الموضوع: حملة "معاً لمناهضة التعصب" | مباراة مصر والجزائر - آلام وآمال

اول حاجة احب اقولها شكرا لصاحب الموضوع على هذا الموضوع الذى يشغل جميع الناس فى هذه الايام ويذهلهم فى نفس الوقت
انا مصرى وبحب بلدى حدا وبشجعها من كل قلبى وده مش عيب ان الواحد يشجع بلده وانا ضد التعصب مع الاخريين وبعدين لما نقول الاخرين دول مش دولة معادية احنا بنتكلم عن دولة عربية واسلامية شقيقة وبعدين مصر والجزائر خاصة ليهم وقفات جميلة مع بعضهم ابتداء من مساعدة مصر للثورة الجزائرية وبعث الازهر الشريف لتعريب الجزائر ومننساش مساعدة الجزائر طبعا لينا فى حرب 73 وانا بقول ان ده شئ اتشرف بيه ومش عصبية قلة قليلة من البلدين تقدر تمحى ده

بس انا بعتب على بعض الناس الى علقت على الموضوع يعنى احنا بتكلم عن العصبية واقرا تعليقات الى يقول انا اعرف تخلف المصريين والى يقول اعتداءات على الاعبين وكانهم عدو طيب لما راح المنتخب المصرى فى لقاء مصر والجزائر فى الجزائر لما حدث ضرب للاعبين والقلق الدائم الى كانوا فيه فى الفندق حتى عند النوم مكنش الجمهور الجزائرى بيبطل عمل ازعاج للاعبين علشان ميعرفوش يناموا ولما الاعبين اتسمموا كان فين دور الامن برضو والاتحاد الجزائرى محدش عمل مشكلة ولا علق والموضوع عدى عادى

احنا هنا بنتكلم علشان نلاقى حل للعصبية مش نحميها فانا برجو ان الموضوع لو خدتو كل الناس بهدوء مش هنلاقى العصبية دى ومينفعش الى بيحصل فين اخلاق الاسلام بين الطرفين والله الواحد بيدعى ان ربنا يهدى النفوس من ناحية بعضيها لان مهما حصل احنا اخوات وانا والله بحب الجزائر واحنا فى الاول والاخر اخوة مهما حصل لازم منديش فرصة لاعداء الاسلام والعرب انهم يشوفوا حاجة تخليهم يسخروا مننا ويزيدوا النار واحنا كلنا عارفين

فى الاخر انا بدعو الله ان يهدى كل نفس متعصبة تريد الشر
والجزائر تكسب مصر تكسب المهم اننا نشوف ان شاء الله دولة عربية اسلامية فى المونديال وربنا يوفق الجميع