تحجز تذكرة بس , طيب ايه رأيك في كارت يدخلك حوالي 60 متحف و معلم سياحي في باريس لمدة 4 أيام و كل ده بمبلغ 500 جنيه فقط . ( ده طبعا لمحبين المتاحف و المزارات ) و نصيحه بما أنك في باريس متفوتش حاجه و ادخل كل حاجه , و لكن نظم برنامج رحلتك كويس . الكارت اسمه museum pass و ممكن تشتريه اون لاين من الموقع ده https://en.parismuseumpass.com/
بس أهم معالم اللي أنصحك ماتفوتهاش بالكارت ده : متحف اللوفر , قوس النصر , متحف اورساي , قصر فرساي , كنيسة نوتردام , البانثيون . سان شيبيل و طبعا فيه متاحف و معالم تانيه كتير بس دول أهمهم و تقدر تدخلهم اي عدد من المرات و بدون ما تقف في اي طوابير و مجانا بكارت museum pass , المتاحف في باريس أقل ما يقال عليها انها ابهااااار , من ساعة ما تدخل تبقى مش عارف تبص فين و لا فين , على الأرض و لا السقف و لا الحيطان و لا حتى الناس الماشيين , بس أحلى متحفين هما اللوفر طبعا و اورساي ( خلي بالك أغلب التماثيل عريانين ملط هههههه )
طيب ايه رأيك في جولة في كل باريس لمدة يوم كامل في باص سياحي و يخليك تمر على كل المعالم السياحية و تقدر تنزل و تطلع طول اليوم بنفس التذكرة , و كمان تاخد جولة نهريه في نهر السين علشان تتفرج على معالم باريس من النهر !؟ , بعد بحث طويل لاقيت أرخص سعر على الشركة دي https://www.foxity.com/ و سعر الباص طول اليوم و الرحلة النهرية ب 270 جنيه بس . و طبعا بردو تحجزها اون لاين , متنساش تتصور كتير فحت عند برج ايفل و عند كل معلم سياحي , لأن بجد صور الرحلة دي بتكون أحلى ذكريات في المستقبل
برج ايفل : لو حتطلع البرج فلازم تعرف ان البرج 3 أدوار , الدور الأول و التاني ممكن تطلعه على السلم و ده يكلفك 7 يورو و تحجزه أون لاين ( و الاختيار ده هو الأنسب و الأفضل لأحسن منظر من البرج , و أتعب نفسك شويه و أطلع على السلم ) و لو انت مش غاوي بهدله تقدر تطلعه في الاسانسير و يكلفك 11 يورو , و الدور التالت ( قمة البرج ) و ده بيتطلع بالاسانسير بسعر 17 يورو ( و للاسف دخول البرج غير مشمول في كارت المتاحف ) لكن نصيحه لو حتطلع قوس النصر ( مشمول في كارت المتاحف مجانا ) مالوش لازمه تطلع برج ايفيل , و فيه معلومة حلوة : برج ايفل بينور الساعه 10 بليل بالظبط و الأضواء البراقه بتشتغل لمدة 5 دقائق بداية كل أول ساعه و أحلى منظر لبرج ايفيل بليل لهواة التصوير من Trocadero و دي المنطقة بين Palais de Chaillot الى Pont d’Iéna و دي أمام برج ايفيل بالظبط
الانتقالات : أحسن وسيلة انتقالات في باريس هي المترو و شبكة المترو ضخمه جدا و مغطيه تقريبا كل مكان. نصيحه هامه : أشتري تذكرة t+ ودي بتكون 10 تذاكر مترو و سعرها 10 يورو , لأن سعر التذكرة الواحده 1.8 يورو , يعني حتوفر تقريبا 8 يورو .
باريس فيها مطارين : مطارشارل ديجول, و مطار أورلي , لو حتنزل على مطار شارل ديجول أرخص وسيلة مواصلات لوسط باريس هو باص رقم 351 و ده سعره 6 يورو , و لو حتنزل على مطار أورلي أنسب وسيله لوسط باريس هو orlybus و ده سعره 7,7 يورو, و مطار أورلي أقرب لباريس من شارل ديجول .
