النتائج 1 إلى 2 من 2

الموضوع: برلمان دولة انتيكا

  1. #1
    الصورة الرمزية محمد أحمد إسماعيل
    محمد أحمد إسماعيل غير متواجد حالياً المشرف العام
    نبذه عن الكاتب
     
    البلد
    مصر
    مجال العمل
    أعمال ادارية
    المشاركات
    7,515
    صفحة الفيس بوك
    صفحة الفيسبوك لـ محمد أحمد إسماعيل

    برلمان دولة انتيكا

    أنتيكا دولة تم اكتشافها حديثاً على أيدى العلماء الذين رجحوا انها موجودة من قديم الأزل ، وأنها ذات حضارة عريقة ، ويدل على ذلك موقعها المتميز بين الدول العربيةوالأفريقية مما أدى الى أن تكون حضارتها مزيجاً من حضارات الأم المختلفة .
    البرلمان
    " السيد حاكم أنتيكا "
    دوى صوت الحاجب قبل دخول الحاكم مترنحاً مستنداً على حرسه وجلس على كرسيه المتحرك وتناول كماً خرافياً من الحبوب والأقراص والحقن والمراهم ، ثم اعتدل وأشار بيده للحاضرين أن اجلسوا
    "جلوس" صاح بها الحاجب وجلس فى ركن القاعه
    الحاكم : طبعا أنا بهنيكم كلكم على وصولكم بالسلامة لبر الحصانة والوجاهة والدلع .. من النهاردة تقدروا تعملوا كل اللى نفسكم فيه .. انتوا عارفين هما سموه برلمان ليه ؟
    - ليه ياجناب الحاكم
    - انت أدرى يافندم
    عشان اللى بيوصل له ماحدش يقدر يكلمه ، يبقى وصل لبر الأمان وبعدين المماليك حرفوا ( بر الامان ) إلى برلمان
    - كلك مفهومية ياافندم
    المهم أنا عايزكم تتقسموا كدا مجموعات ..... يارئيس الوزراء .. فيهم كام واطى ؟
    - كلهم واطين يافندم
    مانا عارف يامتخلف .. أنا قصدى كام واحد من الحزب الواطى بتاعنا؟؟
    - اللى تؤمر بيه يافندم ..
    طيب قسمهم كده مجموعات
    هتف رئيس الوزارء مشيرا بيده للنواب
    السادة نواب برلمان أنتيكا .. من فضلكم .. الفئات يجيوا هنا والعمال هناك والفلاحين فى النص . المستق..
    صاح به الحاكم
    ايه ياابنى ده؟ ... عمال ايه وفئات ايه ؟ قسمهم التقسيمة الواقعية
    - ازاى سعادتك
    اوعى وأنا أوريك ... انت ياحيوان منك له ... بتوع التأشيرات هنا ، واللى ناوين على قروض يقفوا هناك .. الصيع وبتوع النقوط علىاليمين .. رجال العمال اللى هيستغلوا سلطات الحصانة يقفوا فى النص ، تجار المخدرات فى الغرزة اللى فى آخر القاعة، بتوع الرشاوى على الشمال وجنبهم بتوع الأغذية الفاسدة ، مزدوجى الجنسية يتفضلوا يقعدوا .. الهاربين من التجنيد انتباه .
    يتحرك النواب فى جلبة ليتراصوا كما أمر الحاكم ، ورفع أحد النواب يده قائلاً :
    - لو سمحت حضرة الحاكم
    عايز ايه
    - أنا رجل أعمال هربان من التجنيد .. ربنا يقدرنى أستغل سلطات الحصانة وآخذ قروض بملايين و ان شاء الله هادفع رشاوى ، وكمان انا صايع وبتاع راقصات ونقوط غير انى اصلا تاجر مخدرات وباذن الله هاستغل سلطتى وابيع تأشيرات الحج والعمرة وكمان معايا جنسيتان اجنبى اقف فى انهى مجموعه
    تقف؟!!!! دا انت تيجى تقعد مطرحى هنا ؛ انت هتبقى رئيس البرلمان المُعارض – لو يجرؤ- يتفضل برفع يده ( لا احد يرفع بالطبع ) موافقة
    يأخذ العضو مكانه كرئيس للمجلس بينما يوجه الحاكم كلمته لنواب الشعب
    - بصوا بقى يابشمهندسين .. انتو تقضوا مدة النيابة دى صياعه كيف كيفكم وانا مسئول مفيش عسكرى يُعكشكم ، ولا ضابط يرخم عليكم واوعوا حد من الشعب يضحك علي حد فيكم ويحرضه على الحكومة نفض للشعب لو عايز تدخل البرلمان الدورة الجاية
    - ودا معقول برضه .. قال شعب قال !!!
    وتسيبوا لى بقى القوانين أنا أدرسها وأهندسها وابقى أعرضها عليكم عشان توافقوا عليها بالاجماع .. مفهوم ؟
    - مفهوم ياجناب الحاكم .. احنا مالنا ومال القوانين !!
    - على رأيك هو احنا محامين ولا قضاة . دا احنا صيع المجتمع
    - خلى الحكم للحكومة يابا وخلينا فى حالنا
    - ايوه كده احبكم وادافع عنكم
    " كبسة...."
    هتف بها أعضاء المجلس فى فزع فى حين اندفع عدد ضخم من رجال البوليس يتقدمهم وزير الداخلية فصاح به الحاكم :
    - فيه ايه يابتاع الداخلية انت ؟
    - لا مؤاخذةياافندم ... اصل احنا لقينا ان برلمان انتيكا فيه عدد من المجريمن والخارجين على القانون أكثر من اللى فى السجن نفسه قلنا ننتهزها فرصة ونعمل قضية ونعمل قضية كبيرة ومضمونة
    - وانا هناايه؟ جركن! علبة بوية ! مش تقولى فى الأول يازفت
    - ماهو ماهو
    - من غير مأمأة .. دلوقتى الناس دى معاها حصانة .. وماتقدرش تقرب ... يالا بقى روح اتشطر على المعارضة
    - اوامرك ياافندم
    يهم بالانصراف ثم يعود قائلاً : بس احنا صفينا المعارضة ..
    - اتصرف ماتوجعش دماغى
    يلاحظ أن هناك رجلاً يقف وحيداً لم ينضم لأى مجموعة فهتف به الحاكم
    انت ياابنى ياللى هناك .. ماوقفتش فى مجموعتك ليه ؟ تبع ايه ده يارئيس المجلس؟
    - ولا أعرف يافندم
    فين الحرس ?هاتوه
    ياتى الحرس بالرجل المسكين الذى شلته المفاجأة فلم يقو على النطق وأخذ الحاكم ورئيس البرلمان يسألانه بالتناوب :
    - انت يابنى صايع ولا مرتشى؟
    - ولا رجل أعمال فاسد؟
    - ولا بتاع تأِشيرات
    - ولا مزدوج الجنسية؟
    - ولا حاجة من دول
    - يعنى ايه ولا حاجة من دول ! يعنى انت النائب الوحيد الشريف اللى هنا ؟
    يهتف به رئيس الوزراء
    هو يافندم بردو فيه نائب شريف
    - لا ياافندم انا مش نائب اصلاً
    - أمال انت ايه
    - ياافندم اناالحاجب بتاع المجلس
    فكر الحاكم مليا ثم أجاب:
    - والله فكرة ..دا شريف وممكن يأثر على مخ النواب .. دا خطر كبير على المجلس وعلى الوطن .. خدوه
    - مظلوم ياافندم برىء والله العظيم برىء
    - اهو اعترف انه برىء يافندم والاعتراف سيد الادلة خدوه وارموه فى السجن مع بقية المساجين الأبرياء وتخلوه يعترف على بقية زملائه فى التنظيم من الأبرياء والشرفاء .. لازم نطهر انتيكا منهم
    يهتف النواب بصوت هادر فليسقط الأبرياء فليسقط الشرفاء .. يحيا الخونة يحيا الظلم يحيا الظلم
    -أشكركم أشكركم .. اخوانى دعونا نسرق فى صمت .
    كتاب " حدث فى أنتيكا "
    استشارات :
    - الهياكل التنظيمية
    - الوصف الوظيفي
    - اللوائح الداخلية للموارد البشرية
    https://www.facebook.com/Arab.HRM
    https://twitter.com/edara_arabia

