هل العربيه تقدر تمشى من غير بنزين

هل الانسان يقدر يعيش فتره طويله من غير طعام
اسأل نفسك ؟
هل انتا عرفت حد قبل كدا كان فى وظيفه انتا تتمناها وقدم استقالته وانتا افتكرته
اهبل ؟
كلنا عدت علينا الظروف دى
تعرف هوا ساب الشغل ليه
مكنش عنده الدافع اللى يخليه يكمل
الدافع ببساطه هو محرك السلوك الانسانى زى ما عرفه الدكتور ابراهيم الفقى
عليه رحمه الله
والانسان اللى معندوش دافع صعب تلاقيله اى نجاح فى حياته واقوى الدوافع
عند كل المخلوقات هو دافع البقاء
الانسان بيكافح عشان يبقى حى
وكل الحيوانات بتكافح عشان تفضل حيه
والدوافع هنا بتنقسم قسمين
القسم الاول
خترجيه
يعنى من برا الشخص
يعنى مثلاً طفل ابوه وعده انه يجيبله هديه لو نجح
نجح
وابوه جابله هديه
وكل سنه الطفل ده كان بينجح وابوه بيجيبله الهديه
لو فى سنه من السنين ابوه اتوفى ايه اللى هيحصل
الطفل ده مش هينجح
لأن الحاجه اللى كانت بتخليه ينجح
خارجيه
واثرها خلص
وهى انه عاوز ياخد الهديه
فلما الهديه مكانتش هتيجى
ملاقاش دافع قوى يخليخ ينجح
وللأسف سقط
وعشان كده الدافع الخارجى
بيبقا اضعف من الداخلى
الدافع الدالخلى
دا بقا بيبقا اقوى انواع الدوافع
ونرجع لقصه الطفل ده
لو ابوه زرع جواه من الاول
تفوق عشان تطلع عالم مشهور
والطفل حب يطلع عالم
وذاكر
ونجح كل سنه
واجت نفسش السنه اللى والده توفى فيها
ممكن يضعفه شويه
لكنه هيذاكر وينجح ويتفوق لاعشان هوا عاوز يكون عالم
وحبه لأنه يكون عالم لسا موجود
لأن الدافع هنا داخلى مش خارجى
ودى اول خطوه من خطوات النجاح
انك تلاقى دافع داخلى لنفسك
لأن لو الدافع بتاعك خارجى
ممكن ييجى عليه يوم وينتهى
انما الدوافع الداخليه لازم تستمر معاك