أجمل حاجه تعرف بيها معلومات و قصص عن باريس أنك تاخد جولة مع مرشد في شوارع باريس لمدة 3 ساعات يحكيلك فيها عن تاريخ و قصص و أسرار باريس , و تصدق أنك ممكن تعمل كل ده ببلاش . كل اللي عليم تدخل على الموقع ده و تختار التاريخ اللي يناسبك و تحجز معاهم https://www.newparistours.com , دي رحلات مجانيه مع مرشد سياحي متخصص في باريس , ( طبعا هما بيعتمدوا على البقشيش في اخر الرحلة و 5 يورو كويس أوي كتقدير لتعب الراجل )
طبعا رحلة باريس متكملش بدون زيارة أحلى مدينه ألعاب في العالم ( ديزني لاند ) , بجد تجربة العمر , حتحس و أنت فيها أنك رجعت 20 سنه لورا , حتعيش جوا كل قصص ديزني اللي اتفرجنا عليها و احنا اطفال , ملهاش غير وصف واحد ابهااااااااار للكبار و الصغار . ( حعمل بوست خاص عن أسرار ديزني لاند باريس لأن موضوعها كبير أوي و ازاي تستفاد أكبر استفاده و تركب أكبر كمية العاب خلال زيارتك لديزني لاند ) , معلومه مهمه : لازم تشتري تذكرة ديزني لاند اون لاين لأن سعرها اون لاين بحوالي = 650 جنيه و لكنها تستحق الصراحه , و سعرها من على البوابة 1100 جنيه .
نقطة مهمه بخصوص الأكل : الأكل الصراحه غالي , و أنصحكم بالابتعاد عن المطاعم العربية لأنهم استغلالين جدا و غاليين على الفاضي , بالنسبه لنا كان ماكدونالدز هو الأنسب و الأرخص و كان سعر الوجبه في حدود 6 يورو. و حاول دايما تشتري سناكس من السوبر ماركت و تخليها معاك في الشنطه زي البسكوتات و العصاير و الشيبسي و كده . و طبعا متنساش تجرب المخبوزات الفرنسيه و الماكريل
تنظيم خط سير الرحلة : قبل السفر لازم تنظم خط سيرك كويس جدا و تتأكد من مواعيد عمل المتاحف و ايام الاجازات لأن ممكن تروح مثلا متحف تلاقيه قافل و يضيع عليك نص اليوم في الانتقالات . الموقع ده حتلاقوا عليه أيام الاجازات لكل متاحف و معالم باريس . https://bit.ly/17hFPVQ
عودة للاشياء المجانية : لو عاوز توفر تمن كرت المتاحف و تدخل المتاحف مجانا wink رمز تعبيري , كل أول يوم أحد من كل شهر أغلب متاحف باريس بتكون مجانا لكل الجمهور , بس خلي بالك حتلاقي طوابير كتير , فنظم وقتك كويس و شوف عاوز تبدأ بايه , و ابدأ يومك بدري أوي و فيه كمان متاحف كتير في باريس مجانا و الموقع ده فيه كل المتاحف المجانيه في باريس و مواعيد الدخول المجانيه https://bit.ly/1oZs533
طبعا باريس بلد الموضة و الأزياء بلد كريستيان ديور و ايف سان لوران و كوكو شانيل , بس طبعا أسعار الحاجات دي خياليه , و كفاية تتفرج عليها من بعيد و انت في الشانزليزيه , أو تزور المجمع الأشهر في باريس GALERIES LAFAYETTE , و تقدر تطلع للدور السابع فيه و تشوف منظر بانورامي رائع لباريس. نصيحه مهمه : لو بتفكر تروح الاوت ليت La Vallée Outlet Shopping Village شيل الفكره من راسك لانه بعيد عن مركز باريس و هو قبل ديزني بمحطه و أسعاره غاليه بردو مش رخيصه
أحسن وقت لزيارة باريس من شهر ابريل الى شهر نوفمبر ( ماعدا شهور الصيف 7 و 8 و ده أسوء وقت لزيارة باريس لأن كل حاجه بتبقى غاليه جدا و زحمه جدا ) فنصيحه متسافرش باريس في الصيف عموما .
