الموضوع: بدوي يختبر عريس بنته

بـدوي يـخـتـبـرعـريـس بـنـتـه...


نزل أحدهم على بدوي ضيفاً يريد الزواج من ابنته فقال له البدوي :
أنا عندي لك يا ضيفنا العزيز أسئلة إذا عرفتها زوجتك البنت , أنت مستعد ؟
الضيف : تفضل .
البدوي : وش الشيء اللي يضرك إذا أرتفع وإذا أنخفض ؟
الضيف : هذا الله يجيرني وإياك والعروس ... مرض السكر والضغط .
البدوي : ما لك لوا ... هذا سعر البترول .

طـيـب ... :من هو اللي يصلي النافلة ويترك الفرض ؟
الضيف : المجنون
البدوي : صدقت ... بس عاد هذي الموظفة اللي تخدم الناس وتضيع زوجها وأولادها وبيتها طيب ...البدوي : من هو الملك اللي نزل من عرشه وضيع شعبه وأشتغل سوّاق ؟
الضيف : هذا سؤال صعب !
البدوي: أبداً هذا بسيط للي يعرف الواقع ... هذي الحرمة اللي تهرب من بيتها وتطالب بسواقة السيارات

البدوي : وش الدولة اللي فيها رئيسين ؟
الضيف : ما فيه يا عمي حتى الملعب وهو ملعب ما فيه إلا حكم واحد وعنده مساعدين
البدوي : شفت إنك ما أنت داري بشي ... هذي بيوت اللي ينادون بمساواة المرأة بالرجل.

طيب ... إذا بغيت معنى كلمة عربية وين تدور عليها ؟
الضيف : في لسان العرب أو القاموس المحيط .
البدوي : ما عندك سالفة ... على الذمة ما تشوف بوش كيف فسر لنا كلمة " إرهاب " وكل العالم وافقوه عليها
الضيف : أجل , الله يستر لا يجي اليوم اللي يفسر لنا فيه معنى التوحيد والإسلام

البدوي : طيب ... وش الوردة اللي ما تستخدمها إلا إذا ذبلت ؟
الضيف : أصلاً إذا ذبلت , ما عاد يصير لها قيمة !
البدوي : صحيح ... هذول بنات هالأيام , البنت ما تتزوج فيهن إلا بعد ما تكبر ويروح شبابها وهي تطرد ورى هالسراب اللي يسمونه المستقبل!!

البدوي : طيب ... منهم الأبرياء اللي يجوز قتلهم ؟
الضيف : ما فيه .
البدوي : هذول ... المسلمين ، ما تشوف لما قتلتهم أمريكا في أفغانستان ، والعراق قالت حنا ما يمكن نقضي على الإرهاب إلا بقتلهم ، وافقهم العالم كلّه حتى المسلمين ، .

إييييه ... الظاهر يا ضيفنا العزيز إن ما لك نصيب في البنت لأن ما عندك (( فقه بالواقع )) ....

وبعدين البنت باقي تدرس وعمرها لا زال 35 سنة وباقي توها صغيرة على الزواج

يا سلام على الفلسفة البدوية ....

شكرا أ/محمد

كلام كله حكم ربي يعطيك ألف عافية

"وبعدين البنت باقي تدرس وعمرها لا زال 35 سنة وباقي توها صغيرة على الزواج"

واضح أنه ليس العريس فقط اللي ما عنه فقه الواقع، اللهم ارزقنا جميعا الفهم والفقه

قليل في ايامنا من يفكرون في الواقع الواقعي وليس في واقع التلفاز ومسلسلاته السابحة في الخيالات..... مشكور اخوي محمد

هههههههههههههههههههه رائعة شكرا لك

اختبار رائع جدا اخي محمد ...

ونسأل الله ان يرزقنا فقه الواقع الحقيقي ..

جزاك الله خيرا وبارك في جهودك ..

حكم عظيمه ورائعه ، كل الشكر والتقدير