الموضوع: للسفر فوايد كتير مش بس ٧ .. اسمع مني
للسفر فوايد كتير مش بس ٧ .. اسمع مني
من وأنا صغير عمال أسمع إن فى السفر سبع فوايد، وقعدت أدور على أصل الكلام ده فين لقيت إن الامام الشافعي قال :"تغرب عن الأوطان في طلب العلا وسافر... في الأسفار 5 فوائد، تفرج هم و اكتساب معيشة وعلم، وآداب و صحبة ماجد"، وبعدين الناس زودوا على الخمسة بتوع الإمام الشافعي إن فيها" زيارة الأحباب والأصحاب و استجابة الدعوة".
بس أنا بصراحة لما بدأت اسافر اكتشفت إن السفر له فوايد لا تعد و لا تحصي و إكتر بكتير من السبعة بتوع الإمام الشافعي العظيم، أصل طول ما أنت ماشي بتستفيد، وأكبر استفادة من وجهة نظري هي إنك بتكتشف نفسك و تتعرف عليها من جديد.
من الحاجات اللي اتعلمتها في السفر"
- لما بتسافر بتخرج من القمقم اللي حشرت نفسك فيه طول عمرك و الأفكار اللي اتربيت عليها و مشوفتش غيرها، وهتفهم إن المصريين مش أطيب شعب في العالم، فيه ناس تانية طيبة برضه، وإن الطيار المصري مش أشطر طيار في العالم، غيره بيعرف ينزل بالطيارة بسلام و مهارة، وإن العيل المصري مش أذكي طفل في العالم وضلالات فكرية كتير كانت معششة في دماغك و عاملة لك حالة من النرجسية الغير مبررة، هتتخلص منها و هتبقي نفسيتك أهدي مع غيرك.
-لما هتسافر هتكتشف إن البلد ديه مش أحسن من غيرها، اه والله، في بلاد تانية كتير أحسن من جميع المستويات، سواء طبيعة خلابة أو تقدم و تطور حضاري و معماري أو حتى جو جميل وسما صافية،
وهنا لازم نتوقف لحظات عند الناس اللي بتقول البلد ديه أحسن من غيرها، لأن معظمهم مخرجش بره مصر، صدقني لو خرج مش هيقول كده عمره، وبصراحة لو مخرجش و بيفتي لازم تديله على بؤه عشان بينشر ضلالات فكرية ولازم يبقي عبرة لغيره.
-هتكتشف إنك مش إنت الوحيد الموجود في الكون وإن إنت كمصري مش بس اللي أجدادك لهم فضل على العالم و الحضارة و النهضة و التطور، أنا شخصيًا لما كنت بقابل صحاب من جنسيات تانية كنت في الأول بستغرب إن كل واحد منهم شايف نفسه أحسن واحد في الدنيا، حتى لو البلد دلوقتي ضعيفة و مهمشة.
يعني مثلاً صديقي المكسيكي شايف إن حضارة المايا لها فضل على العالم و زيه الأرجنتيني لما بيتكلم عن حضارة الانكا، وفى نفس الوقت صديقتي العمانية كلمتني عن الأشوريين وإن لهم فضل حتى على الفراعنة في بناء الأهرام، صديقي اليمني بيتكلم بكل فخر عن حضارة بلاده العظيمة، وهكذا كل واحد عنده حضارة بيفخر بيها.
-في السفر هتتعرض كتير لمواقف صعبة و هتبقي لوحدك و هتتوه كتير، بس هتكتشف في روحك قوة ذاتية بتقدر تخليك تعدي المواقف ديه، كل ما بتمر بظروف صعبة ومغامرات وتنجو منها، كل ما مدي اقبالك على الاشتباك مع الحياة بيبقي أقوي و بيبقي قلبك شجاع و مابيهمكش، نفس النظرية بتاعة " أنا مت موتات أجدع من كده "
-هتتعرض لثقافات و خبرات مختلفة من نوعيات كتير من البشر، جنسيات كتير و أشكال كتير و هتشوف المشكلة اللى إنت كنت بتعالجها بطريقة، هتلاقي لها ألف طريقة، ويمكن كمان أسهل من طريقتك.
الانفتاح على الثقافات المختلفة ده شيء جميل و رائع و بيكسب الواحد خبرة كبيرة جداً فى وقت قليل جدا، طول ما أنت ماشي هتلاقي دماغك بتكبر و عقلك بيتنور و بتتفتح في نفسيتك منافذ يدخل منها نسمات ترطب على روحك وتخليك تتغير للأحسن.
