الموضوع ده كان فين من زماااااااان
طبعا بما انه طويل جدا وبما ان الامتحانات خلصت ومافيش مذاكرة دلوقتي غير قبل امتحانات الترم التاني فانا هاخد نسخة منه واحفظها عندي لحد ما ييجي وقتها (الكسل بقة)
ولكن من حيث النظرة السريعة عالموضوع لفت نظري النقطتين دول:

- امتنع نهائيا إن استطعت عن شرب الشاي أو القهوة وان لم تستطع فخفف منها لان الإكثار منها يؤثر في نشاط المخ بصورة سلبية على العكس ما هو متوقع
- ابدأ مذاكرتك في الصباح الباكر وحتى ساعة مبكرة من الليل

صراحة مش عارفة اقول ايه
ايام المذاكرة دي خاصة ليلة الامتحان البيت بيتحول لقهوة يعني كوباية الشاي داخلة والقهوة خارجة كاني بحضر الدكتوراة والمشكلة اني عندي قناعة باني مش هعرف اركز غير لما اشرب شاي عشان اظبط دماغي ... طبعا غلط انا عارفة بس بصراحة انا مش عارفة اغير حقيقي مابركزش من غيره

ثانيا ما بعرفش اركز غير بالليل يعني بداية من الساعة عشرة كدة تلاقي معدل الفهم سريع جدا اما الصبح ماتلاقيش يعني مثلا الموضوع اللي بذاكره بالليل في نص ساعة بذاكره الصبح في ساعتين تقريبا لاني بعيد وازيد فيه كتير بدون تركيز ودي حاجة متعودة عليها من ايام اعدادي

ياه ده انا طولت كتير
المهم شكرا يا استاذنا عالموضوع الاكثر من رائع ده