الموضوع: كفاية بقى نقول عادى لأنه مش عادى

ماتقوليش عادي .. علشان دا مش عاااااااادي
مش هقلع طرحتي يوم فرحي عشان ليلة العمر... عشان ده مش عادي
مش هرقص في فرح بنت خالي عشان صلة الرحم... عشان ده مش عادي
مش هحكي لزميلي في الشغل مشاكلي العائلية.. عشان ده مش عادي

... ... مش هروح البحر والبس مايووه..عشان ده مش عادي
وكفايا بقى كلمة عادي.. لاننا متخلقناش عادي
ولا هنقف نقول يارب معلش... اصله كان عادي

عادي كل البنات مصاحبين.. وانا يلا اصاحب عشان مبقاش معقده.. لا مش عادي
عادي كلهم مسافرين شلة ولاد وبنات ...وانا اسافر معاهم .. لا مش عادي
عادي تقصير الجيب على البووت.. عشان ابقى على الموضة.. لا مش عادي

عادي البنطلون ابو وسط ساقط ... عشان ابقى روش... لا مش عادي
عادي البدي الملزق وهيتفرتك من على الجسم... لا مش عادي
عادي اركب عربية زميلي.. مهو زي اخويا... لا مش عادي
وعادي ابن عمي يبعت لي رسايل تهريج خارجة.. اصله زي اخويا.. لا مش عادي

وعادي اكدب على أهلي ..مهي كدبة بيضا... لا مش عادي
عادي اروح شغلي متاخر وازور امضتي..مهو كله عادي اشمعنى انا.. لا مش عادي
عادى اكون محجبة واقف انشر الغسيل من غير حجاب مانا فى بيتى ومحدش باصص اوى
.. لا مش عادى
عادى لما اخرج انا وخطيبى لوحدنا طول الليل مهو هيبقى زوجى .. لامش عادى

عادي نحط صورنا الشخصية على الفيس بووك عادي ....لا مش عادي
عادي نحط صور اتنين بيحضنوا بعض او واحدة لابسة من غير هدوم... مهي مش صورتنا لا مش عادي
عادي نتعرف على بعض ونشات مع بعض .. مش هنقول حاجه عيب.. لا مش عادي
عادي اكتب رقم تليفوني وبياناتي الشخصية. محدش هيعمل لي حاجه..لا مش عادي
عادي اشوف واحدة بتتعاكس واسكت.... مهو ده بقى عادي ..... لا بقى مش عادي

وكفاية بقى عيشه عادي .. عشان حبنـــــــــــــــا للــــــــــــه
اكبر من اى كلمـــــــــه عادى
و لاننا مش عايزين ينكتب على قبرنا
هنا يرقــد السيد عــادي
عادي بن عادي آل عادي

ومن هنا ورايح هرفع شعار:
:أنا أنسان مش عادى

موضوعاتك بالاضافة الى روعتها تقدم لنا نصائح غالية
وبالفعل كلما قرأت موضوعاتك استفدت منها الكثير

جعل الله ذلك في ميزان حسناتك
واذكرك بقوله صلى الله عليه وسلم
لأن يهدى الله بك رجلاً واحدا خير لك من حمر النعم

وفقك الله

جزاك الله كل خير يا أستاذ محمد هذا لا شئ بجانب موضوعاتك الهادفة سواء فى مجال التنمية أو غيرها
هذا الكلام والله أكثر مما أستحق
اللهم اجعلنى خيرا مما يظنون واصرف عنى ما لا يعلمون

السلام عليكم
هلا رانيا
الموضوع روعة ..أعتقد أنه مدعم من درس ( مش عادي ) للـ د . هاني حلمي
ولإتمام حلقة الوصل
اسمحي لي أن نضيف هذا المسار
[مشاهدة الروابط متاحة فقط لأعضاء المنتدى .. ]