زيارة العملاء بتكلفنا كتير...جهد ومصاريف ووقت كمان !
عشان كدا لازم نتاكد ان كل شىء يتعمل صح اثناء المقابلة . ومعانا النهارده قائمة بعشر اخطاء فى منتهى السوء يجب تجنبها فى مقابلاتنا مع عملائنا المهمين
ملحوظة: كل العملاء مهمين
الوصول متاخرا:
وصولك متاخر بيخلى العميل يفهم مباشرة انك لا بتقدره ولا بتقدر قيمة وقته. دايما حاول توصل قبل الموعد ب 15 دقيقة . ولو انت رايح مكان لاول مرة وماتعرفش الطريق حاول تجمع معلومات كفاية عن كيفية الوصول...خريطة او استشارة صديق او سواق نقل عام حتى !
المظهر الغير لائق
اوعى تروح اجتماع وشكلك مبهدل , خس على سنانك والروج متلخبط . ممكن اثار الطريق نمحيها بزيارة سريعة للحمام اول ماتوصل وقبل ماتقابل العميل. اغسل وشك ورش بارفان واعدل القميص وظبط شعرك والقى نظرة اخيرة على مظرهك فى المراية ..لو عجبك شكلك اكيد هيعجبهم
التزم برسمية الموعد .يعنى ماتروحش لابس تى شيرت وبنطلون جينز لمدير عام ابدا !
ممكن بدلتين وخمس قمصان يوفوا الاحتياجات .
انت هتتصاحب عليا ؟؟!
ماتدخلش عالناس كأنك كنت تعرفهم وماشفتهمش من عشر سنين ! ادخل بوقار ورزانه وابتسامة هادية وقامة منتصبة وسلم عليهم بود وبشاشة .
ماتتكلمش اكتر مابتسمع
انت بتزور العميل عشان تبنى علاقة عمل وتجمع بيانات مهمة لشغلك ومهمتك انك تساعده يبقى لازم تسمعله اكتر ماهو يسمعك عشان تقدر تحدد بالظبط هو محتاج ايه وتعطيه له بدل ما هتبص تلاقى نفسك خارج من عنده وانت مش عارف هل اللى انت عرضته دا هو فعلا محتاجه او لا
بدل كدا ابدا اسال العميل هو محتاج اى وجمع بيانات ومعلومات اكتر عن احتياجاته.
الجدال مع العميل
لو فى نقطة العميل معترض عليها اوعى تجادل لانك بجدالك بتخليه يتمسك بفكرته واعتراضه اكتر. بالعكس اسأله ليه هو شايف كدا واسمعه باهتمام مش يمكن يكون عنده حق !
تقديم عرض تقليدى
مؤكد عندك سلعة او خدمة عايز تبيعها .بس تجنب انك تبدأ بعرض سلعتك قبل ماتسأل العميل عن احتياجاته بعد كدا ممكن تقدمله السلعة او الخدمة دى فى شكل حل لمشكلته ارضاء لاحتياجه
قلة المعلومات المتوفرة عن المنتج
مشكلة خطيرة ان العميل يلاقيك كل شوية بتقوله " ممكن اسال فالموضوع دا وارجعلك تانى ...." مرة ورا مرة ورا مرة !!
لازم تكون دارس الموضوع اللى هتقدمه بعنياة ومدرب على تقديمة بحيث انك تقدر تجاوب اكبر قدر من الأسئلة اثناء المقابلة والا نبقى ماعملناش حاجة !!
تشتت الانتباه بسبب التليفون
ياخبر انت ازاى نسيت تقفل تليفونك او تعمله صامت ؟؟ مافيش ايميل ولا اتصال ولا اى حاجة فالدنيا اهم من العميل اللى قاعد قدامك دا .اقفل تليفونك ياراجل !
الزيارات الطويلة
العميل عنده مشاغل كتير واعمال لازم ينجزها غير مقابلتك .قبل ماتروح حدد مدة الزيارة والتزم بيها
ويابخت من زار وخفف
بقلم : جفرى جيمس
وترجمتى
رد مع اقتباس