الموضوع: مسامير جحا

• ملكة بريطانيا لغت حفل عيد ميلادها مراعاة لشعور شعبها اللي بيعاني من أزمة أقتصادية.. أكيد دي لو في مصر كانت زمانها انتحرت
  
• يبدو ان إقالة إبراهيم عيسى هي اولى الخطوات على طريق الاستجابة لمطالب الراغبين في تعديل الدستور
  
• اليومين دول، لو عاوز تلبس حد مصيبة حطله كتاب خارجي في شنطة العربية وبلغ عليه.
  
• يا ترى لو مسكوا ولي أمر معاه 5 كتب خارجية.. هيتحبس اتجار ولا تعاطي؟
  
• نظيف يقول نحن الحكومة الوحيدة في تاريخ مصر التي التزمت بالأرقام وليس الشعارات..فعلا اسعار الخضروات والفواكه والبنزين واللحوم تدل على التزام اخلاقى لا مثيل له.
  
• وزير التعليم بيقول "الكتاب الخارجي يقتل في الطالب روح التعلم والإبتكار" طب ما الكتاب المدرسي بيقتل الطالب نفسه.
  
• الصورة المفبركة طلعت صورة تعبيرية وعقد مدينتي الفاسد اتضح انه خطأ اداري..تفتكروا انتخابات مجلس الشعب الجاية هيتقال عليها ايه؟
  
• لو فتحت جريدة وشوفت صورة للرئيس أوباما وأحمس وشارون وقائد الهكسوس بيناقشوا عملية السلام يبقى حاجة من اتنين، يا اما انت بتحلم، او بتقرا جريدة قومية
  
• خبر سار لكل سواقين الميكروباص والتوك توك .. تقدر دلوقتى تفول التنك من النيل مباشرة بعد تسرب مئات الأطنان بمياه النيل بأسوان وده بس بمناسبة العيد..وكل سنة وانتو طيبين
  
• تسهيلا على المواطنين قررت الحكومة نشر قائمة بأسماء المواطنين غير المستحقين لزكاة الفطر حيث بلغ عددهم 187 فرد.
  
• وزير الثقافة بيقولك لو رجع الزمن لرفضت الوزارة ..طب هو يعني لازم الزمن يرجع لورا عشان ترفض الوزارة، مينفعش ترفضها دلوقتى؟ ولا هي تلاكيك وخلاص؟
  
• صرح مسئول بارز بوزارة الثقافة بأنه سيتم بشكل مؤقت ولحين العثور على زهرة الخشخاش عرض اللوحة النادرة (قصرية البانجو) بدلا منها.
  
• بعد إنتاج التلفزيون المصري مسلسل (الجماعة) .. متهيألي المصريين كلهم عندهم استعداد يشاركوا في اكتتاب عام لإنتاج مسلسل ضخم بعنوان .. (الحزب).
  
• الحكومة بتقول شكرا لـ 80 مليون مصري لسه قادرين يعيشوا فى مصر
  
• محافظ القليوبيه بيقول ان انقطاع الكهرباء والمياه وارتفاع الاسعار تضاعف من ثواب الصائم.. يااااه واحنا اللي كنا ظالمين الحكومة وفاهمينها غلط
  
• يبدو انه فى مصر لا توجد محاسبة إلا فى كلية التجارة.
  
• الحكومة قالت إن الكهربة مش هتقطع في رمضان وأهي قطعت.. وكمان المية قطعت..وبكده تبقى الحكومة قطعت علينا مية ونور وفاضل الهوا علشان تبقى كملت.

من موقع مصراوي

ها ها ها ها ها ها ها ها ها ها ها ها
حلوة كثير

اكثر من رائع كأنه يصف الاحوال تماما

ههههههههههههههههههههههههه هههه


ولا حول ولا قوة إلا بالله .. شر البلية ما يضحك ..


ياعيني عليك يا أرض مصر الكنانة .. مأوى إخواني وأخواتي ولكل مسلم ومسالم ..

بصراحة .. أشعر بأني منها لما أكون مع أهلها -رغم أني لم أزرها- ..
طيبة وحب ومصداقية وعقيدة ثابتة وحسن تعامل ورقة وخفة دم وذكاء وحيوية وتفاؤل
ومنهم أبطال أسود كُثر أمثال الحويني وحسان والقرضاوي والدمرداش .. أعد مين ولا مين هم كثيييير

قلبي يصرخ ويدوّي قائلا "أحبكم وأحب أرضكم .. وأفخر بأخوتكم" ..


وقد مضت سنّة الله في الذين ظلموا، وشفا صدور قوم مؤمنين وآخرين طيبين .. وأورثكم الله أرضكم وجاء دور بنائكم .. ولن تعيقكم مسامير جحا ..

شكرا لك أبو عبد العزيز .. خليتني أعبر عن بعض مشاعري