الموضوع: مأساة صنعتها بيدي

اولا انا ماستاهلش الا -
انا زوجة من14سنة وام لثلاث ابناء وزوجة رجل مهم كمان حياتي الحمد لله مستقرة جدا جدا جدا
طب فين المأساة احنا مش شايفين مأساة في كلامك
مش واخدين بالكم ان في فرد في الاسرة دي مش موجود وهو انا
بيتهيألي بالفطنة اللي موجودة عند اعضاء هذا المنتدى بانت المشكلة
انا فين؟ وقفت كل نشاطاتي من يوم ماتجوزت وكنت ساعتها لسة متخرجة من كلية التربية قسم رياض الاطفال ومن ساعتها نسيت اسمى ونسيت كل حاجة تخصنى وكل اللي كنت باعمله انى بابني ولادى وجوزى واوصلهم للطرق اللي توصلهم لاهدافهم
على فكرة انا مش ندمانة على خدمتى ليهم بالعكس انا حاسة ان كل نجاح بيمروا بيه ده نيشان ليه لكن انا فين مش عارفة
لماسمعت عن مجال تنمية الموارد البشرية فرحت وقلت من هنا هاقدر احقق هدفي لكن اكتشفت ان الموضوع مش سهل دماغي عاملة زي انسان لعب رياضة بعد فترة طويلة جسمه مكسر ومش قادر
ياجماعة انا تايهه وخايفة قوي من بكرة حد يساعدني ارجوكوا اويقولي تجربة شبيهة وعدى منها ووقف على رجله
على فكرة انا دلوقت ماعنديش اى امكانيات علمية اومهاريه اوحتى مادية لأن زوجي مؤمن بانفصال الذمة المالية للزوجين دلوني على طريق مشروع طبعا اعرف منه احدد هدف لحياتي ولكل من اتعب نفسه في قراء ة هذه الفقرة له جزيل الشكر

اختى العزيزه
رسالتك شدتنى جدا بس عايزه اقولك ان مشكلتك هى مش مشكله هى مرض عارض والجميل انك عرفتى المرض وابتديتى تعالجيه
انتى عرفتى حالتك وبتحاولى تحيلها اسمحيلى اسميها حاله مرضيه زي الواحد ما ياخد دور برد صدقينى هو دور برد وكما ن عايزه اقولك ان الدور ده اصاب زوجات كتير اتجوز فى سن صغير سن 22 بعد الجامعه مباشرتاً واتجهت حياتهم للنمط العادي بس عايزه اقولك ان كتير بتمنو ان يشوفو نجاحم متمثل فى اولادهم وزوجهم هو ده نجاحك انتى نجحتى بس بس كل الحكايه ان انتى حاسه انه مش نجاح ملموس بس نحاجك قدامك فى بيتك وعموما يا ستى انا شوفت حالات كتير سيدات محترمات كتير زيك وما شاء الله اصرارهم على التغير وصلهم للنجاح على وعلى فكره هما دلوقتى محاضرين فى تنمية الموارد البشرية وبيساعدو الناس على تغير حياتهم وانا شاء الله تتغير حياتك للاحسن
ونصيحة منى حاولى تشوفى نماذج ناجحة بس متقرنيش نفسك بيهم لان المقارنه تقلل من الثقه بالنفس خديهم مثل اعلى ليكى
وسلالالالالالالالالالالام

شكرا على اهتمامك وساحاول تطبيق نصائحك ادعولي اعرف طريقي بسرعة
وشكرا

السلام عليكم
ارجو من الله عز وجل بأن يرفرج همك ويسعدك ويحقق أمنياتك
(((((سبحان الله وبحمده ()()()سبحان الله العظيم )))))

السلام عليكم
ريمو
زي ما قلتلك انتى معندكيش مشكلة وعموما التغيير بأيدك انتى
وانا بجد شوفت نماذج كويسه جدا وسيدات محترمات جدا كان عندهم نفس المشكله والحمد لله تخلصو منها
وبردو اقولك ان الظروف ديه بتمر بيها كل سيده بس اهم حاجه ادراكها ووضع خطه للتخلص من سلبياتها
كله فى ايدك
وسلام