  2. الأعضاء الذين قالوا شكراً لـ محمد أحمد إسماعيل على المشاركة المفيدة:


  3. #2
    الصورة الرمزية عمرو موسى
    عمرو موسى غير متواجد حالياً مستشار
    نبذه عن الكاتب
     
    البلد
    مصر
    مجال العمل
    تجارة ومحاسبة
    المشاركات
    326
    صفحة الفيس بوك
    صفحة الفيسبوك لـ عمرو موسى

    رد: برلمان دولة انتيكا

    شكرا أحي محمد على هذه المقالة الساخرة من جمهورية ......
    قصدي أنتيكا
    التطوير يبدأ من الذات

موضوعات ذات علاقة
مطلوب للعمل في دولة قطر
مطلوب للعمل في دولة قطر الوظائف التالية: مطلوب للعمل في شركة عقارية كبرى بدولة قطر مدير مبيعات يشترط في من يتقدم لهذه الوظيفة: 1) ان يكون قد ادار... (مشاركات: 5)

21 دولة.. في الاتحاد الإسلامي لهيئات الجودة
21 دولة.. في الاتحاد الإسلامي لهيئات الجودة بدأت في ماليزيا فعاليات المؤتمر الدولي الأول لتأسيس اتحاد هيئات ومنظمات جودة التعليم والاعتماد التربوي بدول... (مشاركات: 2)

التقطير كنظام للتشغيل في دولة قطر
التقطير كنظام للتشغيل في دولة قطر مدخل: يمثل تشغيل المواطنين وتوفير الوظائف والاعمال المناسبة لهم أحد أولويات الدولة في مجالات التنمية البشرية... (مشاركات: 3)

اريد ان اعرف كيف احسب مستحقاتي في دولة الكويت
مرحبا اريد منكم مساعدة هل لي ان اعرف ما هي مستحقاتي فانا وافدة في دولة الكويت تم تعييني 1/10/2005 وانهو خدماتي في 31/5/2010 خلال يوم وليلة وقد اخذت جميع... (مشاركات: 1)

مطلوب اطباء من داخل دولة الكويت
بسم الله الرحمن الرحيم السلام عليكم ورحمة الله وبركاته مطلوب اطباء لدى مركز طبي خاص 1- طبيبة امراض جلديه وتناسليه علي ان تكون حاصله علي ماجستير ... (مشاركات: 0)

أحدث المرفقات