وافتكر هنا مقولة صديقتي النمساوية طيبة الذكر و الرائحة لما قالت لي واحنا في روما: "الحياة مثل الكتاب .. من لا يسافر خارج بلده يقرأ صفحة واحدة فقط ".
ومقولة صديقي المكسيكي الجدع : "السفر يجعلك فقير المال لكن غني النفس و الخبرة "، سافروا يا جماعة وشوفوا الدنيا، سافروا و اخرجوا أي مكان في العالم بره السحابة السودا هتستفيدوا أوي.
شرح كامل بالصور لكيفيه التسجيل والحصول على وظيفه
اولا لكى تحصل على وظيفه داخل احدى تللك الشركات
https://www.hrdiscussion.com/imgcache/15343.imgcache
عليك الدخول هنا... (مشاركات: 1)
عزيزي.. هل تعرف من تكون هذه السيجارة البيضاء الناعمة التي تضمها بين أناملك وشفتيك؟
هل حقاً تريد أن تعرفها؟؟!!
إذاً سأبوح لك بأسرارها وبأبرز ما سطر العلماء عن مذكرات حياتها.
*إنها سلاح.. بل... (مشاركات: 1)
شركة البطل تطلب( مصر )
1- محاسبين ( مرتب 1200 )
الشروط
اجتياز المقابلة السخصية
العمر لا يزيد عن 27 سنة
القدرة على العمل تحت ضغط
العمل وسط مجموعة
كما تطلب ايضا
2- مندوبين مبيعات (... (مشاركات: 1)
برنامج تدريبي يشرح مهام أخصائي ادارة المكاتب ودوره في مساعدة الادارة والجدارات الشخصية لاخصائي ادارة المكاتب والتواصل الشخصي الفعال في المؤسسة مع الزملاء والشخصيات الصعبة وكتابة التقارير الادارية وأعمال الارشفة وتنظيم الاجتماعات والتطبيقات المكتبية الالكترونية
برنامج تدريبي مكثف يتناول استمرارية الأعمال واستراتيجياتها وصياغة سياسات المؤسسة في ضوء تطبيق استمرارية الأعمال وتحسين العمليات المتعلقة استمرارية الأعمال وأنواع خطط استمرارية الأعمال واستراتيجيات مواجهة مخاطر الأعمال وتعزيز استمرارية الأعمال تجاه الأحداث المدمرة والتخطيط لاستمرارية الأعمال ونماذج ودراسات حالة لشركات تطبق استراتيجية استمرارية الاعمال.
دبلوم مهني مبتكر يهدف الى تدريب المشاركين على اكتساب المهارات اللازمة للعمل في مجال الصحافة والاعلام، وتوفير المعرفة والمهارات اللازمة للمشاركين وتدريبهم على كيفية اعداد التقارير الصحفية وأيضا تصوير التقارير الاخبارية واعداد محتوى البرامج التليفزيونية.
اهم دبلوم تدريبي موجه للعاملين في معامل الفحص والاختيار والمعايرة حيث يتناول شرح نظام ادارة الجودة الشاملة لمعامل الاختبار والمعايرة والمتطلبات العامة والهيكلية ومتطلبات الموارد ومتطلبات العملية ومتطلبات نظام الادارة والمراجعات الداخلية لنظام إدارة الجودة لمعامل الاختبار والفحص والمعايرة
يهدف هذا البرنامج التدريبي للتعرف على الاطار المرجعي لادارة المنشآت الرياضية، وما هي اهم السياسات التنفيذية للاستثمار الرياضي المستدام في المنشات الرياضية، كذلك معايير تلك الاستدامة، وما هي الجدوى الاقتصادية لانشاء ملاعب كرة القدم الخماسية، ومعايير الجودة الشاملة في اي منشأة رياضية، وكيفية استخدام تكنولوجيا الذكاء الصناعي في ادارة المنشآت الرياضية، ويهتم البرنامج التدريبي بالتطرق الى الامن الصناعي والسلامة المهنية في المنشآت الرياضية، وما هي الاجراءات الوقائية فيها، وكذلك اللوجستيات في ادارة المنشآت الرياضية، ويختتم البرنامج برعض تطبيقات وممارسات عملية في ادارة المنشآت الرياضية.