النتائج 1 إلى 3 من 3

الموضوع: لسة فاكر الطفل جواك؟

  1. #1
    الصورة الرمزية رانيا رونى
    رانيا رونى غير متواجد حالياً مستشار
    نبذه عن الكاتب
     
    البلد
    مصر
    مجال العمل
    تعليم اللغة العربية للناطقين بغيرها
    المشاركات
    1,526

    لسة فاكر الطفل جواك؟

    لسه فاكر .. ؟؟؟

    . لسه فاكر اول مرة ركبت عجلة .. و وقعت على وشك واتعوّرت .. بس فرحتك بيها خدّرت ألمك مرة واتنين وتلاتة لحد ما بقيت رهوان ..

    طيب فاكر كل مرة خفت فيها والدموع ملت عينك و قبل ما توصل قلبك .. كان مجرد حضن من امك او طبطبة على كتفك من ابوك علاج اى حزن و هم و خوف ..

    ولا فاكر لما كنت بتستنى الدنيا تمطر عشان تخرج فى وسط المطرة وتلعب و تجرى كأنك ملكت الدنيا بين ايديك..

    لسه فاكر لما كان اعلى مكان فى دنيتك كتاف ابوك وهو شايلك .. وادفى نومة كانت بين ايدين امك

    طيب فاكر لما ماكنتش بتعرف بتنام ليلة العيد مستنى الليل يعدى عشان تلبس اللبس الجديد ..

    و فاكر لما كانت عندك كلمة موت او فراق لغة متفهمهاش .. فى قاموس لسه ما اشترتهوش ..

    فاكر لما كان الألم احساس بتحسه لما تتجرح .. او حتى احساس الحقنة اللى كنت طول عمرك بتكرهها وبيخوّفوك بيها ..

    فاكر لما كانت الدموع سهلة و من حقك .. واد ايه كانت بتريّح ..

    فاكر كل مرة زعلت من اخوك او صاحبك زمان .. و كنت تصفى بعد خناقة بالضرب او بالشتيمة او حتى بشد الشعر .. و بعدها ولو بثانية تلعبو و تهزّروا سوا ..

    لسه فاكر صوت ضحكتك اللى كانت طالعة من القلب .. او حتى اسبابها الهايفة اللى كانت بتبسطك و تخليك فوق فى السما ..

    ولا فاكر لما كنت بتحلم بجناحات .. وخاتم سليمان .. و بساط سندباد .. و قوس قزح ..


    يا ترى ..


    لسه فاكر الطفل جواك ..

    ولا الزمن كبّره و كبّرك قبل الاوان .. ؟!!


  2. الأعضاء الذين قالوا شكراً لـ رانيا رونى على المشاركة المفيدة:

    عمرو موسى (22/12/2011)

  3. #2
    الصورة الرمزية عمرو موسى
    عمرو موسى غير متواجد حالياً مستشار
    نبذه عن الكاتب
     
    البلد
    مصر
    مجال العمل
    تجارة ومحاسبة
    المشاركات
    326
    صفحة الفيس بوك
    صفحة الفيسبوك لـ عمرو موسى

    رد: لسة فاكر الطفل جواك؟

    ليت الطفوالة تعود يوما او نصف يوم
    مقالة رائعة استاذة رانيا
    شكرا لك
    التطوير يبدأ من الذات

  4. #3
    الصورة الرمزية رانيا رونى
    رانيا رونى غير متواجد حالياً مستشار
    نبذه عن الكاتب
     
    البلد
    مصر
    مجال العمل
    تعليم اللغة العربية للناطقين بغيرها
    المشاركات
    1,526

    رد: لسة فاكر الطفل جواك؟

    عمرو موسى
    ليت الطفوالة تعود يوما او نصف يوم
    مقالة رائعة استاذة رانيا
    شكرا لك
    جزاك الله خيرا على الرد
    فعلا
    ليت الطفولة تعود يوما فنذكرها بما فعل الشباب

موضوعات ذات علاقة
الطفل والغباء
درس من دروس الحياة دخل طفل صغير لمحل الحلاقة .. فهمس الحلاق للزبون : هذا أغبى طفل في العالم …انتظر وأنا أثبت لك’ وضع الحلاق درهم بيد و25 فلسا باليد... (مشاركات: 10)

الطفل وصدى الصوت
خرج أحد الحكماء مع ابنه ليعلمه الحكمه وأثناء سيرهما سقط الطفل على ركبته.. صرخ الطفل بصوتٍ مرتفع آآآآه فإذا به يسمع من أقصى الوادي من يشاطره الألم بصوتٍ مماثل... (مشاركات: 4)

الطفل والأمل
الطفل والأمل أمام المحيط الكبير وعند شاطئه الفسيح وقف طفل صغير من أطفال المكسيك ونظر إلى نجمة البحر التي قذفتها الأمواج الهائجة. وبعد ثوان من التأمل قرر... (مشاركات: 0)

الطفل والأمل
(مشاركات: 0)

الطفل و المربعات
الطفل والمربعات - قصة واقعية جلست الأم ذات مساء تساعد أبناءها في مراجعة دروسهم ... وأعطت طفلها الصغير البالغ الرابعة من عمره كراسة للرسم حتى لا يشغلها عن ما... (مشاركات: 3)

أحدث المرفقات