اليوم لم اجد في نفسي شيئا تجاه الكتابة، ولكني وجدتني منجذبا أكثر للقراءة، وكانت الليلة مثمرة وقرأت كتابا للكاتب الساخر عمر طاهر، ولما أعجبني بشدة ما قرأت، أحببت ان اشارككم بعضا مما قرأت، الكاتب يضع سؤالا ويحاول ان يتخيل له اجابة منطقية، السؤال هو "ليه الراجل ممكن يخون مراته؟".
اليك بعض الأجوبة التي افترضها الكاتب والتي من الممكن ان تكون مرشدا لك لأشياء لا يمكن أن تتخيلها...

- مع العشيقة الراجل لا يحتاج لفياجرا، واذا احتاجها بيكون ليها فايدة، أما مع مراته فعلى رأي الكاتب الساخر محمد السيد محمد "ايش تعمل الفياجرا في الوش العكر".
- الراجل بيخون لأنه لا كرامة لنبي في وطنه، ولأن زمار الحي لا يطرب.
- الراجل بيخون علشان العشيقة فيها ميزة إنها غالبا ما بتباتش.
- الراجل بيخون علشان الحب حاجة والجواز حاجة والجنس حاجة.
- الراجل بيخون لأن مراته كتير بتتهمه انه قاعد في البيت مابيعملش حاجة.
- الراجل بيخون علشان مراته ما بتدخلش السرير غير لما تحس انها تعبانه وعايزه تنام.
- الراجل بيخون عشان اكتشف واحدة بتعرف تعمل مساج.
- الراجل بيخون مراته لأنها بترفض تاخد دش معاه .. واحيانا بترفض تاخد دش أصلا.
- الراجل بيخون مراته لما يحس انها زهقت وبتلمح بالطلاق، فبيخونها على سبيل تشجيعها على اتخاذ القرار.
- الراجل بيخون مراته لأنه يجد عن العشيقة قدرا من المياصة والتلميحات المتدلعة، التلميحات الوحيدة التي يجدها الرجل عن زوجته هي تلميحات بخصوص مصاريف البيت.
- الراجل بيخون مراته علشان لما قالها عايز اتجوزك ونعيش مع بعض ونكبر مع بعض ماكانش يعرف انها هتكبر اسرع منه.
- الراجل بيخون مراته علشان يتعلم حاجات تنفعهم هما الاتنين.
- الراجل بيخون مراته عشان كان فاكر نفسه اتجوز واحدة زي امه لحد ما مراته ابتدت تلبس في البيت ترنجات زي اللي كان بيلبسها ابوه.
- الراجل بيخون مراته عشان بتفضل تقول هاخس هاخس وما بيحصلش ابدا.
- الراجل بيخون مراته عشان فيه جزء من ملابسها بيفكره بحبل الغسيل بتاع جدته.
- الراجل بيخون عشان عشيقته لما بترقص بترجع له ثقته في نفسه، أما مراته لما ترقص بتخليه يفصل من كتر الضحك.
- الراجل بيخون مراته عشان بتاخد ساعة علشان تجهز وبعد الساعة بيلاقيها زي الأول برده.
- الراجل بيخون مراته عشان يقلل المسئوليات من عليها.
- الراجل بيخون مراته علشان متأكد انها بتحبه وهاتسمحه.
هذا جزء مما قرأت في الكتاب، ولكني نقلته ببعض التصرف والتغيير، ولكني أعود وأؤكد ان المقال كله عبارة عن مزحة لا أكثر ولا أقل ولا تمثل دعوة لأي شيء أكثر من ان تتعلم منه الزوجة بعض التلميحات، لأنها تعلم جيدا ان جوزها راجل محترم ومش بيخونها ولا حتى بيفكر في الموضوع، وان كان كتر الكبت يقصف العمر برده.

لمتابعة الموضوع على الفيس بوك .. برجاء اتباع الرابط التالي:
http://www.facebook.com/note.php?note_id=112355468836745