حرام عليكي بعد كل ده الاقيني بقول "منقول"
لأ كنت فكراكي انتي اللي كاتبة الخواطر دي وعمالة اقول يا سلام لأ البنت دي رهيبة ازاي قدرت تعبر عن اللي جواها لأن حاجات كتير منها بحس بيها بس مش بقدر اعبر عنها بالطريقة الجميلة دي
ربنا يكرمك يا حبيبة قلبي ولو كنتي مش مجرد نقلاها بس كمان بتمري باللي مكتوب فيها فعايزة اقولك انه لو الانسان مازعلش ومااتجرحش وماحسش بالوحدة هيحس باللحظات الحلوة ازاي...
طب انتي عارفة انا لما بحس الدنيا ضيقة اوي من حواليا واحس انه حتى ماحدش فاهمني لاني مش قادرة اعبر عن اللي حاسة بيه اساسا لصديقتي عشان افضفض يعني بتبقى ضاقت خالص بابتسم واخليني مبتسمة واقول الحمد لله الحمد لله الحمد لله
الحمد لله اني عايشة الحمد لله اني بتنفس الحمد لله اني ماشية وهكذا ودايما بعد العسر يسر ان شاء الله
مرسي حبيبة قلبي موضوع جميل