النتائج 1 إلى 2 من 2

الموضوع: يا زعيمي ..سيادة الرئيس ... ارجعلنا

  1. #1
    الصورة الرمزية علاء الزئبق
    علاء الزئبق غير متواجد حالياً مشرف المهارات النفسية ومهارات التفكير
    نبذه عن الكاتب
     
    البلد
    مصر
    مجال العمل
    HR & ISO
    المشاركات
    5,800

    يا زعيمي ..سيادة الرئيس ... ارجعلنا

    .



    هذه الأمنيات أرسلتها لى هذه الاخت لتعبر عن ألمها لما مر به الشعب المصرى خلال الثلاثون سنه الماضيه.
    هدى إبراهيم 21 April الساعه 15:19

    سيادة الرئيس ... ارجعلنا

    مش انت واحد مننا ؟؟ـ
    و عمرك في يوم ما سرقتنا
    ***
    ولا خدت مليم مننا
    ما تيجي طب ترجعلنا
    تقعد بأهلك وسطنا
    أهو مرة تاكل أكلنا
    وتلبس يا خويا من لبسنا
    وتعيش في حارة او في شارع زينا
    قلت ايه ؟؟ يا حارق دمنا
    ***
    سيادة الرئيس ... ارجعلنا
    وغداك يا سيدي عندي أنا
    رز و بطاطس مسرطنة
    لحمة ؟؟... مفيش من سنة
    فاكهة ؟؟... تعيش انت و أنا
    و الشاي .. بآخر معلقة م السكر اللي كان عندنا
    اشرب و فوق وركز بقه .. علشان نكمل حكينا
    ***
    سيادة الرئيس ... ارجعلنا
    مش سبت الحكم .. لأجلنا ؟؟ـ
    ما تيجي تسمع حكمنا !!ـ
    أفكرك ؟؟ ولا انت فاكر زينا
    قطر اتحرق من كام سنة
    وغازنا اللي طار من أرضنا ... لعدونا
    وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا
    ومركبة بأحلى شباب ... ييجوا من ايطاليا غرقانين .. والقرش ياكل لحمنا
    والله كانوا زينا
    ويمكن أحسن مننا
    ليهم بيوت و ولاد و عيشة و حلم .. زي حلمنا
    اتغربوا و اتبهدلوا .. لما الفساد طال كل حاجة في أرضنا
    واللي ما ماتش .. قاعد في غربته .. والغريب بيذلنا
    اقول كمان ؟؟ ولا كفاية ... و اهو انت عارف عننا
    .أصبر هتسمع حكمنا
    ***
    سيادة الرئيس ... ارجعلنا
    ولو انت واحد مننا
    فعلا يهمك أمرنا
    بينا عالنائب العام .. تفتنله على ولاد الحرام ... مصوا بلدنا و دمنا
    و افتن دي فتنة مهيش حرام .. ده حقنا
    دا لو انت واحد مننا
    أصبر هتسمع حكمنا
    ***
    سيادة الرئيس ... ارجعلنا
    اقعد معانا و زينا
    هعرفك .....ـ
    دي (أم خالد) أمنا
    ودول أهل (سالي) أهلنا
    و(عمر بن بنونة ) إبننا
    فسر و احكي و قللهم .. و قللنا
    واستسمح الروح اللي منورة في الجنة عند ربنا
    هتقول مكنش قصدنا ؟؟ـ
    دول ماتوا غصب عننا ؟؟ـ
    كداب و فاجر .. و اللي يصدقك زيك .. والكدب ريحته منتنة
    تتشل إيد اللي ضرب ،، و اللي أمر ،، و عليكوا لعنة ربنا
    .أصبر هتسمع حكما
    أيوه بقول ارجع لنا
    ياللي سرقت حلمنا
    وغربتنا و نهبتنا ... و في كل حتة أهنتنا
    إحنا اللي سال دمنا
    في الأربعين و اسكندرية و التحرير يشهدلنا
    آدي القفص ... أقف هنا
    والشعب يحكم .. مش أنا
    صدقني ... هي بينة
    من فوق سبع سماوات .. قالها ربنا
    العين بالعين والسن بالسن ... و هو دا بقه حكمنا ... و مفيش غيره عندنا
    ***
    مرسله من الأخت هدى إبراهيم
    وارجو ان تكون بيينا في بيتنا الكبير
    مشاركتك تزيد تقيمك وتقدر بها أعضاء المنتدي




    Our relationship with God must be perfect
    هذا ديننا www.islam-guide.com
    عليك بطريق الحق و لا تستوحش لقلة السالكين و إياك و طريق الباطل و لا تغتر بكثرة الهالكين

    ياقارئ خطي لا تبكي على موتــــي فاليوم أنا معك وغداً في التراب
    و يا ماراً على قبري لا تعجب من أمري بالأمس كنت معك وغداً أنت معي
    أمـــوت و يـبـقـى كـل مـا كـتـبـتـــه ذكــرى فيـاليت كـل من قـرأ خطـي دعالي



  2. #2
    الصورة الرمزية عمرو موسى
    عمرو موسى غير متواجد حالياً مستشار
    نبذه عن الكاتب
     
    البلد
    مصر
    مجال العمل
    تجارة ومحاسبة
    المشاركات
    326
    صفحة الفيس بوك
    صفحة الفيسبوك لـ عمرو موسى

    رد: يا زعيمي ..سيادة الرئيس ... ارجعلنا

    شعر ممتاز ومعبر عن الواقع
    وبلغة الشعب المصري العادي
    جميلة جدا
    التطوير يبدأ من الذات

موضوعات ذات علاقة
الرئيس الصيني يحضر اجتماع آبيك للموارد البشرية
الرئيس الصيني يحضر اجتماع آبيك للموارد البشرية 视频播放位置 下载安装Flash播放器 http://www.hrdiscussion.com/imgcache/4459.imgcache وهنا، اود ان... (مشاركات: 4)

شهادة ميلاد الرئيس للأستاذ نسيم الصمادي
شهادة ميلاد الرئيس هي شهادة وفاة الأمة يصدر في منتصف شهر مايو 2011 كتاب بعنوان: "أين شهادة الميلاد؟ "باراك أوباما" لا يستحق الرئاسة". وقد سبقت صدور الكتاب... (مشاركات: 0)

حقيقة السيد عمر سليمان - نائب الرئيس المصري
هذا هو بديل مبارك المطروح للاطلاع من باب العلم – بعضاً مما نشرته المواقع والتقارير حول عمر سليمان فضائح عمر سليمان: صاحب كذبة تعاون صدام مع القاعدة ومختطف أبو... (مشاركات: 0)

دور الرئيس في إدارة المنظمات غير الربحية
الوظائف الصفات ما يجب مراعاته يقوم مجلس إدارة الهيئة بتعيين الرئيس الذي يستمد سلطته من المجلس ويكون مسؤلاً عن تنفيذ سياسة المجلس وفيما يلي عرض لأهم الأدوار... (مشاركات: 1)

كيف تكون العلاقة بين الرئيس والمرؤوس؟!!
ماذا يفعل رئيسك في البداية عندما تتوظف اعمل بجد وستكون بخير http://www.hrdiscussion.com/imgcache/835.imgcache (مشاركات: 4)

أحدث المرفقات