طبعا أفضل صديق لك في رحلة باريس هو موبيلك اللي فيه GPS و خرايطك و خرايط المترو و عيش يا معلم
أتمنى الموضوع يكون عجبكم , و قدرت أفيدكم و لو بمعلومه بسيطه , و لو عاوز الكل يستفيد شير لكل أصحابك
تفاقمت خسائر البورصة المصرية نهاية تعاملات اليوم لنحو 10.44%، على خلفية الاحتجاجات التي دعت إليها قوى المعارضة، وأسفرت عن مقتل 4 أفراد من بينهم رجل شرطة.
وزادت مخاوف المستثمرين في البورصة بعد دعوة... (مشاركات: 8)
جهاز البصمة الحديث ونظام الحضور والانصراف من … شركة ايزى سليوشن (EASY SOLUTION)هو النظام الالي المتكامل والذي وحده يخدم منظمة العمل والعمال بطريقة امنه وعمليه. يتميز هذا النظام بتوافقة التام مع أي... (مشاركات: 0)
تقدم الغرفة المصرية لأدارة الموارد البشرية
EGY CHAM
منحة دبلومة إدارة الموارد البشرية
Human Resources Management
... (مشاركات: 0)
تعرف على طريقة تنفيذ الممارسات الخضراء في مجال ادارة المطاعم، وهي احد اشكال تطبيق الاستدامة البيئية في مجال ادارة المطاعم من خلال برنامج تدريبي يعد الأول عربيا في هذا المجال، حيث يقدم ادارة المطاعم ولكن من منظور مختلف حيث يعمد الى تأهيل المشاركين على كيفية تحقيق الاستدامة البيئية في المطاعم
دبلوم تدريبي متخصص يهدف لمساعدتك على الالمام بمفاهيم الصحة العامة وصحة الغذاء وبالممارسات الصحية الجيدة ومفهوم النظافة الشخصية والتطهير والتعقيد، كذلك فهم الممارسات والعادات الصحية داخل مناطق العمل، والتعرف على انواع المخاطر التي تهدد سلامة الغذاء والطريقة الصحيحة للتعامل معها، بالاضافة الى تسليط الضوء على المبادئ الستة لسلامة الغذاء والممارسات التصنيعية الجيدة، وما هي اجراءات التشغيل القياسية للنظافة والتطهير، وسيقوم المحاضر اثناء الشرح بتعريف نظام الهاسب ونظام الايزو 22000:2018 وكذلك خطوات الوقاية من الامراض المعدية وفيروس كوفيد داخل مؤسسات الاغذية.
هذا هو اول برنامج تدريبي عربي يهتم بشرح اساسيات السيارات الكهربائية للمشاركين فيه، حيث يتم شرح مبادئ السيارات الكهربائية وصيانتها وكيفية تشخيص اعطالها وتقدم شرح وافي لنظم السلامة والامان في السيارات الكهربائية واهم القضايا البيئية والاقتصادية المرتبطة بهذه التكنولوجيا الحديثة ويختتم الدارسين البرنامج بعد التعرف على احدث الاتجاهات والابتكارات في عالم السيارات الكهربائية.
برنامج يتناول موضوع نظام ادارة الجودة بالمؤسسات التعليمية ISO 21001: 2018 يؤهل المتدربين المشاركين لتحديد المتطلبات المتعلقة بالقيادة والتخطيط والدعم والعمليات وفق المعيار المحدّث والالمام بالمفاهيم الأساسية لطريقة التفكير القائمة على دراسة المخاطر وكذلك منهجية العمليات التعليمية
صممت تلك الدورة لإعداد موظفي خدمة العملاء المحترفين. فأياً كانت خبراتك السابقة أو مؤهلك العلمي فأنت مدعو للالتحاق بهذه الدورة الشاملة التي تساعدك على النجاح والتميز في وظائف خدمة العملاء. حيث ستتمكن من ممارسة المهارات التي يحتاجها موظف خدمة العملاء في تدريب عملي ممتع.