من خلال بعض التجارب والخبرات المتراكمه فى موضوع الشغل، اهم 6 نقاط بيدور عليهم صاحب العمل فى الشخص اللى متقدم لوظيفه




1- Personal Skills المهارات الشخصيه
خبراتك وانجازاتك ومهاراتك فى شغلك السابق (الخبرات المتراكمه)، زى التحدث والعرض والالقاء والتواصل مع الغير ودى اهمهم


2- Languages اللغات
طبعا الــ english رقم واحد، ومش هتلاقى فرصه محترمه فى مكان كبير غير ونت مميز فى اللغه، ولو امكن تاخد معاك لغه اجنبيه تانيه زى الــ french او الــ italian تبقى ع وضعك


3- Computer Skills الكمبيوتر
طبعا لازم تكون محترف برامج الــ office او ع الاقل (word/excel/Powerpoint)، مش هيضر تكون ع معرفه باهم البرامج وكيفيه تحميلها، شويه صيانه لو الجهاز عطل مش هتخسر


4- Internet skills الانترنت
مهارات البحث الصحيح المتقدم ع جوجل ومواقع الــ search الاخرى، التعامل الجيد مع مواقع الــ social media، معرفه وكيفيه التعامل مع مواقع الشراء والبيع زى olx و souq


5- Networking Skills العلاقات الاجتماعيه
لازم يكون ليك علاقات قويه بناس متخصصين فى مجالك، سواء مديرين شركات او حتى مديرين HR، وازاى تتطور فى علاقاتك دى لحد ما تبقى معروف عند الناس فى مجالك
مثلا يعنى.. اذا ذُكرت كره القدم فى مصر وافريقيا ذُكر "الاهلى"


6- Technical Skills المهارات الفنيه
دا اللى المفروض انت هتشتغله وتطبقه فى المكان اللى هتتوظف فيه، او هتتعلمه من a to z لو انت لسا متخرج جديد او ماعندكش خبره